YEREMIA 39:4 - WUKE SUSI WATTI'U AL᷊AL᷊USASSA

⁴ Sutempo i Ratu Zedekia wuṛṛu anambon tantarane naasilo al᷊awo'u arariaddianna udde, i mangitou maddea'a lassanganne tumal᷊angngu watanganne inai watukku Wawal᷊annu Yordan ṛabbi udde lai. I mangitou niumamattu lal᷊anna sumabbi waillu wungan araratuanna, see sinumabbangnga nalliu ngara pasallanganna apan passombannu darandungnga darua su tampa udde.

YEREMIA 39:4 Iomraidhean Croise

2 TAWARIKH 32:5

Ana see ratu nanohassa tanda'a watu su soa ringannu nangapia darandunge, napararisikku manga menara al᷊iurosone wuṛṛu na'ola'a manga darandunge waine su liudde. Waine lai i tou nangapia tanda'a watu apan niapararisikka su wowon leta'a apan niombo su samba'a ra'i wageangngu soa Yerusalem tabbe. I tou lai nandolokka niaola'a manambo sambeangnga wuṛṛu allungnga.

YESAYA 22:11

i yamiu pa'ola'a kolamma sulal᷊ummu soa wuṛṛu nangammullu ua'e udde wuassu kolamma tabbe. Arawe i yamiu tawe maaillal᷊a Ruata apan mal᷊annute makkiinnu sarangkanambone udde, wuṛṛu naaola'a udde nariaddi.

YESAYA 22:3

Anambon tembonannu tantaranu tinumal᷊angngu watanganne wuṛṛu niatawanna tantal᷊anna i mangitou taambe niapiti'u anaanna. Anambon taumatan kamiu apan matohassa niatawanna lai salaiwe i tou tunumal᷊angke mara'u.

YESAYA 29:2

Arawe Ruata sarun mandanta asasilaka su soa udde, na'oman sara taumata sussal᷊iomanna wuṛṛu ma'uare. Ahewallu soa naal᷊ihidda mezbah apan nappeta'u daṛṛa.

YEREMIA 32:4

wuṛṛu i Ratu Zedekia tawe maatal᷊angnga. I tou sarun itantilla su ratun Babel, wuṛṛu sumaruanna ratu udde see maggahatton tou sassane.

YEREMIA 32:5

Wua'udde i Zedekia sarun iapidda watukku Babel wuṛṛu matana'a poiaroddi ma'oman sara i Ya'u makkuumanni tou. Salaiwe i tou mamangalo taumatan Babel, i tou sarun tawe maauntungnga. Ya'u, Mawu, buatte nabbisara.”

YEHEZKIEL 12:12

Su al᷊ummu ṛabbi wasa ratu mangitou sarun mamasanna pinampiunanna su wambangnga see inaite umamatta. Manga taumata sarun mallassutta loṛṛangnga su manga darandunga tadea'u i tou wotongnge maasabbangnga. I tou sarun manutubba matane ma'oman sara tawe maasilo lal᷊anna apan amatanne.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

IMAMATTA 26:36

Manga taumatanu apan uatana'a sulal᷊ummu pamuanganna su wanua waine, sarun Ta'u olaanna tumaniten matta'utta, na'oman sara tingikku rongnga apan nitiuppu anginna na'atal᷊anga si mangitou. I yamiu sarun tumal᷊anga naal᷊ihida a'enggenanna sulal᷊ummu pangalo, ana see nal᷊iundu'a salaiwe tawe seetta maraninu.

AMOS 2:14

Tumatal᷊angnga apan mal᷊ihakka lai sarun tawe maal᷊assangnga, taumata matohassa sarun awul᷊iannu ikkanne, wuṛṛu taumata waṛṛani tawe mapanal᷊amatta watanganne sassane.

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.