YEREMIA 3:6 - WUKE SUSI WATTI'U AL᷊AL᷊USASSA

⁶ Sutempo i Ratu Yosia uaparenta, Mawu nabbisara arendi si ya'u, “I'o naasilote inolaannu Israel, wawine apan mal᷊awangnga udde? I tou nanantang-Ku wuṛṛu mammanara sussandaga su puiddu anambon wuidda apan matanggakka wuṛṛu su al᷊ungngu suapan aaluanna apan mapaṛṛampunga.

YEREMIA 3:6 Iomraidhean Croise

1 MARARATU 14:23

Su puiddu manga wuidda wuṛṛu su al᷊ungngu manga aal᷊uanna masallakka, i mangitou na'ola'a manga tampa pasasubbanna paal᷊uanna, wuṛṛu napararisikku manga diṛṛi see manga paal᷊uanni monganna Asyera tadea'u subbanna.

2 TAWARIKH 34:1

Yosia uukke 8 tonna sutempo i tou naola'a ratun yehuda, wuṛṛu i tou namarenta su Yerusalem 31 su tonnane al᷊annune.

DARALO 106:39

Ana waugu manga inolaanna udde i mangitou narosa, wuṛṛu tate maddaringikka Ruata.

YESAYA 57:3

Arawe i yamiu, ammul᷊annu taumata marosa, rantate parikisanna! I yamiu tawe mappianne wuassu taṛṛa wal᷊i'immata, taumata apan apulune sussandagga wuṛṛu mabbal᷊u'u watanganne!

YESAYA 57:7

I yamiu inaite watukku manga puiddu wowone wuṛṛu mangonggollu sasamba wuṛṛu mapaawusa apulu naungngu runianu.

YEREMIA 1:2

Mawu nabbisara si Yeremia tonna mapul᷊o tallu sutempo i Yosia ana'i Amon ratun Yehuda uaparenta.

YEREMIA 11:10

I mangitou buatte na'ola'a rosa apan niola'u al᷊amona mangitou apan maddiri tumuṛṛutta si Ya'u, i mangitou massubba mawu waine wuṛṛu maddiri tumuṛṛutta parenta-U. Mawae Israel aroddi lai Yehuda lullawangnga paaire apan buatte Ta'u niola'a ringannu al᷊amonan mangitou.

YEREMIA 17:2

Manga taumatanu mattaṛṛamawu su manga mezbah wuṛṛu manga diṛṛin paal᷊uanna apan buatte nilanginna hunan Dewi Asyera su anambon aaluanna apan mapaṛṛampunga, su manga puiddu wuidda,

YEREMIA 31:22

Maddatingngu tingngera i'o tawe homago'a, ei walahanna apan mal᷊awangnga si Ya'u? I Ya'u buatte nandiaddi manga apa apan wakku su runia, sambau apan maaṛindu'a – ma'atiangnga ere wawine uariaga esakka.”

YEREMIA 5:11

Umattu Israel wuṛṛu Yehuda mangke atonna-tonna buatte namahia si I Ya'u. I Ya'u, Mawu, buatte nabbisara.”

YEREMIA 7:24

Arawe i mangitou maddiri maddaringikka wuṛṛu maddiri massunna. Ewe'e lai i mangitou tuttuṛṛutta apulu naungngi mangitou sassane apan maattikka wuṛṛu lal᷊eo udde. I mangitou wal᷊inewe nabbal᷊i mapia ewe'e nabbal᷊i lembon maddal᷊eoanna.

YEHEZKIEL 16:31

Su leta'u mal᷊alangngu soa wuṛṛu suapan dal᷊anna i'o napararisikku manga tampa pasasubbanna paal᷊uanna wuṛṛu sassandahanna. Arawe i'o wal᷊ine ere sumasandaga waine apan mappandumma roitta.

YEHEZKIEL 16:35

Ei Yerusalem, sumasandaga, paddaringikke apa apan niwisara Mawu Apan Atanggaṛṛanne, “I'o buatte nalluatta laungngu, wuṛṛu ere sumasandaga i'o nantillu watangannu su manga apulunu wuṛṛu su manga paal᷊uanna apan maarantinna udde. Manga anangngu nipatenu wuṛṛu niolangngu sasamba su manga paal᷊uanna udde.

YEHEZKIEL 20:28

I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

YEHEZKIEL 23:11

I Oholiba, tuarine naasilo arariadianna udde, arawe i tou lembon ma'apulu sumandaga wuassi Ohola.

YEHEZKIEL 23:4

Mappahul᷊uanna aranne i Ohola; i tou naola'a lambangu Samaria. Tuarine aranne Oholiba; i tou naola'a lambangu Yerusalem. I ya'u na'awingngi mangitou wuṛṛu naasomba ana'a wuassi tarua.

HOSEA 11:7

wuṛṛu mangke mappulu manantang-Ku. Ne i mangitou sarun allanganna, arawe taweddu mamallossi manitou salaiwe i mangitou mangngintul᷊i ma'iontolla.”

HOSEA 4:13

Sumanga tampa pasasubbanna paal᷊uana su manga puiddu wuidda wuṛṛu wowone, i yamiu mangngonggollu sasamba, wuṛṛu mannambunnu manania su al᷊ungngu manga aaluanna wahahewalla wuṛṛu masindumunna ana waugu tampa udde mal᷊annabba. Arawe apa pangillul᷊eanne? Manga anangngu maṛṛuala nabbal᷊ite sumasandaga wuṛṛu manga mananambonu wawine maddea'a sawa waine!

MAL᷊AṚṚUUNGNGA 2:17

Arawe i mangitou tawe maddaringikka manga piaṛangnge udde. I mangitou massubbate manga monganna waine, wuṛṛu maddirite tumuṛutta Mawu. I mangitou tawe mattanno tul᷊addan iupungnga al᷊amonan mangitou apan sidutu tuttuṛutta parentan Mawu.