YEREMIA 3:1 - WUKE SUSI WATTI'U AL᷊AL᷊USASSA

¹ Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

YEREMIA 3:1 Iomraidhean Croise

DARALO 106:38

I mangitou napaturon daṛṛan taumata tawe sal᷊ane, daṛṛan manga ana'i mangitou sassane, tadea'u ionggola su manga paal᷊uanna; na'oman sara wanua udde nil᷊al᷊eon mangitou.

YESAYA 24:5

Runia mabbal᷊i lal᷊eo ana waugu tumanangnge lullawangnga manga parentan Duata, mammal᷊u manga atoranna wuṛṛu massinaaddu riandi apan niolangnge ringanni mangitou saran mal᷊annu-l᷊annu.

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YEREMIA 2:23

Waṛṛani atonna i'o mabbisara manungku i'o tawe sal᷊ane, wuṛṛu manungku i'o tawe mallaṛṛenggenna si Baal! Pa'ellege pallal᷊agunu su wawal᷊anne, pannaungke al᷊al᷊eonu wuṛṛu panga'ute! I'o naal᷊ihidda unta inangnge apan mappulu mabbawatianna, tuttul᷊angnga uapapal᷊ele tawe tantunne,

YEREMIA 2:7

Watukku wanua apan masuwukka i Ya'u nanguntuddi mangitou tadea'u maatemma manga hessine wuṛṛu al᷊awo'a apan mapia poiaroddi. Arawe isudde leta-U nilal᷊eo mangitou wuṛṛu pussa'a-U niola'i mangitou maarantinna.

YEREMIA 22:20

Mawu nabbisara, “Ei tumana'u Yerusalem, roote watukku Libanon wuṛṛu watukku Basan, wuṛṛu pangintul᷊ite poiaroddi. Pangikkuitte su panenteannu Moab, ana waugu anambon hawenu buatte niawaddo.

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 3:9

wuṛṛu mangke tawe maapendamma asasili. I tou sinumandaga ana waugu massubba watu wuṛṛu alu, na'oman sara wanua indi naola'a lal᷊eo.

YEREMIA 31:22

Maddatingngu tingngera i'o tawe homago'a, ei walahanna apan mal᷊awangnga si Ya'u? I Ya'u buatte nandiaddi manga apa apan wakku su runia, sambau apan maaṛindu'a – ma'atiangnga ere wawine uariaga esakka.”

YEREMIA 4:1

Mawu nabbisara, “Umattu Israel, amungkangngu i yamiu mappulu mabbelengnga, wette pabbelengke ringang-Ku. Rammea'e dorone manga paal᷊uanna apan ia'aranting-Ku udde, wuṛṛu paatuṛṛutte si Ya'u.

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

LAL᷊ALLU 1:2

Su al᷊o'engngu ṛabbi i tou lulluai massusa, allon matane mangngelekka su wambala. Tawe saran sangkatou wuassu arangnguanne apan mappulu maminalatta si tou. I tou nil᷊al᷊eon manga hawene apan nabbal᷊i'e nabbal᷊i ro'appa.

YEHEZKIEL 16:26

Mesir, al᷊indongannu apan bahewalla apulune udde, buatte niringanannu mattiilla. I'o mattatudda sussandaga tadea'u i Ya'u masa'u.

YEHEZKIEL 16:30

Mawu Apan Atanggaṛṛanne nabbisara, “Sarangkanambone udde buatte niolangngu ere sangkatou sumasandaga apan tawe masili.

YEHEZKIEL 16:35

Ei Yerusalem, sumasandaga, paddaringikke apa apan niwisara Mawu Apan Atanggaṛṛanne, “I'o buatte nalluatta laungngu, wuṛṛu ere sumasandaga i'o nantillu watangannu su manga apulunu wuṛṛu su manga paal᷊uanna apan maarantinna udde. Manga anangngu nipatenu wuṛṛu niolangngu sasamba su manga paal᷊uanna udde.

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

HOSEA 1:2

Sutempo Mawu paarorone nabbisara su walahannu Israel ringannu nabbisara wuassia'u, Mawu nabbisara, “Hosea, paawingken sangkatou apan apulune sussandaga, wuṛṛu manga anangngu lai sarun mangaṛṛussa si tou. Uma-U ere lai awingngu udde; i mangitou tawe satia si Ya'u, wuṛṛu nanantang-Ku.”

HOSEA 2:2

Mawu nabbisara, “Ei manga ana-U, inangngu wal᷊ine awing-Ku, wuṛṛu i Ya'u wal᷊ine awingnge. Ana waugu udde, hattoa'e i tou tadea'u i tou tate ma'ionolaanna lal᷊eo wuṛṛu sumandaga apia.

MIKHA 2:10

Darisikke wuṛṛu roote; isindi tate lai matammudda. Manga rosanu buatte napaarantan asasilaka apan maata'utta su tampa indi.

ZAKARIA 1:3

Arawe orassa indi i Ya'u mabbisara si'o: Pabbelengke ringang-Ku, ne i Ya'u lai sarun mabbelengnga ringannu.

MATIUS 5:31

“Pia lai al᷊aṛṛa'a ereindi: su manga taumata esakka apan nanantangngu awingnge, sarun mangagillu surattu patatal᷊ei si tou.

TAHIUL᷊E 22:21

ne wawine udde ṛinone iapidda watukku ngaran wal᷊en hagurangnge. Su tampa udde manga esakka wuassu soa udde ṛinone manuntungngu watu si tou ma'oman sara mate. Wawine udde buatte na'ola'a inolaanna apan ma'asili walahanni ite ana waugu natatamba taambe na'awingnga su tempo i tou ta'e uatana'a ringannu iamangnge. Ringannu makkumanni tou i yamiu mangnginsue al᷊al᷊eo udde.

MAL᷊AṚṚUUNGNGA 19:2

Arawe ana see wawine udde nandona si tou, na'oman sara i tou nabelengnga watukku wal᷊en iamange su Betlehem. Napawe wawine udde natana'e poiaroddi appatu wul᷊anna al᷊annune,