Biblia Todo Logo
Bìoball air-loidhne

- Sanasan -




YEREMIA 21:9 - WUKE SUSI WATTI'U AL᷊AL᷊USASSA

9 Suapan taumata apan uatana'a sulal᷊ummu soa sarun mate ana waugu pangalo, ṛutumma, al᷊aṛṛusa'itta. Arawe i mangitou apan sinumabbangnga nanantillu watanganne su taumatan Babel apan tantal᷊anna mammangalo soa indi, sarun mal᷊iu wuṛṛu tawe pateanna.

Faic an caibideil Dèan lethbhreac




YEREMIA 21:9
12 Iomraidhean Croise  

Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”


I'o wuṛṛu manga mammamanaran araratuannu see manga taumata apan naatal᷊angnga wuassu pangalo, ṛutumma wuṛṛu al᷊aṛṛusa'itta, sarangkanambone sarun Ta'u iwala sametanni Ratu Nebukadnezar wuṛṛu manga seetta apan mappulu mamate si yamiu. I Nebukadnezar sarun mamate si yamiu sarangkanambone ringannu tawe ampungnge wuṛṛu tawe aakanne. I Ya'u, Mawu, buatte nabbisara.”


I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”


Arawe walahanna apan mappulu massuṛṛubbawa wuṛṛu mappulu tumuṛṛutta su ratun Babel sarun Ta'u iwala matana'a su wanuane sassane, wuṛṛu mabbailla isudde. I Ya'u, Mawu, buatte nabbisara.”


Si zedekia ratun Yehuda, i ya'u, Yeremia mamasingkattu watti'a apan uasul᷊ungnga. I ya'u mabbisara, “Passuṛṛubbawate su ratun Babel. Paatuṛṛutte si tou wuṛṛu araratuanne, tadea'u i Tuangnga masal᷊amatta.


Mawu buatte nabbisara, manungku walahanna apan maddiri massuṛṛubbawa su ratun Babel sarun nate sulal᷊ummu pangalo, ṛutumma, ara'e al᷊aṛṛusa'itta. Anio i Tuangnga wuṛṛu tumanangnge mappulu nate olangnge aroddi?


I'o tawe pateanna, ana waugu i Ya'u sarun manal᷊amatta si'o. Niawanu sarun masal᷊amatta ana waugu I'o uaantimma si Ya'u. I Ya'u, Mawu, buatte nabbisara.”


Anio i'o mappulu olaanna apianne? Arie aroddi, Barukh! Anambon taumata Ta'u niṛṛuumanna ringannu asasilaka, arawe su olangngu mattingkaddio'a i'o sarun masal᷊amatta. Su anambon tampa i'o inai, i'o sidutu wiakka. I Ya'u, Mawu buatte nabbisara.”


Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.


Lean sinn:

Sanasan


Sanasan