YEREMIA 23:9 - WUKE SUSI WATTI'U AL᷊AL᷊USASSA

⁹ Eteindi tanata'u su ola'u manga nabi: Naungku napussa'a wuṛṛu i ya'u mangngiladda. Mawu wuṛṛu wisara-Ne apan na'ukkassa naaola'a si ya'u ere taumata wu'anna apan tumanite manambo na'inumma anggore.

YEREMIA 23:9 Iomraidhean Croise

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.

DANIEL 8:27

Wua'udde i ya'u naapendamma nallome ana see nirumadda'a manga pira allo al᷊annune. Wue udde nabbangunte i ya'u wuṛṛu nammanarate manga manara'u apia su ratu. Arawe i ya'u sussinggawangnga maṛṛingiddu manga sondappa udde wuṛṛu mangke tawe maasunna manga sondappa udde.

LAL᷊ALLU 3:15

Tumba'u apapetta apan nionggollu Mawu si ya'u maola'a anna wuṛṛu uae'u.

YESAYA 51:21

Paddaringikke ei manga taumata apan niallangnga, apan sussassendekka ere taumata wu'anna!

DARALO 60:3

I'o nanol᷊a'i yami, oh Ruata, wuṛṛu namalan kami niawaddo.

ROMA 7:9

I ya'u dorone mabbiakka tawe titan agama. Arawe napawe titan agama nirumanta, rosa mannattake mabbiakka wuṛṛu i ya'u natete.

YEHEZKIEL 9:6

Patete anambon taumata esakka wuṛṛu wawine, timmade wuṛṛu dario'a, hagurangnge wuṛṛu al᷊aṛṛanangnge. Arawe arie waṛṛani mangeṛṛetta sangkatou apan pia tatiala su pakkanne. Panattakke wua isindi, wuassu Wal᷊e-U indi.” Ne i mangitou nanatakke manara mangitou ringannu mammate manga piaṛṛa'u Israel apan tantal᷊anna uarisikka su Wal᷊en Mawu.

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YESAYA 29:9

Asala'e tuttiangnga wuṛṛu manutubbu mata ere taumata wuta! Pattingkaola'e wu'anna, arawe wal᷊ine ana waugu na'inumma anggore. A'amatte lullallengge, arawe wal᷊ine ana waugu na'inumma tuba.

YESAYA 28:1

Nasilakate soa apan nabbal᷊i ipammunga manga taṛṛa wu'annu Israel! Araṛṛamage nawul᷊i ere saṛṛen bunga apan tinumolangnga su wowon pua mangitou. Nasilakate soa apan matanggakka su pattangngannu wawal᷊anne masuwukka, ilalluassu manga taumata apan wu'anna masaddatta.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

DARALO 69:20

I'o masingkatta aroddi i ya'u iapasal᷊a, lallobbosanna wuṛṛu aal᷊uandahanna, I'o naasilo anambon see'u.

YEREMIA 8:18

Naungku na'iṛṛitta wuṛṛu maṛṛagge, asasusa'u tawe aundumanna.

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

YEREMIA 36:16

Napawe i tou buatte nabbasa, i mangitou nasasailete ringannu apendamma sussinggawanga ana see nabbisara si Barukh, “I yami ṛinone mamasingkattu olangnge indi su ratu.”

YEHEZKIEL 13:3

Mawu Apan Atanggaṛṛanne nabbisara, “Nasilakate manga nabi apan woddo udde! Ṛingiranne nia'ompante wuassu tinnaune sassane pa'ellege tumaniten awusu atonna.