YEREMIA 4:8 - WUKE SUSI WATTI'U AL᷊AL᷊USASSA

⁸ Ana waugu udde, luaite wuṛṛu lallute, palluṛṛeten karongnga tatialan lullal᷊o. Ana waugu asasa'u Mawu apan nangillembo taambe lai nompo'a wuassu Yehuda.

YEREMIA 4:8 Iomraidhean Croise

DARALO 78:49

I Tou napasabbangu asasa'u-Ne apan lukkenggamma ringannu nandolokku sambageanganna mala'ekattu papate apan na'ola'a si mangitou niasueannu naungnga.

YESAYA 10:4

Pal᷊addu pabbiaṛṛannu tumba'u pateanna sulal᷊ummu pangalo ara'e ehetanna maola'a taumata niatawanna. Arawe Mawu ta'e sidutu massa'u wuṛṛu ta'e makkuumanna.

YESAYA 13:6

Lalluaite, ana waugu allo Mawu maranite, eteudde allon papate apan niaparanta Mawu Apan Lembontaṛṛino.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YESAYA 32:11

Maddatingngu orassa indi i yamiu mabbiakka matemangnga, nal᷊iudda wuassu asasusa. Arawe orassa indi, mangngiladden atata'utta! Luatte laungngu wuṛṛu reṛṛota'e nasa su lawannu.

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

YESAYA 9:12

Walahannu Israel taambe lai sumassilla, salaiwe buatte niṛṛuumannu Mawu Apan Lembontaṛṛino; i mangitou taambe lai mawal᷊u.

YESAYA 9:17

Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

YEREMIA 25:34

Ei manga piaṛṛa'a, ei manga mallal᷊u'addu umattu Mawu! Luaite pa'ikka-ikkatta! Tattal᷊inggite su awu, ana waugu nia'omante tempone i yamiu pateanna, wuṛṛu iapa naal᷊assanga sarun isal᷊iawukka. I yamiu naal᷊ihidda ere wensadda maarega apan nanawo see napesangnga.

YEREMIA 48:20

I mangitou sarun sumimbakka, ‘Moab nanawote wuṛṛu nahelote, ana waugu udde lalluaite si tou. Al᷊iata'e su al᷊o'engngu Sal᷊ukku Arnon manungku Moab naṛṛimunsa'e.’ ”

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

LAL᷊ALLU 1:12

“Ei manga taumata apan niumamatta su lal᷊anna, pa'ellege wuṛṛu panutukke! Piawe asasusa apan ahewalle ere papasannanangku orassa indi, asasusa apan niṛṛia'u Mawu si ya'u, ana waugu asasa'u-Ne apan tumatine nilumambalanna udde?

YEHEZKIEL 21:12

Ei taumata apan mattate, lalluaite wuṛṛu sal᷊andete! Ana waugu hal᷊ele udde nasaddiate lumawangnga uma-U. Manga piaṛṛa'u Israel suadio'a ringannu ahewallu walahanna sarun usu'annu hal᷊ele udde ma'oman sara mate. Ne pameppelle roonu ringannu massusa,

YEHEZKIEL 30:2

“Ei taumata apan mattate, pani'atte wuṛṛu wal᷊oa'e su walahannu Mesir apa apan i Ya'u Mawu Apan Atanggaṛṛanne nabbisara si mangitou. Sal᷊andete wuṛṛu lalluaite arendi: Uare! Allo Mawu maranite! I tou ringannu mal᷊ihakka sarun mammanara. Allo marandumma wuṛṛu pia binabbawa, tempone manga walahanna sarun manengkamma ṛuumanna.

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

MIKHA 1:16

Ei taumatan Yehuda, pol᷊ote utangngu maola'a tatiala lullal᷊o su manga anangngu apan arangnguani yamiu. Iṛṛite puanu ma'oman sara mal᷊unggukka ere manu'u winalanganna apan u'inassa winal᷊unanna, ana waugu manga anangngu sarun ṛuwoanna watukku pamamuanganna.

REENGANNA 25:4

“Samette anambon taumata apan uapiaṛṛa'u walahanna udde wuṛṛu patete i mangitou su saruannu awadaalla maola'a sambau tatuṛṛutta su parenta-U, tadea'u i Ya'u tate lai masa'u su walahanna udde.”