YEREMIA 4:16 - WUKE SUSI WATTI'U AL᷊AL᷊USASSA

¹⁶ I mangitou mapaanaungngu manga araratuanna wuṛṛu namasingkatta tumana'u Yerusalem manungku seetta inawarendite nirumanta wuassu wanua apan marau. I mangitou mangikkuittu gahoressan pangalo su manga soan Yehuda

YEREMIA 4:16 Iomraidhean Croise

YESAYA 34:1

Wette pa'ammulle, ei manga walahanna, wuṛṛu paddaringikke. Wala'e ahewallu runia wuṛṛu sarangkanambone apan biakka sulal᷊umme rumanta wuṛṛu maddaringikka.

YESAYA 39:3

Wua'udde i Nabi Yesaya sinumaruanna si Ratu Hizkia wuṛṛu naiwal᷊o, “Wuassuapa manga taumata udde? Apa unni mangitou?” I Hizkia sinumimbakka, “I mangitou wuassu Babel, wanua apan marau.”

YEREMIA 1:15

I Ya'u sarun mandolokku anambon walahanna su samba'an sawannakka rumanta mangaṛṛo Yerusalem. Manga darandungnga apan uapal᷊iwutta soa indi see lai manga ngaran pasallangannu wahewalla wuṛṛu anambon soa su Yehuda sarun aṛṛoanni mangitou.

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

YEREMIA 2:15

Seenne mammiṛṛonganna ere singa, letangnge niola'a mamara wuṛṛu tawe loṛṛone, manga soane nasue nisoṛṛobbu putungnga, niwala aroddi tawe tumanangnge.

YEREMIA 31:10

Mawu nabbisara, “Paddaringikka ei manga walahanna! Wal᷊oa'e tanata-U su samba'an tahal᷊oangnga: Uma-U apan buatte Ta'u nisal᷊iawukka sarun Ta'u ihemonna wuṛṛu paddul᷊iananna ere mallal᷊u'adda uataṛṛapa dombane.

YEREMIA 39:1

Su wul᷊anna appul᷊one tonna assione i ratu Zedekia uaparenta Yehuda, i Nebukadnezar ratun Babel ringannu anambon tantaran pangalone nirumanta wuṛṛu namangalo Yerusalem.

YEREMIA 4:17

wuṛṛu malliwunna Yerusalem ere taumata uariagga wailla. Sarangkanambone udde mariaddi ana waugu walahannu Yehuda buatte nilumawangnga Mawu. Mawu buatte nabbisara.

YEREMIA 5:15

Ei ummattu Israel, Mawu tantal᷊anna mandantan sambau walahanna wuassu wanua apan marau tadea'u iapapangalo si yamiu. Walahanna udde piate ro'en al᷊amonane, pabbawisarane tawe asunnanni yamiu,

YEREMIA 5:6

Ana waugu i mangitou sarun pateannu singa wuassu mahurangnge, wuṛṛu ringanna wangngasannu serigala wuassu wadda'u anne. Macan tutul sarun mammal᷊intadda maddea'a inassa maranin manga soa mangitou, wuṛṛu suapan taumata apan sumabbangnga sarun tamboanne. Sarangkanambone udde mariaddi ana waugu i mangitou manambote rosane, wuṛṛu masokka-sokka tumal᷊i'udda Ruata.

YEREMIA 50:2

“Pasea'e tatiala wuṛṛu al᷊iata'e su manga walahanna manungku Babel nanawote! Arie pa'adappinga'a olangnge udde! I Merodakh monganne naṛṛimunsa'e, wuṛṛu manga paal᷊uanne apan masandaga napesangke nattal᷊eṛṛonga, see manga mawune lembon haggeloanna.

YEREMIA 6:18

Ana waugu Mawu nabbisara, “Paddaringikka, ei manga walahanna! I yamiu ṛinone masingkattu apa apan sarun mariaddi su uma-U.

YEREMIA 6:19

Panutukke, ei runia! Uma-U maddiri manengkamma al᷊aṛṛa-U wuṛṛu maddiri tumuṛṛutta si Ya'u. Maola'a pangillul᷊eannu hol᷊agi mangitou i Ya'u nandantan asasilaka si mangitou.

YEREMIA 6:22

Mawu nabbisara, “Sambau araratuanna apan matohassa tantal᷊anna u'amatta wuassu wanua apan marau su sawannakka. I mangitou rumanta mapapangalo.

YEREMIA 6:23

Ahiddi mangitou ana'anna wuṛṛu sambeangnga; i mangitou maṛṛagissa wuṛṛu wagga mangonggollu ampungnga. Ere tingikku tahal᷊oangnga apan mattandi'a etearoddi tingikku lal᷊empangngu awal᷊o mangitou apan tantal᷊anna iappatal᷊angnga inai mamangalo Yerusalem.”

YEREMIA 8:19

Paddaringikka! Su ahewallu wanua pia sanseongnga aintul᷊i lal᷊uain balahangku apan ma'iwal᷊o, “Mawu tate lai su Sion? Suapate ratune orassa indi?” Sasimbakku Mawu, ratu mangitou, “Anio i'o massubba manga monganna apan mangke tawe gunane? Anio i'o mannaddu'a naung-Ku? ringannu massubba manga paal᷊uanna?”

YEHEZKIEL 21:22

Inauranna manungku anaanna apan nianun lima aikkatanne pia tatialan Yerusalem! Udde atappasanne manungku ratu ṛinone mamangalo soan Yerusalem, manggoressan pangalo wuṛṛu mandolokku tantarane mangatokku ahidda ipanggohakka, itaingnga su manga ngaran Yerusalem, mangombon leta'a maola'a darandungnga pamangaloanna wuṛṛu maal᷊i manga hote.