YEREMIA 34:2 - WUKE SUSI WATTI'U AL᷊AL᷊USASSA

² I tou nandolo'u inai ringanni Zedekia ratun Yehuda, wuṛṛu iapawisara arendi, “I Ya'u, Mawu Ruatan Israel, sarun manantillu soa indi su ratun Babel wuṛṛu sarun soṛṛowanni tou.

YEREMIA 34:2 Iomraidhean Croise

2 MARARATU 25:1

Wua'udde i Zedekia namangalote si Nebukadnezar ratun Babel. Ana waugu i Nebukadnezar ringannu anambon tantarane nirumanta wuṛṛu namangalo Yerusalem su allo appul᷊one wul᷊anna appul᷊one sulal᷊ummu tonna assione su tempo i Zedekia uaparenta. I mangitou napararisikku wal᷊en tantara su liuddu soa, napararisikku tanda'a watu pamangaloanna,

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

YEREMIA 21:10

I Ya'u buatte nakkawessa makkimunsa'a soa indi, wuṛṛu tawe umakkanne. Soa indi sarun itantilla su ratun Babel; i tou sarun manoṛṛobba ma'oman sara mepodda. I Ya'u, Mawu, buatte nabbisara.”

YEREMIA 21:4

mamasingkatta si Zedekia manungku Mawu, Ruatan Israel, nabbisara arendi, “Zedekia, i Ya'u sarun mamaddon tantaranu apan tantal᷊anna uapapangalo mando'appa ratun Babel wuṛṛu tantarane. Manga ahiddu tantaranu sarun Ta'u iammulla su pattangngannu soa.

YEREMIA 32:3

ṛattangannu Ratu Zedekia ana waugu niansil᷊anna buatte nangal᷊iata manungku Mawu nabbisara arendi, “Ratun Babel sarun Ta'u iwala iapaawaddo wuṛṛu mangintaṛṛo su soa indi,

YEREMIA 34:22

I Ya'u sarun mangongollu darolokka tadea'u i mangitou mabbelengnga su soa indi, ana see malliwunna, mangaṛṛo, wuṛṛu manoṛṛobba soa udde. Manga soan Yehuda sarun Ta'u olaanna ere wadda'u anne apan tawe tanaannu taumata. I Ya'u, Mawu, buatte nabbisara.”

YEREMIA 38:23

I ya'u nabbisara apia, “Anambon ana'a, awingngi Tuangnga sarun iapidda ringannu taumatan Babel. I Tuangnga sassane lai tawe maatal᷊angnga si mangitou. Tuangnga sarun sametannu ratun Babel, wuṛṛu soa indi soṛṛowanna sara masue.”

YEREMIA 39:8

Tantal᷊anna udde manga taumatan Babel nanoṛṛobba wal᷊en araratuanna wuṛṛu manga wal᷊en tumana'u soa, see lai naṛṛa'a manga darandungngu Yerusalem.