YEREMIA 39:5 - WUKE SUSI WATTI'U AL᷊AL᷊USASSA

⁵ Arawe tantaran Babel nangenggenna si mangitou wuṛṛu nanametta si Zedekia su wawal᷊annu Yerikho. Wua'udde i tou niapidda ringanni Ratu Nebukadnezar su soan Ribla su wageangngu Hamat, ana see niandangannu ṛuumanna pateanna.

YEREMIA 39:5 Iomraidhean Croise

2 SAMUEL 8:9

I Ratu Tou wuassu Hamat naaringikka manungku i Daud buatte namaddon anambon tantaran Hadadezer.

2 MARARATU 17:24

Pinallol᷊ossa taumatan Israel apan niapidda watukku pamamuanganna udde, ratun Asyur niapatana'a su manga soan Samaria, manga taumata wuassu Babel, Kuta, Awa, Hamat wuṛṛu Sefarwaim. Manga taumata udde natana'a su manga soa wuṛṛu namanuate isudde.

2 MARARATU 23:33

Pamamarentan Yoahas nuddussa sutempo i Nekho ratun Mesir nanametta si tou su Ribla, su wageangu leta'u Hamat, wuṛṛu namata'u Yehuda mamaekka wose si tou anambone 3.400 su kilone sal᷊a'a wuṛṛu 34 su kilone wul᷊awanna.

2 MARARATU 25:6

Wua'udde i Ratu Zedekia niapidda ringanni Ratu Nebukadnezar su soa Ribla, ana see niṛṛuumanna.

2 TAWARIKH 33:11

Ana waugu udde Mawu naparantan manga tembonannu tantaran Asyur niapapangalo Yehuda. Manasye sinamettu aaitta, ana see nimantungnga wuṛṛu niapidda watukku Babel.

YESAYA 22:3

Anambon tembonannu tantaranu tinumal᷊angngu watanganne wuṛṛu niatawanna tantal᷊anna i mangitou taambe niapiti'u anaanna. Anambon taumatan kamiu apan matohassa niatawanna lai salaiwe i tou tunumal᷊angke mara'u.

YEREMIA 21:7

I'o wuṛṛu manga mammamanaran araratuannu see manga taumata apan naatal᷊angnga wuassu pangalo, ṛutumma wuṛṛu al᷊aṛṛusa'itta, sarangkanambone sarun Ta'u iwala sametanni Ratu Nebukadnezar wuṛṛu manga seetta apan mappulu mamate si yamiu. I Nebukadnezar sarun mamate si yamiu sarangkanambone ringannu tawe ampungnge wuṛṛu tawe aakanne. I Ya'u, Mawu, buatte nabbisara.”

YEREMIA 24:8

Arawe i Zedekia ratun Yehuda, suadio'a ringannu manga tembonanne apan maranin tou, wuṛṛu lamben taumatan Yerusalem apan sidutu uatana'a su wanuane indi ara'e nangingkatta watukku Mesir, i mangitou sarangkanambone sarun Ta'u olaanna ere wuan ara apan mangkawukku'a indi, apan tawe iaanna. I Ya'u, Mawu, buatte nabbisara.

YEREMIA 38:18

Arawe amungkangngu i'o maddiri massuṛṛubbawa, soa indi sarun manawo su liman taumatan Babel. I mangitou sarun manoṛṛobba sara masue, wuṛṛu i'o tawe maatal᷊angnga.”

YEREMIA 38:23

I ya'u nabbisara apia, “Anambon ana'a, awingngi Tuangnga sarun iapidda ringannu taumatan Babel. I Tuangnga sassane lai tawe maatal᷊angnga si mangitou. Tuangnga sarun sametannu ratun Babel, wuṛṛu soa indi soṛṛowanna sara masue.”

YEREMIA 4:12

ewe'e anginna apan ma'ikkatta nirumanta wuassu parenta Mawu sassane ipakkuumannu uman-Ne.

YEREMIA 44:30

Hofra ratun Mesir sarun Ta'u itanttilla su manga seetta apan mappulu mamate si tou, ere lai Ya'u nanantilli Zedekia ratun Yehuda si Nebukadnezar ratun Babel, seenne apan mappandumma mamate si tou.”

YEREMIA 49:23

Eteindi apan niwisara Mawu su ola'u Damsyik, “Tumana'u soan Hamat wuṛṛu Arpad sussinggawanga wuṛṛu u'ambul᷊isadda ana waugu naaringikka watti'a lal᷊eo. Naungngi mangitou massusa wuṛṛu maal᷊isangnga ere lua'a su tahal᷊oangnga.

LAL᷊ALLU 1:3

Tumana'u Yehuda nanantangngu wanuane, ana waugu niallangnga wuṛṛu tumaniten nasansara. Orassa indi i mangitou uatna'a suwallattu manga walahanna tawe tampa apan mangonggollu paddarame see al᷊al᷊uassa. Seetta nalliwunna si mangitou sutempo i mangitou su asasusa.

LAL᷊ALLU 4:20

I mangitou nanametta ratu nipilen Mawu, taumata apan iaasakki yami apan mangngonggollu wiakka wuṛṛu mallal᷊indumma wuassu seetta.

YEHEZKIEL 23:24

I mangitou sarun mamangalo si'o wuassu sawannakka ringannu tantara apan bahewalla, ringannu manga keretan pangalo wuṛṛu manga kereta uaapiddu wal᷊unna. Ringannu lal᷊indumannu allungnga wuṛṛu manga araposa waja, i mangitou sarun mamangalo si'o. Sarun Ta'u iwala i mangitou makkuungngu tumuṛṛuttu manga tita mangitou sassane.

HABAKUK 1:7

Su al᷊awo'u tampa i mangitou mandantan atata'utta; ringannu mawunga i mangitou mannol᷊a'u anambon tita tabbene'e nasul᷊ungngu apulun mangitou.

REENGANNA 13:21

Ne manga taumata udde inaite watukku punnu sawannakka wuṛṛu namarikissa wanua udde manattakka wuassu wadda'u Zin su samba'an timukka watukku sawannakka na'oman sara soan Rehob, maranin dal᷊anna watukku Hamat.

YOSUA 13:5

manansunna leta'u walahannu Gebal, wuṛṛu ahewallu leta'u Libanon watukku ra'i, wuassu Baal-Gad su samba'an timukku Wowon Hermon, masal᷊a watukku lal᷊anna mattuddan Hamat.

YOSUA 4:13

Sarangkanambone 40.000 su atoune esakka apan pia ahidde nasaddiate inai mapapangalo. Su saruannu Mawu i mangitou niumamatta mattudda watukku wawal᷊anne maranin Yerikho.

YOSUA 5:10

Tantal᷊anna maddasanna su Gilgal su leta'a ratakke maranin Yerikho, ṛuangannu Israel nallaghun Paskah su allo wawallo eteudde allo appul᷊one appata wul᷊anna udde.

MAL᷊AṚṚUUNGNGA 3:3

Manga walahanna apan ta'e uatana'a su wanua udde eteudde: walahanna apan uatana'a su lima soa Filistin, anambon walahannu Kanaan, walahannu Sidon, wuṛṛu Hewi apan uatana'a su panenteannu Libanon, manattakka wuassu Wowon Baal-Hermon maddatingngu lal᷊anna apan mattuddan Hamat.