YEREMIA 3:10 - WUKE SUSI WATTI'U AL᷊AL᷊USASSA

¹⁰ Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

YEREMIA 3:10 Iomraidhean Croise

2 TAWARIKH 34:33

Manga paal᷊uanna apan maarantinna, apan uaraddo su manga tampa nasutta su wageangngu leta'u Israel, sarangkanambone niṛṛimunsa'i Ratu Yosia. Ana see i tou namarenta tumanangnge mattaṛṛamawu Mawu, Ruatan al᷊amonan mangitou. Ne sutempo al᷊annune i Yosia wiakka, tumanangnge sidutu tuttuṛṛutta Mawu.

DARALO 18:44

I'o nalliu'u wuassu ṛuanganna apan mal᷊awangnga, wuṛṛu na'ola'a si ya'u tembonannu manga walahanna; walahanna apan awaganangku maola'a allangku.

DARALO 66:3

Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

YESAYA 31:6

Mawu nabbisara, “Walahannu Israel, i yamiu buatte nilumawangnga si Ya'u wuṛṛu marosa su saruang-Ku. Arawe orassa indi, pabbelengke ringang-Ku!

YEREMIA 11:10

I mangitou buatte na'ola'a rosa apan niola'u al᷊amona mangitou apan maddiri tumuṛṛutta si Ya'u, i mangitou massubba mawu waine wuṛṛu maddiri tumuṛṛutta parenta-U. Mawae Israel aroddi lai Yehuda lullawangnga paaire apan buatte Ta'u niola'a ringannu al᷊amonan mangitou.

YEREMIA 12:2

I'o nassuanni mangitou ere sinuananna, ana see i mangitou nakkamutta, tinumuwo, wuṛṛu nabbua. I mangitou sidutu mabbisara wisara mangkapia su ola'u watangan-Nu, arawe sulal᷊ummu naungnga, i mangitou tawe mappandumma Si'o.

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

HOSEA 7:14

I mangitou tawe atonna-tonna umal᷊iomanna si Ya'u. Amungkangngu i mangitou umal᷊iomanna, i mangitou mattingka wal᷊atta su tampan tattiil᷊anna, wuṛṛu lulluai ere a'olaannu manga taumata apan tawe mangimanna si Ya'u. Amungkangngu i mangitou umal᷊iomanna maddorongnga gandumma wuṛṛu anggore, i mangitou mallesa watanganne ere a'olaannu manga taumata apan massubba monganna. I mangitou atonna-tonna lullawangnga si Ya'u!

AMOS 4:9

I Ya'u napaatiuppu anginna mal᷊oso wuṛṛu nangirimmu radda'u sasuanna apan mamate manga sasuanna see manga wawail᷊annu anggori yamiu. Manga alu ara, wuṛṛu manga allun zaitun nasuete nitaṛṛangassu saṛṛappalanna. Salaiwe aroddi i yamiu ta'e lai maddiri mabbelengnga ringang-Ku.

MALEAKHI 2:11

Umattu Yehuda buatte nilumawangnga paairen Duata si mangitou wuṛṛu ma'ola'a manga inolaanna apan maarantinna su Yerusalem wuṛṛu su ahewallu wanua. I mangitou buatte nandal᷊eo Wal᷊en Mawu apan arangnguanne wuṛṛu naawingngu manga wawine apan massubba manga mongannu walahanna waine.