YEREMIA 4:4 - WUKE SUSI WATTI'U AL᷊AL᷊USASSA

⁴ Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

YEREMIA 4:4 Iomraidhean Croise

2 TAWARIKH 34:25

I mangitou buatte nanantang-Ku wuṛṛu nangonggolu sasamba su manga mawu waine. Sarangkanambone apan buatte niola'i mangitou mangke naasa'u si Ya'u. I Ya'u nasa'u su Yerusalem, wuṛṛu asasa'u-U tawe umompo'a.

YESAYA 10:17

Ruata apan na'ukkassa, Asasemakku Israel, sarun ma'ola'a ṛenggammu putungnga sulal᷊ummu allo massallo manutungnga abbi al᷊awo'a, sara lai ahuranganna ṛoaanna.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

YESAYA 51:17

Pabbangunte, ei Yerusalem, pabbangunte! Ṛuumanna apan niema'u Mawu ana waugu asasa'u-Ne buatte niamannu na'oman sara nasue.

YEREMIA 15:14

Su wanua waine apan awagananni mangitou, i Ya'u sarun ma'ola'a si mangitou allangngu manga seetti mangitou, ana waugu asasa'u-Ku nilumambalante ere putungnga sussal᷊oi wuṛṛu tawe iapaddumma.”

YEREMIA 21:5

I Ya'u sassane sarun mamangalo si yamiu ringannu ahewallu auatanna ringannu asasa'u apan nangillembo.

YEREMIA 23:19

Asasa'u Mawu naal᷊ihidda anginna wahewalla apan mannanggiudda wuṛṛu mannalla'u manga taumata apan dal᷊eo.

YEREMIA 36:7

Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

YEREMIA 9:25

Mawu nabbisara, “Sarun a'omanna tempone i Ya'u makkuumannu taumata Mesir, Yehuda, Edom, Amon, Moab wuṛṛu tumana'u wadda'u anne apan namol᷊o utangnge. I mangitou sarangkanambone sunatanna ere taumatan Israel, arawe mawae i mangitou ara'e walahannu israel maola'a ere manga taumata apan tawe nisunatta, ana waugu i mangitou tawe tumuṛṛutta su pa'aire apan niwal᷊on sunatta udde.”

LAL᷊ALLU 4:11

Mawu napasabbangngu asasa'u-Ne wuṛṛu nanoṛṛobba Soa Sion na'oman sara naddatakku leta'a.

YEHEZKIEL 16:38

I'o sarun Ta'u iṛṛuumanna ana waugu pasasandaga wuṛṛu pamamate apan buatte niolangngu udde. Sulal᷊ummu naungdal᷊eo wuṛṛu asasa'u-U i'o sarun Ta'u iṛṛuumanna pateanna.

YEHEZKIEL 18:31

Addoa'e al᷊awo'u al᷊al᷊eo apan niola'i yamiu wuṛṛu wala'e naungnga wuṛṛu ṛingirannu mabbal᷊i wakku. Anio i yamiu ṛinone mate?

YEHEZKIEL 20:33

“Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu Ta'u iapanaungnga manungku ana waugu asasa'u-U, i yamiu sarun parentang-Ku ringannu maṛṛagissa wuṛṛu matotogga ma'oman sara i yamiu maasingkatta taṛṛino-U. I yamiu apan buatte Ta'u nisal᷊iawukka.

YEHEZKIEL 21:17

I Ya'u sarun mattal᷊o'appa lai, ana see asasa'u-U sarun umompo'a. I Ya'u, Mawu buatte nabbisara.”

YEHEZKIEL 24:13

Ei Yerusalem, manga inolaannu apan dal᷊eo buatte nalluhuda watangannu. Ia'o buatte na'annamma mamaresi si'o, arawe tawe gunane, waugu i'o sidutu lal᷊eo. I'o tate mawaresi apia ma'oman sara i Ya'u mapasabbangngu asasa'u-U si'o.

YEHEZKIEL 24:8

Daṛṛa udde Ta'u niwala isudde na'oman sara wotongnge aellehanna wuṛṛu maddorongnga wawal᷊inne.”

YEHEZKIEL 44:7

I mangitou buatte nalluhudda Wal᷊e-U, ana waugu tantal᷊anna tawa wuṛṛu daṛṛan sasamba ia'onggolla si Ya'u, i mangitou namalan sinumutta sulal᷊umme manga taumata raho apan tawe nisunatta, wuṛṛu tawe tumuṛṛutta si Ya'u. Ringannu manga inolaanni mangitou apan maarantinna udde, i mangitou buatte nilumawangnga paaire-U si mangitou.

YEHEZKIEL 6:12

I mangitou sarangkanambone sarun maapendamma asasa'u-U somopa. Manga taumata apan marau su pamuanganna sarun rumada'a lapiddu nate; iapa marani sarun nate sulal᷊ummu pangalo, wuṛṛu lambene sarun nate amal᷊unusanna.

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

IMAMATTA 26:28

wuṛṛu ringannu massa'u i Ya'u sarun manggesekka si yamiu, wuṛṛu makkuumanni yamiu paapitu mabbakatanna wuassu ṛuumanna nanangkal᷊iu.

IMAMATTA 26:41

na'oman sara i Ya'u lumawanga si mangitou wuṛṛu mallimbuakka si mangitou watukku pamuanganna su wanuan manga seetti mangitou. Panginsueanne, amungkangngu papapulunnu niawadote wuṛṛu buatte napaamattu ṛuumanna ana waugu rosan wuṛṛu lal᷊awangi mangitou,

AMOS 5:6

Pabbelengke ringannu Mawu, ne i yamiu sarun mabbiakka. Amungkangngu i yamiu tawe mabbelengnga ringanni Tou, i Tou sarun dumanta ere putungnga apan lullewa wuṛṛu manoṛṛobba taumatan Israel ma'oman sara masue. Su Betel tawe saran sangkatou apan wotongnge mamaddumma putungnga udde.

ZEFANYA 2:2

tatal᷊anna i yamiu taambe tinumolangnga wuṛṛu maṛṛangu ere bunga! Awal᷊ute tantal᷊anna taambe nirumanta allo asasa'un Mawu, wuṛṛu i yamiu aṛṛiaannu asasa'un Mawu apan lukkenggamma udde.

ROMA 2:25

Amungkangngu i'o matuṛṛutta titan agama Yahudi, ne i'o apan buatte nissunatta udde pia gunane lai. Arawe amungkangngu i'o tawe ninumaramma tuttuṛṛutta manga inolaanna apan iradolokka sulal᷊ummu tita udde ne sunatta udde tawe gunane saran kadio'a.

TAHIUL᷊E 10:16

Nariaddi manattakka orassa indi yamiu ṛinone matuṛṛutta su Mawu wuṛṛu puanu tate mangattikka lai.

TAHIUL᷊E 30:6

I yamiu wuṛṛu papapulunnu sarun onggol᷊annu naungnga matuṛṛutta, ma'oman sara i yamiu marangngu Mawu Ruatanu ringannu ahewallu naungngu wuṛṛu wotongnge sidutu matana'a su wanua udde.

TAHIUL᷊E 32:22

Asasa'u-U sarun sumawudda naal᷊ihidda putungnga apan nanoṛṛobba naddatingngu runian taumata nate. Putungnga udde nanutungnga runia wuṛṛu al᷊awo'u lal᷊oṛṛone, wuṛṛu manga wowone na'oman sara manga ṛamunne.

KOLOSE 2:11

Ana waugu uaaukka ringanni Kristus, i yamiu suete nisunatta, wal᷊ine ringannu sunatta apan niola'u taumata, ewe'e sunatta apan niola'i Kristus, apan namallosi yamiu wuassu taṛṛinon pallal᷊agu apan marosa.