YEREMIA 4:2 - WUKE SUSI WATTI'U AL᷊AL᷊USASSA

² Amungkangngu i yamiu massalu ringannu arang-Ku wuṛṛu i yamiu mabbiakka su atatul᷊idda su apapia wuṛṛu atonna, ne anambon balahanna sarun sumal᷊ande si Ya'u tadea'u i Ya'u mangal᷊amatta si mangitou, wuṛṛu i mangitou sarun maddalo si Ya'u.”

YEREMIA 4:2 Iomraidhean Croise

PANDARIADDI 22:18

Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou su ereapa i Ya'u nangal᷊amatta papapulunnu – ana waugu i'o buatte tinumuṛṛutta parenta-U.”

1 MARARATU 3:6

I Salomo sinumimbakka, “Mawu, I'o buatte napal᷊iatta'a manungku I'o tumaniten marangngu iamangku Daud, allang-Ngu udde. I tou mapia, tawe awusune see matamudda Si'o. Wuṛṛu naola'a wataṛṛune manungku sarangkal᷊o'enge I'o sidutu mandangngu si tou, I'o nangonggolla si tou sangkatou ana'a esakka apan uaparenta nallol᷊ossa si tou.

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

DARALO 99:4

Taṛṛino ete Si'o, Ratu apan marangngu tita; I'o buatte napararisikku apapia; I'o buatte napaamattu tita wuṛṛu atatul᷊idda su Israel.

YESAYA 45:23

I Ya'u buatte naddiandi, wuṛṛu riandi-U tawe mawal᷊u; ringannu arang-Ku sassane i Ya'u massalu: Suapan taumata apan umal᷊intudda su saruang-Ku, wuṛṛu sulal᷊ummu wahasane sassane naddiandi sidutu satia si Ya'u.

YESAYA 45:25

Arawe papapulunni Yakub sarun iapaasal᷊amatta, wuṛṛu i mangitou sarun maddalo si Ya'u, Mawu.

YESAYA 65:16

Suapan taumata su wanua udde apan maddorongnga al᷊amatta, sarun maddorongnga al᷊amatannu Ruata apan satia. Suapan taumata apan massalu, sarun massalu ringannu arannu Ruata apan satia. Ana waugu asasusa apan dorone nawul᷊ite wuṛṛu nitimbul᷊ianante.”

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

YEREMIA 12:15

Arawe napawe buatte napasabbangngi mangitou, i Ya'u sarun umakkanni mangitou apia; suapan balahanna sarun Ta'u iapidda mabbelengnga su wanuane sassane.

YEREMIA 12:16

Amungkangngu i mangitou ringannu ahewallu naungnga mappulu manengkamma agaman uma-U wuṛṛu mappulu massalu ringannu mabbisara, ‘Riangannu arannu Mawu apan biakka,’ – ere lai dorone i mangitou mangngaṛṛa'a uma-U massalu ringannu aranni Baal – ne i mangitou lai sarun mareengnga uma-Ku wuṛṛu maola'a ala.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

YEREMIA 3:17

Sutempo udde soan Yerusalem sarun isaggo, ‘Aianannu Mawu’, wuṛṛu anambon walahanna sarun ma'ammulla su soa udde massubba Mawu. I mangitou tate lai tumuṛṛutta apulu naungngi mangitou apan maattikka wuṛṛu lal᷊eo udde.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

YEREMIA 5:2

I yamiu mabbisara manungku i yamiu massubba Mawu, wutte'e pandumanni yamiu wal᷊ine aroddi.

YEREMIA 7:5

Wal᷊ute ola'u pabbiaṛṛannu wuṛṛu pallal᷊agunu. Pa'ola'e atatul᷊idda sangkatou ringannu waine.

YEREMIA 9:24

Isai mappulu lumuassu sambau saranapa, ṛinone lumuassa manungku i tou ma'aillal᷊a wuṛṛu maasunna si Ya'u; manungku i tou masingkatta i Ya'u marangngu saran mal᷊annu-l᷊annu wuṛṛu i Ya'u mannohassa tita see atatul᷊idda su runia. Sarangkanambone udde maal᷊uassa naung-Ku. I Ya'u, Mawu, apan namasingkattu udde.”

HOSEA 2:19

Israel, i'o sarun Ta'u olaanna awing-Ku, awingnga apan ṛinone saran mal᷊annu-l᷊annu. I'o sarun Ta'u iaakkanna wuṛṛu arangnguanna sidutu; i Ya'u sarun ma'ola'a pallal᷊agu matul᷊idda wuṛṛu satia.

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

ZAKARIA 8:8

wuṛṛu mangapiddi mangitou mabbelengnga wuassu ra'i wuṛṛu wuassu waṛṛatta, ma'oman sara i mangitou matana'a su Yerusalem apia. I mangitou sarun mabbal᷊i uma-U wuṛṛu i Ya'u Ruatan mangitou. I Ya'u sarun mamarenta si mangitou ringannu satia wuṛṛu atatul᷊idda.”

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

1 KORINTUS 1:31

Nariaddi ere uawoṛṛetta sulal᷊ummu Wuke Susi, “Taumata apan maapulu mamarabunga, ṛinone mammunga su inolaannu Mawu.”

2 KORINTUS 10:17

Sulal᷊ummu Wuke Susi uawoṛṛetta, “Taumata apan sidutu lulluassu sambau sarannapa, ṛinone lai lumuassu apa apan buatte niola'u Mawu.”

GALATIA 3:8

Wuke Susi buatte na'ellega paarorone manungku Ruata namalanmanga taumata wal᷊ine Yahudi masasangkapia apia ringannu Ruata, amungkangngu i mangitou mangngimanna si Tou. Watti'u Al᷊al᷊uassa udde niapaasingkata paarorone si Abraham sulal᷊ummu paaire indi, “Wuassi'o, Ruata sarun mangal᷊amatta al᷊awo'u walahannu taumata su wowon runia indi.”

TAHIUL᷊E 10:20

Pangaddata Mawu Ruatanu wuṛṛu tumba'u pattaṛṛamawu si Tou sassane. Ṛinone i yamiu sidutu matuṛṛutta si Tou wuṛṛu massalu ringannu aran-Ne sassane.

TAHIUL᷊E 4:30

Amungkangngu i yamiu aṛṛiaannu al᷊al᷊eo udde, wuṛṛu i yamiu udde lai sulal᷊ummu asasusa, ne i yamiu sarun mabelengnga ringannu Mawu Ruatanu wuṛṛu tuttuṛṛutta si Tou.

TAHIUL᷊E 6:13

Pangaddate Mawu Ruatanu, wuṛṛu tumba'u pattaṛṛamawu si Tou, wuṛṛu amungkangngu i yamiu massalu, passalute tumba'u sulal᷊ummu aran-Ne.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

RUT 3:13

Ṛabbi indi i'o atana'e isindi asuene. Tiṛṛabbi marua'allo i ya'u maiwal᷊o tanne i tou mappulu mappaamattu manarane udde si'o ara'e maddiri. Amungkangngu mappulu, apianne; arawe amungkangngu i tou maddiri, ne i ya'u maddiandi sulal᷊ummu arannu Ruata apan biakka, i ya'u sarun mapaamattu manara udde. Orassa indi atiille isindi ma'oman sara marua allo.”

1 SAMUEL 20:3

I Daud sinumimbakka, “Iamangngu masingkatta atonna manungku i'o marangngu si ya'u. Nariaddi i tou sarun tawe mamasingkattu olangnge udde si'o tadea'u i'o tawe masusa. Salaiwe ereapa, ringannu arannu Mawu apan biakka, mangke atonna wia'u indi naal᷊ihidda tallukka su pentakku tatandu'a!”