YEREMIA 22:3 - WUKE SUSI WATTI'U AL᷊AL᷊USASSA

³ “Pammanarate ringannu atatul᷊idda wuṛṛu arie mangawusu. Pallosa'e taumata apan niallangnga wuassu taṛṛinon taumata apan mangngallangnga. Arie pangallangnga ara'e ma'ola'a lal᷊eo su taumata raho, ana'a asisitimpal᷊ussa, ara'e wawine wal᷊u. Arie mamate taumata apan tawe sal᷊ane sutampa indi.

YEREMIA 22:3 Iomraidhean Croise

2 SAMUEL 23:3

Ruatan Yakub buatte nabbisara; ete si ya'u mallal᷊u'addu Israel nabbisara: “Ratu apan uaparenta tumanangnge ringannu atatul᷊idda apan uapiaṛṛa'a ringannu tatuṛṛutta su Mawu,

2 MARARATU 24:4

nangillembo lai ana waugu anambon pamamate apan niolangnge su saruannu manga taumata apan tawe sal᷊ane. Mawu maddiri mangampunga si Manasye ana waugu inolaane udde.

AYUB 22:9

Wal᷊ine tumba'u manga wawine wal᷊u apan tawe itul᷊ungngu, arawe aisisin timpal᷊ussa lai aallangannu.

AYUB 24:9

Taumata apan mangngallangnga ana'a apan tawe hagurangnge, wuṛṛu nanganu ana'a addio'a wuassu taumata asiangnga apan pia awallassa si tou.

DARALO 68:5

Pangantarite su Ruata, paddalote aran-Ne, saddiaite lal᷊anna mal᷊alangnga si Tou apan uasa'e winabbawa. Aran-Ne Mawu – lalluasse su saruan-Ne!

DARALO 82:4

Pallosa'e taumata lome wuṛṛu tawe maal᷊ore, liua'a i mangitou wuassu liman taumata lal᷊eo.

DARALO 94:21

I mangitou suadio'a lumawangnga taumata matul᷊idda, wuṛṛu nakkuumanna pateanna taumata apan tawe sal᷊ane.

DARALO 94:6

I mangitou mammate wawine wal᷊u wuṛṛu asisin timpal᷊ussa wuṛṛu taumata raho apan uatana'a su wanua indi.

SASABANGNGA 22:21

Imbaṛṛangnga mangallangnga ara'e ma'inolaanna sal᷊a su saruannu taumata raho; naungete manungku dorone i yamiu lai taumata raho su Mesir.

SASABANGNGA 22:22

Imbaṛṛangnga ma'ola'a wawine wal᷊u ara'e ana'a asisitimpal᷊ussa ringannu walate apulu.

AMSAL 23:10

Imbaṛṛangnga saran paassa manesse'u passarannu leta'a pussa'a ara'e manganu leta'a ana'a asisintimpal᷊ussa.

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

YESAYA 58:6

Eteindi puasa apan ipa'apulu-U: Pallosa'e mantungngu pangangallanga wuṛṛu winabbawa mallinga, wuṛṛu pallosa'e manga taumata niallangnga.

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

YEREMIA 19:4

Olangnge udde Ta'u olaanna ana waugu walahanna indi buatte nanantang-Ku. I mangitou nandal᷊eo tampa indi ringannu mangngonggollu sasamba su manga monganna apan awagananni mangitou, awaganannu al᷊amona mangitou wuṛṛu manga ratun Yehuda. I mangitou lai buatte nalloṛṛo tampa indi ringannu daṛṛa manga taumata apan tawe sal᷊ane.

YEREMIA 22:17

Arawe i'o, Yoyakim, al᷊aṛṛaene. I'o tumba'u maddea'a auntungannu sassane. I'o mammate taumata apan tawe sal᷊ane, wuṛṛu mangngallangnga tumanangngu ringannu maṛṛagissa.

YEREMIA 26:16

Ne manga tembonannu araratuanna wuṛṛu tumanangnge nabbisara su manga imam wuṛṛu manga nabi udde, “Taumata indi mabbisara ringannu arannu Mawu Ruatan kite; tawe su ṛinone i tou iṛṛuumanna pateanna.”

YEREMIA 5:28

lapiddu natawa wuṛṛu su lal᷊umanna'a. Al᷊al᷊eon mangitou tawe patta'al᷊anne. I mangitou tawe pallal᷊aghu matul᷊idda sulal᷊ummu hatton manga ana'a asisitimpal᷊ussa, wuṛṛu tawe manamba'a taumata apan niallangnga.

YEREMIA 7:23

I Ya'u tumba'u namarenta si mangitou tadea'u tuttuṛṛutta si Ya'u tadea'u i Ya'u maola'a Ruata mangitou, wuṛṛu i mangitou maola'a uma-U. I Ya'u nandolokki mangitou mabbisakka tumuṛṛuttu manga parenta-U tadea'u i mangitou su lal᷊ummanna'a.

YEREMIA 9:24

Isai mappulu lumuassu sambau saranapa, ṛinone lumuassa manungku i tou ma'aillal᷊a wuṛṛu maasunna si Ya'u; manungku i tou masingkatta i Ya'u marangngu saran mal᷊annu-l᷊annu wuṛṛu i Ya'u mannohassa tita see atatul᷊idda su runia. Sarangkanambone udde maal᷊uassa naung-Ku. I Ya'u, Mawu, apan namasingkattu udde.”

LAL᷊ALLU 3:36

ana waugu atatul᷊idda niwal᷊elongnga, Mawu sarun maasingkatta wuṛṛu uatantannudda.

YEHEZKIEL 18:12

I tou apulune mallinga taumata asiangnga, mangngaṛṛo, mangnganu saranapa wataṛṛun taumata apan nabballassa si tou. I tou inaite su manga kuillu taumata apan tawe maaillal᷊a Mawu wuṛṛu massubba paal᷊uanna apan ma'arantinna.

YEHEZKIEL 18:7

I tou tawe saran paassa mallinga ara'e mangaṛṛo. Manga saranapa ere wataṛṛun taumata apan pia awallassa si tou sidutu iappawelenge. Taumata apan niamal᷊unusanna nionggolanni tou anna wuṛṛu taumata apan tawe laubba, i tou nianggilanne laubba.

YEHEZKIEL 22:7

Tawe saran sangkatou wuassu tumanangngu mangaddata hagurangnge. I'o mammahia taumata raho wuṛṛu manganu untungnge wuassu asasusan bawine wal᷊u wuṛṛu asisi timpal᷊ussa.

YEHEZKIEL 45:9

Mawu Apan Atanggaṛṛanne nabbisara, “Natimute manga rosanu, ei manga tembonannu Israel! Iloloa'e inolaanu apan walate apulunu mannansara tumana'u soa udde. Pammanarate ringannu mapia wuṛṛu matul᷊idda. Saran paassa ariete i yamiu mallimbuakka uma-U apia wuassu leta'i mangitou. Ia'i, Mawu Apan Atanggaṛṛanne mammarenta udde si'o.

YOEL 3:19

Mesir sarun maola'a wadda'a apan mamara, wuṛṛu Edom mabbal᷊i lol᷊okka, tawe atanaannu taumata. Ana waugu i mangitou buatte namangalo taumatan Yehuda, wuṛṛu namate tumana'u wanua apan tawe pasasal᷊ane.

IMAMATTA 19:15

I yamiu ṛinone matul᷊idda napawe makkuungnga; arie mangempen taumata asiangnga wuṛṛu mata'uttu taumata ala.

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

AMOS 5:24

Mappianne, pattinsahadde tadea'u atatul᷊idda mangelekka ere ua'e, wuṛṛu apapia ere sal᷊ukka apan tawe umatti.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

MATIUS 23:23

Nasilakate i yamiu manga hurun agama wuṛṛu manga taumatan Farisi! I yamiu lilangkamal᷊e'a. Rampa-rampa ere selasi, adassa matemangnga, wuṛṛu jintan, nionggoli yamiu sambau wuassu mapul᷊o wageangnge su Ruata. Arawe apa apan nangillembo wua isudde sulal᷊ummu al᷊aṛṛa'u agama ere tul᷊adane: Atatul᷊idda, darangngu, wuṛṛu tatuṛṛutta tawe olaanni yamiu. Sumbal᷊i eteudde apan ṛinone olaanni yamiu, ringannu tawe manantangngu al᷊aṛṛa'a waine lai.

TAHIUL᷊E 10:18

I Tou uasamba'a asisi timpal᷊ussa wuṛṛu inawal᷊uanna tadea'u i mangitou olaanna lai ringannu matul᷊idda; I Tou mandangngu taumata raho apan mabiakka suadio'a ringannu walahanni ite wuṛṛu nangonggolu anna wuṛṛu laubba si mangitou.

TAHIUL᷊E 24:17

Imbaṛṛangnga mangaṛṛo saranapa tatahuanannu taumata raho wuṛṛu ana'a asisitimpal᷊ussa, wuṛṛu imbaṛṛangnga manganu laubbu taumata inawal᷊uanna maola'a wataṛṛu.

TAHIUL᷊E 24:7

Taumata apan nanametta taumata sambalahanne ana see i tou niola'a allangnga ara'e niwal᷊u'a, ṛinone i tou iṛṛuumanna pateanna. Ringanni aroddi yamiu mangnginsue al᷊al᷊eo.

TAHIUL᷊E 25:1

Unnu wisara pia darua taumatan Israel inai ringannu mallaṛṛuunga mangalaen sambau hatto, ana see sangkatou tawe niapaasal᷊a wuṛṛu waine niapaasal᷊a.

TAHIUL᷊E 27:19

‘Niawontohante taumata apan mangngaṛṛo pussa'an taumata raho, ana'a asisintimpal᷊ussa, wuṛṛu wawine wal᷊u.’ ‘Amin!’

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.