YEREMIA 24:5 - WUKE SUSI WATTI'U AL᷊AL᷊USASSA

⁵ “Manga taumata apan buatte Ta'u niwala niapidda watukku Babel udde mawala si Ya'u ere wuan ara apan mangkapia indi; ana waugu udde i Ya'u, Mawu, Ruatan Israel, sarun mappadul᷊i si mangitou ringannu mapia.

YEREMIA 24:5 Iomraidhean Croise

DARALO 119:67

Tantal᷊anna taambe niṛṛuumanna, i ya'u buatte sinumewadda, orassa indi i ya'u uaagassa parenta-Nu.

DARALO 119:71

Atonna mappianne I'o makkuumangku, tadea'u i ya'u maaillal᷊a manga tita-Nu.

YEREMIA 24:4

Ne Mawu nabbisara apia,

YEREMIA 29:11

Wal᷊inewe i Ya'u sassane mamasingkattu manga ṛiing-Ku si yamiu? Manga ṛiinna udde wal᷊ine ma'asilaka si yamiu, arawe hunan lal᷊umanna'i yamiu wuṛṛu mangonggolla si yamiu tempo addantane apan piaddu a'antimanna.

YEREMIA 29:20

Wuṛṛu i yamiu sarangkanambone buatte Ta'u niwuanga watukku Babel, paddaringikka si Ya'u, Mawu, apan nabbisara.’

YEREMIA 29:4

“Etearendi wisara Mawu Apan Lembontaṛṛino, Ruatan Israel su anambon taumata apan buatte niwuangnga wuassu Yerusalem watukke Babel:

YEHEZKIEL 11:17

I Ya'u, Mawu Apan Atanggaṛṛanne, mapal᷊iatta'a manungku i Ya'u sarun mangammuli mangitou wuassu manga wanua su tampa i mangitou nisal᷊iawukka, ana see mamelengngu leta'u Israel si mangitou.

YEHEZKIEL 11:20

Ne i mangitou sarun matuṛṛutta su manga atorang-Ku wuṛṛu mararingikka anambon parenta-U. I mangitou sarun maola'a uma-U wuṛṛu i Ya'u sarun maola'a Ruata mangitou.

IMAMATTA 26:44

Arawe tantal᷊anna i mangitou ta'e uatana'a su wanuan seetta lai, i mangitou tawe Ta'u itantanga ara'e Ta'u pateanna abbi. Ana waugu amungkangngu i mangitou Ta'u pateanna, atappasanne i Ya'u namassutta pa'aire-U si mangitou, arawe i Ya'u indi Mawu, Ruatan mangitou.

NAHUM 1:7

Mawu udde mapia, i Tou uasirungnga uman-Ne sutempo i mangitou susa, i Tou uariaga taumata apan uasirungnga si Tou.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

MATIUS 25:12

Arawe maa'awingnga esakka udde sinumimbakka, ‘I Ya'u waggang kamiu!’ ”

YOHANES 10:27

Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

GALATIA 4:9

Arawe orassa indi yamiu maaillal᷊a Ruata, ara'e mappianne lai isaggo, Ruata maaillal᷊a si yamiu. Ne anio i yamiu maapulu mabelengnga apia su manga ghaṛṛahon dunia indi, apan lome wuṛṛu asiangnga? Anio i yamiu ta'e maapulu mai'allangnga apia su manga ghaṛṛaho udde?

TAHIUL᷊E 8:16

Su wadda'a i Tou nangonggolu manna maola'a pabbawiakku, anna apan awaganannu iupungngu al᷊amonanu. Mawu na'ola'a udde tadea'u iapaannama si yamiu wuṛṛu ipamawo naungngu, tadea'u panginsueanne i Tou wotongnge ma'ola'a apapia si yamiu.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.