YEREMIA 26:11 - WUKE SUSI WATTI'U AL᷊AL᷊USASSA

¹¹ Manga imam wuṛṛu manga nabi nabbisara su manga tembonanne udde wuṛṛu su tumanangnge, “Taumata indi ṛinone iṛṛuumanna pateanna ana waugu buatte napasabbangngu manga wisara apan lullawangnga soang kite indi. I yamiu sassane buatte naaringikka si tou.”

YEREMIA 26:11 Iomraidhean Croise

YEREMIA 18:23

Arawe I'o, Mawu, masingkattu sarangkanambone apan ihagol᷊agi mangitou ipanginsue niawa'u. Ana waugu udde, arie mangampungnga si mangitou; arie pamappassa pasasal᷊a mangitou. Puulle i mangitou ma'oman sara manawo. Pandonate si mangitou sulal᷊ummu asasa'u-Nu.”

YEREMIA 26:16

Ne manga tembonannu araratuanna wuṛṛu tumanangnge nabbisara su manga imam wuṛṛu manga nabi udde, “Taumata indi mabbisara ringannu arannu Mawu Ruatan kite; tawe su ṛinone i tou iṛṛuumanna pateanna.”

YEREMIA 38:4

Ne inaite manga tembonanne udde ringannu ratu wuṛṛu nabbisara, “Taumata indi ṛinone iṛṛuumanna pateanna. Ana waugu, ringannu nabbisara aroddi i tou mangngaddio'a ikkattu anambon tantara wuṛṛu taumata waine apan ta'e uatana'a su soa indi. I tou tawe mantul᷊ungnga tumanangnge, ewe'e lai manilaka si mangitou.”

MATIUS 26:66

Orassa indi ereapa adapatti yamiu?” I mangitou sinumimbakka, “I Tou nassal᷊a wuṛṛu ṛinone pateanna.”

YOHANES 18:30

I mangitou sinumimbakka, “Unnu wisara i Tou tawe sal᷊ane, i yami tawe nangapiddi Tou ringannu Iamangnga Gubernure.”

YOHANES 19:7

Manga taumatan Yahudi udde sinumimbakka, “Tumuṛṛuttu titan kami, i Tou ṛinone pateanna ana waugu i Tou mangnga'u watangan-Ne Ana'u Ruata.”

WATTI'U MANGA RASUL 22:22

Manga taumata ta'e sidutu uararingikka si Paulus mabbisara, arawe su wisara apan pangudusanne i mangitou inumui ma'ikkatta, “Pate taumata ereudde. Tawe ṛinone i tou mabbiakka!”

TAHIUL᷊E 18:20

Arawe amungkangngu sangkatou nabi waṛṛani mamasingkattu sambau tanata wuassu arang-Ku sumbal᷊i Ya'u tawe nandolokki tou ma'ola'a aroddi, i tou ṛinone mate; aroddi lai suapan nabi apan mabbisara ringannu arannu manga Mawu waine udde ṛinone mate.’

MAL᷊AṚṚUUNGNGA 6:30

Ana see i mangitou nabbisara si Yoas, “Anangngu buatte nanggohakku mezbah ipassubba si Baal wuṛṛu niṛṛa'a diṛṛin hambarannu Dewi Asyera su samba'an mezbah udde. Ana waugu udde, apira'e anangngu udde pasabanga'a isindi. I tou ṛinone mate!”