YEREMIA 39:8 - WUKE SUSI WATTI'U AL᷊AL᷊USASSA

⁸ Tantal᷊anna udde manga taumatan Babel nanoṛṛobba wal᷊en araratuanna wuṛṛu manga wal᷊en tumana'u soa, see lai naṛṛa'a manga darandungngu Yerusalem.

YEREMIA 39:8 Iomraidhean Croise

2 MARARATU 25:8

Su allo appitune wul᷊anna al᷊imane sulal᷊ummu tonna mapul᷊o sio i Nebukadnezar ratun Babel uaparenta, nirumantate su Yerusalem sangkatou aranne i Nebuzaradan. I tou udde mananantiro wuṛṛu tembonannu tantaran Nebukadnezar.

2 TAWARIKH 36:19

I tou nanggohakku darandungngu soa Yerusalem, wuṛṛu nanoṛṛobba soa udde, nasutta lai Wal᷊en Mawu wuṛṛu wal᷊en araratuanna suadio'a ringannu manga saranapa maarega apan ta'e sulal᷊ummu wal᷊en araratuanna udde.

NEHEMIA 1:3

I mangitou nabbatti'a manungku manga taumata wua niwuangnga apan buatte nabbelengnga watukku wanuane udde, orassa indi mabbiakka susa wuṛṛu lallobbosannu manga walahanna raho apan uatana'a maranine. See lai, manga darandungngu soa Yerusalem ta'e naṛṛimunsa'a uatal᷊eṛṛongnga wuṛṛu manga ngaran passallanganne taambe niola'a apia ro'en nisoṛṛobba sutempo nal᷊iu.

DARALO 79:7

Ana waugu i mangitou buatte namate al᷊aṛṛanang-Ngu, wuṛṛu nanggohakku tampa atatanaanni mangitou.

YESAYA 5:9

I ya'u ma'aringikka Mawu Apan Lembontaṛṛino nassalu, “Manga wal᷊en apan bahewalla wuṛṛu mapia indi sarangkanambone sarun mahangginna tawe lal᷊oṛṛone.

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 21:10

I Ya'u buatte nakkawessa makkimunsa'a soa indi, wuṛṛu tawe umakkanne. Soa indi sarun itantilla su ratun Babel; i tou sarun manoṛṛobba ma'oman sara mepodda. I Ya'u, Mawu, buatte nabbisara.”

YEREMIA 32:29

wuṛṛu manoṛṛobba na'oman sara masue suadio'a ringannu manga wal᷊en manga taumata ma'asabbangngu asasa'u-U, ana waugu su wowon atuppu manga wal᷊en udde i mangitou mannambunnu amania si Baal wuṛṛu mallal᷊innu ua'e anggore ipassubba manga monganna.

YEREMIA 34:2

I tou nandolo'u inai ringanni Zedekia ratun Yehuda, wuṛṛu iapawisara arendi, “I Ya'u, Mawu Ruatan Israel, sarun manantillu soa indi su ratun Babel wuṛṛu sarun soṛṛowanni tou.

YEREMIA 34:22

I Ya'u sarun mangongollu darolokka tadea'u i mangitou mabbelengnga su soa indi, ana see malliwunna, mangaṛṛo, wuṛṛu manoṛṛobba soa udde. Manga soan Yehuda sarun Ta'u olaanna ere wadda'u anne apan tawe tanaannu taumata. I Ya'u, Mawu, buatte nabbisara.”

YEREMIA 37:10

Unnuwisara i yamiu maawaddo anambon tantaran Babel ma'oman sara mallambe ete ingana'a nangkal᷊essa wahewalla sulal᷊ummu manga rasanni mangitou, arawe i mangitou sarun mabbuatta wuṛṛu manoṛṛobba sara masue soa indi.’ ”

YEREMIA 38:18

Arawe amungkangngu i'o maddiri massuṛṛubbawa, soa indi sarun manawo su liman taumatan Babel. I mangitou sarun manoṛṛobba sara masue, wuṛṛu i'o tawe maatal᷊angnga.”

YEREMIA 5:10

I Ya'u sarun mandolokku seetta inai iapahohakku waillu anggori mangitou, arawe wal᷊ine iapaamussa abbi. I Ya'u sarun mandolokku seetta udde mamaresi manga rannan anggori mangitou, ana waugu manga ranna udde wal᷊ine pussa'a-U.

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

LAL᷊ALLU 1:10

Al᷊awo'u darotongnge buatte niaṛṛon manga seenne. I tou ewe'e lai ṛinone ma'ellega si mangitou sumutta Wal᷊en Duata, sambau inolaanna apan isassingaddu Mawu su taumata apan wal᷊ine uman-Ne.

LAL᷊ALLU 2:2

Suapan wadda'u nannal᷊o su wanua Yehuda, nihohakku Mawu ringannu tawe napau. Sulal᷊ummu asasa'u-Ne i Tou namela'a sara naṛṛa'a manga tanda'a watu apan ual᷊indumma wanua udde. Araratuanna udde suadio'a ringannu manga piaṛṛangnge niemang-Nge na'oman sara nabbal᷊i addio'a.

LAL᷊ALLU 2:7

Mawu nanol᷊a'u mezbah-Ne apan susi, wuṛṛu nanantangngu Wal᷊en-Ne sassane; niwala-Ne seetta naṛṛa'an manga darandungne. Sutampan kite dorone mattaṛṛamawu wuṛṛu mappesetta, seetta u'ui ana waugu lulluassa.

YEHEZKIEL 16:41

I mangitou saru manoṛṛobba manga wal᷊enu wuṛṛu mandolokku manga wawine mabbiala i'o iṛṛuumanna. Etearoddi Ta'u iapaaddo pasasandagu. I'o tate lai mattahia aonggolla su manga arangnguannu.

YEHEZKIEL 23:47

Wala'e itarua tuntungannu watu wuṛṛu pangaloannu hal᷊ele. Wala'e manga ana'i tarua ṛatanna wuṛṛu manga wal᷊en tarua soṛṛowanna.

YEHEZKIEL 33:21

Su allo al᷊imane wul᷊anna mapul᷊o, sulal᷊ummu tonna mapul᷊o dua sutempo i yami niwuanga, sangkatou apan naal᷊assanga wuassu Yerusalem nirumanta wuṛṛu namasingkatta si ya'u manungku soa udde nanawote.

AMOS 2:5

Ana waugu udde, i Ya'u sarun mangirimmu putungnga watukku Yehuda wuṛṛu manoṛṛobba ma'oman sara masue manga tanda'a watu su Yerusalem.”

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.