YEREMIA 42:2 - WUKE SUSI WATTI'U AL᷊AL᷊USASSA

² ringangku wuṛṛu nabbisara, “Papa, ere lai aellehenni Papa sassane, i yami indi dorone manambo, orassa indi ete addio'a. I yami sumal᷊ande si Papa umal᷊iomanni yami su Mawu Ruata apan sassubbanni Papa. Al᷊iomana'e i yami apan lambene indi,

YEREMIA 42:2 Iomraidhean Croise

1 MARARATU 13:6

Ana see Ratu Yerobeam nabbisara nabi udde, “Tul᷊unga'a al᷊iomana'a su Mawu Ruatanu huna'u. Paddarongkeaakkan-Ne tadea'u ta'ia'u mapia!” Ne nabi udde niumal᷊iomante su Mawu, ana see napiate ta'iakku ratu.

DARALO 119:170

Wala'ewe darorongku maddatinga ringan-Nu, sal᷊amatewe i ya'u ere buatte nipa'ire-Nu.

SASABANGNGA 8:28

Ratu nabbisara, “Aroddite, i ya'u mamalan kamiu inai watukku wadda'a mangonggolu sassamba su Mawu, Ruatanu, addonganne i yamiu tawe umamatta marau. Paanaunge, a'al᷊iomana'awe i ya'u!”

SASABANGNGA 9:28

Aal᷊iomatee su Mawu; yami mal᷊annute uatataṛṛangnga ana waugu rallu'a wuṛṛu uranna masunge indi. I Ya'u sarun mamallossi yamiu inai. I yamiu ariete pa'atana'a isindi lai.”

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

YESAYA 1:9

Unnuwisara Mawu Apan Lembontaṛṛino, tawe mandalukka manga pira taumata hunan kite, i ite lai nasuete abbi, ere Sodom wuṛṛu Gomora.

YESAYA 37:4

Ratun Asyur buatte nandolokku tembonannu tantara atanggaṛṛanne niapaal᷊uandaga Ruata apan biakka. Isai masingkatta Mawu Ruata naaringikka a'al᷊uandaga udde wuṛṛu sarun makkuumanni mangitou apan nabbisara! Ana waugu udde aal᷊iomante su Ruata hunan manga taumatan kite apan ta'e wiakka.”

YESAYA 42:20

Israel, manambo apan aellehannu, arawe i'o tawe manutukka, tal᷊inganu wawu'anna, arawe i'o tawe maddaringikka.”

YEREMIA 15:11

Mawu, amungkangngu i ya'u atonna tawe ma'ola'a manara'u ringannu mapia, wuṛṛu tawe manamba'a manga seetta su saruan-Nu sutempo i mangitou naasomba silaka wuṛṛu asasusa, wala'e wontogga wuassu manga taumata mariaddi atonna-tonna. (

YEREMIA 2:27

I yamiu sarun pansilianna, ana waugu alu sampaddi waggoanni i yamiu iamangnga wuṛṛu watu sambau waggoanni yamiu inangnga. I yamiu wal᷊inewe rumanta ringang-Ku, ewe'e nanantang-Ku. Arawe napawe nirumanta asasusa, ete i Ya'u apan waggoanni yamiu tadea'u rumanta manal᷊amatta si yamiu.

YEREMIA 21:2

“Paddorongke tatantiro wuassu Mawu si ite, ana waugu i Nebukadnezar ratun Babel ringannu tantarane tantal᷊anna malliwunna soang kite. Asinungka Mawu sarun ma'ola'a al᷊aṛṛindu'a si ite, wuṛṛu mamata'i Nebukadnezar mantal᷊angngu tantarane.”

YEREMIA 36:7

Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

YEREMIA 37:20

Orassa indi, i Tuangnga apan mawantuga, doronganna maddaringikka darorongku indi. Ariewe i Tuangnga mandolo'u apia watukku tattupanna su wal᷊en Yonatan udde, antahanna i ya'u mate poiaroddi.”

YEREMIA 37:3

Ratu Zedekia nandolokki Yukhal ana'i Selemya, wuṛṛu Imam Zefanya ana'i Maaseya tadea'u maddorongnga si ya'u umal᷊iomanna su Mawu Ruata hunan hausannu walahanna.

YEREMIA 38:14

Su sambau tempo apan baine, Ratu Zedekia nandolokku taumata mangapi'u sumaruanna si tou su ngara pasallanganna apan atallune su Wal᷊e Mawu. I tou nabbisara si ya'u, “I ya'u mappulu maiwal᷊o si'o, wuṛṛu i'o ṛinone sumimbakka ringannu masema-semakka. Imbaṛṛangnga piaddu iwuni.”

YEREMIA 40:15

Ana see ringannu mal᷊anna-l᷊annaba i Yohanan nabbisarate si Gedalya, “Mappianne i ya'u inaite mamate si Ismael; tawe saran sangkatou apan maasingkatta isai namate. Anio i tou ṛinone iwala mamate si'o? Udde pangillul᷊eanne anambon taumatan Yehuda apan uaammulle isindi ringannu, massal᷊iawukke apia, wuṛṛu olangnge udde sarun maaṛṛimunsa'a anambon tumana'u wanua apan ta'e nallambe su Yehuda.”

YEREMIA 42:20

manungku i yamiu buatte na'ola'a sambau pasasal᷊a apan wahewalla. I yamiu sussal᷊ande tadea'u i ya'u umal᷊iomanna su Mawu Ruatang kite hunang kamiu, wuṛṛu i yamiu naddiandi mapaamattu sarangkanambone apan niwisara Mawu.

LAL᷊ALLU 1:1

Aroddi al᷊annabbe Yerusalem orassa indi, soa apan al᷊amonane rame atonna. Dorone tinumelengnga wuassu al᷊awo'u manga walahanna, orassa indi naola'e ere wawine wal᷊u. Dorone soa apan mangke raddaloanna, orassa indi niola'e allangnga.

YEHEZKIEL 12:16

Sambageanganna addio'a wuassi mangitou sarun Ta'u iapasal᷊amatta wuassu papangalo, wuassu ṛutumma, wuṛṛu ṛiwutta, tadea'u su pattangngannu manga walahanna raho udde i mangitou sarun maatutukka manungku i mangitou buatte na'ola'a al᷊al᷊eo wahewa. Ne i mangitou sarun manga'u manungku ete i Ya'u Mawu.”

HOSEA 8:10

Salaiwe aroddi i Ya'u sarun mangammulla wuṛṛu makkuumanni mangitou. Tate mal᷊annu lai i mangitou sarun sumaliomannu atataddu'a, napawe i mangitou allangannu ratun Asyur.

IMAMATTA 26:22

I Ya'u sarun mandantan manga winatanga mal᷊aṛaga su pattangnganni yamiu. Manga winatanga udde sarun tumambo manga anangu, mamate winatanga papadul᷊ianannu wuṛṛu mamate si yamiu, na'oman sara reengannu mabbal᷊i addio'a, wuṛṛu manga lal᷊anna su wanuanu mabbal᷊i mal᷊annaba.

AMOS 7:2

Manga saṛṛappalanna udde mangke maranin manginsue anambon sinuananna su leta'a. Wua'udde i ya'u nabbisara, “Mawu Apan Atanggaṛṛanne, ampungewe uman-Nu! I mangitou tumaniten addio'a wuṛṛu lome, ereapa wotongnge i mangitou maataṛṛangnga?”

MATIUS 24:22

Unnu wisara, Ruata tawe mangal᷊ihakku tempone; tawe saran sangkatou apan botongnge masal᷊amatta. Arawe ana waugu al᷊aṛṛanang-Nge, Ruata nangautta tempone udde.

WATTI'U MANGA RASUL 8:24

See i Simon nabbisara si Petrus wuṛṛu si Yohanes, “Tul᷊unga'a padorongnga su Mawu tadea'u tawe saran sambau wuassu wisara manga tuṛṛangnga udde mariaddi su riri'u.”

TAHIUL᷊E 28:62

Salaiwe reengannu anambone erete anumpitanna su langitta, tumba'u matul᷊unga suwallatti yamiu apan ta'e wiakka, ana waugu i yamiu tawe tumuṛṛutta Mawu Ruatanu.

TAHIUL᷊E 28:63

Ere lai Mawu mal᷊uassa mangonggolu lal᷊umanna'a si yamiu wuṛṛu mannimu reengannu, i Tou sarun mal᷊uassa mamate wuṛṛu manginsue si yamiu. I yamiu sarun limbuaṛṛanna wuassu wanua apan tate mal᷊annu lai atanaanni yamiu.

TAHIUL᷊E 4:27

Mawu sarun manal᷊iawukki i yamiu suwallatu manga walahanna waine wuṛṛu tumba'u matul᷊ungna suwallati yamiu apan sidutu wiakka.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

1 SAMUEL 12:19

Ana see i mangitou nabbisarate si Samuel, “Tul᷊unga'a, Papa, al᷊iomana'a yami su Mawu Ruatanu, tadea'u yami tawe mate. Orassa indi yami naatutukke manungku wuassu rosan kami dorone, yami lai buatte na'ola'a rosa apia ana waugu naddorongnga sangkatou ratu.”

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

1 SAMUEL 7:8

I mangitou nabbisara si Samuel, “Arie pangillol᷊o umal᷊iomanna su Mawu Ruatan kite, tadea'u i ite iapasal᷊amatta wuassu taumatan Filistin.”