YEREMIA 4:13 - WUKE SUSI WATTI'U AL᷊AL᷊USASSA

¹³ Pa'ellege, seetta sinumabbangnga ere winabbawa. Manga keretan pangalone ere anginna al᷊isusu, manga awal᷊one mallihaṛṛanna wuassu manu'a rajawali. Uare, i ite nasilakate! I ite matete!

YEREMIA 4:13 Iomraidhean Croise

2 SAMUEL 1:23

I Saul wuṛṛu i Yonatan, aroddi masaṛṛionto'a wuṛṛu arangnguanna; sidutu uaaukka sulal᷊ummu wiakka wuṛṛu papate; i mangitou mallihaṛṛanna wuassu manu'a garuda mattohasanna wuassu singa saṛṛentumuwo.

YESAYA 13:5

I mangitou nirumanta wuassu manga wanua marau su pentakku runia. Sulal᷊ummu asasa'u-Ne Mawu nappaatti mangitou ipamate ahewallu runia.

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

YESAYA 3:8

Atonna, Yerusalem nanawote! Yehuda nahohakke! Ana waugu al᷊awo'u wisara wuṛṛu inolaanni mangitou lullawangnga Mawu wuṛṛu mannal᷊are taṛṛino-Ne.

YESAYA 5:28

Anaanne maṛṛoro wuṛṛu al᷊ati'anne nasaddiate mamiti'a. Anu'un awal᷊one aatikke ere watu putungnga, wuṛṛu bolan keretane tuttal᷊inggi ere anginna al᷊isusu.

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YEREMIA 10:19

Tumana'u Yerusalem mangngintul᷊i, “I yami nal᷊essa wahewalla wuṛṛu tate mapia. Dorone i yami massunna manungku asasusa indi wotongnge i yami maapasanna, wutte'e tawe.

YEREMIA 4:12

ewe'e anginna apan ma'ikkatta nirumanta wuassu parenta Mawu sassane ipakkuumannu uman-Ne.

YEREMIA 4:31

I ya'u naaringikka tingikku sasal᷊iomanna ere wawine apan mangunsiwete; ere wawine wakku mangunsiwen anangnge apan paarorone, etearoddi lal᷊uain Yerusalem apan maappu sasangngone. Limane ia'uawa wuṛṛu i tou sussal᷊ande, “Nasilakate i ya'u – i ya'u pateanten seetta!”

YEREMIA 46:18

I Ya'u Ruata apan biakka, i Ya'u ratu, Mawu Apan Lembontaṛṛino. Ere Wowon Tabor nanampal᷊iu manga wowone waine, wuṛṛu Wowon Karmel ual᷊iatta'a su wowon tahal᷊oangnga, etearoddi atohanne i tou rumanta mamangalo si'o.

YEREMIA 48:40

Mawu nabbisara, “Naal᷊ihidda manu'a asiaṛṛe mangngametta papaidda uasiappakka, aroddi lai sambau araratuanna sarun dumanta wuṛṛu mangametta Moab.

YEREMIA 49:22

Naal᷊ihidda manu'a asiaṛṛe mangngametta ringannu papaidda uasiappakka, aroddi lai seetta sarun dumanta wuṛṛu mangametta Bozra. Su allo udde tantaran Edom sarun mata'utta ere wawine apan mangunsiwete.”

YEREMIA 6:23

Ahiddi mangitou ana'anna wuṛṛu sambeangnga; i mangitou maṛṛagissa wuṛṛu wagga mangonggollu ampungnga. Ere tingikku tahal᷊oangnga apan mattandi'a etearoddi tingikku lal᷊empangngu awal᷊o mangitou apan tantal᷊anna iappatal᷊angnga inai mamangalo Yerusalem.”

YEREMIA 9:19

Su Sion niaringikka tingikku lal᷊uai, “I ite matete wuṛṛu tumaniten niapaasili. Wanuan kite ṛinone itantangngi ite, manga wal᷊eng kite naṛṛusa'a pasital᷊eṛṛonga.”

LAL᷊ALLU 4:19

Mangangenggenni yami tumaniten mal᷊ihakka mallihaṛṛanna wuassu manu'a rajawali. I mangitou mangngenggenna si yami su wowone, wuṛṛu nangampangnga si yami su wadda'u anne.

YEHEZKIEL 26:10

Manga awal᷊o mangitou aroddi anambone, na'oman sara lempangne naaola'a awu pasi talla'a apan uaoossa si'o. Tingikka maddallu'a wuassu tantara uasa'e awal᷊o apan uawol᷊engnga keretan bal᷊unna wuṛṛu keretan pangalo sarun mapangio'u manga darandungngu sutempo i mangitou umamattu manga ngara pasallangannu soa apan naola'e manga tuidda udde.

YEHEZKIEL 38:9

I tou wuṛṛu tantarane see manambo walahanna apan uatantalongnga si tou rumanta mamangalo ere tandi'a wuṛṛu nanaappa wanua udde ere winabbawa.”

DANIEL 11:40

Napawe panguddusannu taṛṛinon ratun banua sawannakka maraniten a'omanna, ratun banua timukka sarun mabbal᷊issa pangalo udde ringannu masaddatta. I tou sarun mapasabbangngu manambo keretan pangalo, awal᷊o wuṛṛu apalla. I tou sarun mamangalo ere manawangnga, wuṛṛu manggaṛṛo manambo wanua.

DANIEL 7:4

Iapa paarorone lihidde ere singa, erawe i tou uatahuanna papaiddu manu'a garuda. Sutempo i ya'u ma'ellega si tou, inaṛṛombanganne papaidde nasawutta wuṛṛu napallossa; i tou nawengketta wuassu leta'a wuṛṛu niaparisikka su leddane ruan ba'a ere taumata wua'udde nionggol᷊annu ringiddu taumata.

HOSEA 8:1

Mawu nabbisara, “Patuntingia'e tatialan pangalo! Seetta namangalo wanua-Ku naal᷊ihidda asiaṛṛe nangametta inanne! Uma-U nilumawangnga paaire-U ringanni mangitou, wuṛṛu nilumawangnga manga tatantiro-U.

MIKHA 2:4

Pal᷊addu pabbiaṛṛannu sarun ipaattu taumata maola'a papasendekka, wuṛṛu i mangitou sarun mangarangngu aantarin lal᷊al᷊o indi, ‘Mawu buatte mangaṛṛo wanuan kami indi wuṛṛu nionggolla su taumata apan nanawanna si yami. I yami mangke naṛṛimunsa'e atonna-tonna.’ ”

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.

HABAKUK 1:8

Awal᷊o mallihaṛṛanna wuassu macan tutul, wuṛṛu maṛṛagisanna wuassu serigala apan mal᷊unussa. Tantaran awal᷊onne nirumanta wuassu manga wanua marau; i mangitou nirumanta naahil᷊idda asiaṛṛe apan nangapatta inanne.

ZAKARIA 6:1

I ya'u naasomba sondappa apan baine. Paassa indi i ya'u naasilo appattu wua keretan pangalo sinumabbangnga wuassu wallattu darua wowone witu'a.

MATIUS 24:30

Wua'udde tandan Ana'u Taumata sarun iasilo su langitta. Su tempo udde manga walahanna su runia sarun lumuai. I mangitou sarun maasilo Ana'u Taumata rumanta wuassu winabbawa ringannu taṛṛino wuṛṛu awawantuga apan bahewa.

TAHIUL᷊E 28:49

Sambau walahanna apan tawe asunnanni yamiu wisarane sarun iaparantan Mawu wuassu pentakku runia iaparoappa si yamiu. Naal᷊ihidda manu'a iamba i mangitou mangametta si yamiu.

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!