YEREMIA 23:5 - WUKE SUSI WATTI'U AL᷊AL᷊USASSA

⁵ Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

YEREMIA 23:5 Iomraidhean Croise

2 SAMUEL 23:3

Ruatan Yakub buatte nabbisara; ete si ya'u mallal᷊u'addu Israel nabbisara: “Ratu apan uaparenta tumanangnge ringannu atatul᷊idda apan uapiaṛṛa'a ringannu tatuṛṛutta su Mawu,

DARALO 45:4

Peta'e hal᷊elenu su lawassa, ei ratu apan matohassa, i'o tumaniten mawantuga wuṛṛu nilumiatta'a!

DARALO 80:15

Oh Ruata Apan Lembontaṛṛino, rantate apia, pangintannote wuassu surga wuṛṛu pa'ellege al᷊aṛṛanang-Ngu.

DARALO 99:4

Taṛṛino ete Si'o, Ratu apan marangngu tita; I'o buatte napararisikku apapia; I'o buatte napaamattu tita wuṛṛu atatul᷊idda su Israel.

YESAYA 33:5

Mawu tumanite mawantuga; i Tou uataṛṛino al᷊awo'a. I Tou sarun manduittu tita wuṛṛu atatul᷊idda su Yerusalem

YESAYA 4:2

Sarun dumanta tempone Mawu ma'ola'a suapan sinuananna wuṛṛu aaluanna tumuwo maola'a masallakka wuṛṛu maṛṛansangnga su wanua indi. Su allo udde taumatan Israel apan naralukka sarun mamendamma al᷊al᷊uassa waugu hessin pangitinganna.

YESAYA 42:6

“I Ya'u, Mawu, namaggo wuṛṛu mapamanaranu mapaamattu atatul᷊idda. I'o i Ya'u ehetanna wuṛṛu paddul᷊ianang-Ku tadea'u maola'a pa'aire su umattu taumata, wuṛṛu semakka su anambon walahanna.

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

YESAYA 52:13

Mawu nabbisara, “Mangke atonna, allang-Ku sarun maasomba ina'ul᷊e; i tou sarun dal᷊oanna wuṛṛu itanggakka.

YESAYA 53:10

Mawu mappandumma manungku i tou matataṛṛangnga, wuṛṛu manantillu watanganne maola'a sasamba ipamappassa rosa. Ne uukke sarun mal᷊o'engnga wuṛṛu maasilo papapulunne sulal᷊ummi tou apulu Mawu sarun mariaddi.

YESAYA 53:2

Mawu mappandumma allang-Nge udde ere solla apan tinumuwo su leta'a mamara. Tawe aṛṛamaga si tou apan ellehanni ite; taweddu ma'anemma apulun kite.

YESAYA 9:5

Sangkatou ana'a niasungkangnga hunang kite; i ite nionggol᷊annu sangkatou ana'a esakka. I Tou sarun maola'a piaṛṛa'i ite. I Tou isaggo: “Mananantiro Pande”, “Ruata Matohassa”. “Iamangnga Tawe Auddusanne”, “Ratun Paddarame”.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YESAYA 9:7

Mawu buatte nangema'u ṛuumanna su araratuannu Israel.

YEREMIA 22:15

Paddaringikka, ei Ratu Yoyakim! Amungkangngu i'o mapararisikku wal᷊en araratuanna ringannu alu cemaran Libanon apan apianne, apa udde tatialane manungku i'o ratu apan apianne wuassu manga ratu waine? Naunge'o iamangngu: i Tou mabbiakka su lal᷊umanna'a wuṛṛu mahessi sulal᷊ummu al᷊awo'u pinitanne, ana waugu i tou sidutu matul᷊idda wuṛṛu tawe awusune see makkuungngu hatton taumata asiangnga ringannu atatul᷊idda. Atonna etearoddi ṛinone inolaannu taumata apan masingkattu Mawu.

YEREMIA 22:3

“Pammanarate ringannu atatul᷊idda wuṛṛu arie mangawusu. Pallosa'e taumata apan niallangnga wuassu taṛṛinon taumata apan mangngallangnga. Arie pangallangnga ara'e ma'ola'a lal᷊eo su taumata raho, ana'a asisitimpal᷊ussa, ara'e wawine wal᷊u. Arie mamate taumata apan tawe sal᷊ane sutampa indi.

YEREMIA 22:30

“Taumata udde buatte nitantunna tadea'u awul᷊iannu al᷊aṛṛanangnge wuṛṛu sidutu tawe maaola'a wiakke. Wuassu papapulunne taweddu mahessi sulal᷊ummu mammarenta su Yehuda ere sangkatou ratu papapulunni Daud. I Ya'u, Mawu, buatte nabbisara.”

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

YEREMIA 29:11

Wal᷊inewe i Ya'u sassane mamasingkattu manga ṛiing-Ku si yamiu? Manga ṛiinna udde wal᷊ine ma'asilaka si yamiu, arawe hunan lal᷊umanna'i yamiu wuṛṛu mangonggolla si yamiu tempo addantane apan piaddu a'antimanna.

YEREMIA 30:3

Ana waugu sarun a'omanna tempone i Ya'u manul᷊en ola'u pabbiaṛṛannu uma-U Israel wuṛṛu Yehuda. I Ya'u sarun mangapiddi mangitou mabbelengnga watukku wanua apan buatte Ta'u nionggolla su al᷊amona mangitou. Wanua udde sarun tahuananni mangitou apia. I Ya'u, Mawu, buatte nabbisara.”

YEREMIA 30:9

I yamiu sarun mattaṛṛamawu si Ya'u, Mawu Ruatanu, wuṛṛu su sangkatou papapulunni Daud apan sarun Ta'u itenega maola'a ratu.

YEREMIA 31:27

I Ya'u, Mawu, mabbisara manungku sarun a'omanna tempone wanua Israel wuṛṛu Yehuda Ta'u peneannu taumata wuṛṛu winatangnga.

YEHEZKIEL 21:27

Soa indi sarun Ta'u ṛamunsaanna sara masue, na'oman sara suapan tampa pia manga winalal᷊anna. Arawe olangnge udde wakkute mariaddi napawe taumata apan Ta'u nipile ipakkuumannu soa indi nirumantate. Ete si tou Ta'u itantilla soa indi.’ ”

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

YEHEZKIEL 34:29

I Ya'u sarun mapaasuwukku manga wawail᷊anni mangitou ma'oman sara tate tempon ṛutumma lai su wanua udde. I mangitou tate al᷊uandahannu manga walahanna waine.

YEHEZKIEL 45:8

Leta'a udde naola'a pussa'an tembonanne apan mammarenta su leta'u Israel, tadea'u tawe mangallangnga uma-U apia, ewe'e mangonggollu wageangngu leta'a apan lebbene udde maola'a pussa'a manga ṛuangannu Israel.

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

HOSEA 1:11

Walahannu Yehuda i wuṛṛu walahannu Israel sarun iapaaukka apia. I mangitou sarun manenegu sangkatou piaṛṛa'a, wuṛṛu i mangitou sarun maṛṛite wuṛṛu su lal᷊umanna'a su wanuan mangitou. Atonna, allon Yizreel sarun maola'a allo apan wahewalla!

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

MIKHA 5:3

Napawe piaṛṛa'a udde rumanta, i Tou sarun mamarenta uman-Ne ringannu atatohassa wuṛṛu taṛṛino wuassu Mawu Ruata-Ne sassane. Umman-Ne sarun mabbiakka ringannu matammudda, ana waugu anambon taumata su ahewallu runia sarun manga'u awawantu-Ge,

ZAKARIA 3:8

Paddaringikke ei Imam Bahewa Yosua, wuṛṛu lai i yamiu manga imam apan naola'a ringanne, i yamiu sarangkanambone uddewe waneṛṛa tempo addantane apan mapia. Sutempo udde i Ya'u sarun mandolokku allang-Ku apan isassago ‘Sambau Solla’.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

MATIUS 2:2

I mangitou ma'iwal᷊o su al᷊awo'u tampa, “Suapanete Ana'a udde, apan nasungkangnga maola'a ratun taumatan Yahudi? I yami naasilo anumpitanna nasabangnga wuassu samba'an ra'i, wuṛṛu i yami nirumanta massubba si Tou.”

YOHANES 1:45

I Filipus nassomba Natanael wuṛṛu nabbisara si tou, “Yami suete nassomban taumata apan iwabal᷊o Musa sulal᷊ummu Wuken Titan Ruata, wuṛṛu niapaasingkattu manga nabi. I Tou eteudde Mawu Yesus wuassu Nazaret ana'i Yusuf.”

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

IBRANI 8:8

Arawe Ruata suete naasomba pasasal᷊a su pabbawalage, na'oman sara Ruata nabbisara, “Naunge, sarun dumanta tempone, I Ya'u sarun makkiinnu paaire apan wakku su walahannu Israel, wuṛṛu su walahannu Yehuda.

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.