YEREMIA 21:11 - WUKE SUSI WATTI'U AL᷊AL᷊USASSA

^11-12 Mawu nandolo'u mamasingkattu tanata indi su amonanni ratun Yehuda, papapulunni Daud: “Paddaringikke si Ya'u, Mawu, mabbal᷊o. Pattinsahadde tadea'u atatul᷊idda sidutu ia'amatta miallo-miallo. Pallosa'e taumata apan a'allanganna wuassu taumata apan mangngallangnga. Amungkangngu tawe ne al᷊al᷊eo apan a'olaannu sarun mandantan asasa'u-U sussal᷊oi ere putungnga apan tawe iapaddumma.”

YEREMIA 21:11 Iomraidhean Croise

YEREMIA 13:18

Mawu nabbisara si ya'u, “Doloṛṛa'a ratu wuṛṛu wo'i lumintukka wuassu adderan araratuanna, ana waugu makotane apan maṛṛansanga nanawite wuassu puane.

YEREMIA 17:20

Wal᷊oa'e tanata-U su manga ratu wuṛṛu su anambon taumatan Yehuda se su ahewallu tumana'u Yerusalem apan sumabbi su manga ngara udde.

YEREMIA 22:1

Mawu nandolo'u inai watukku wal᷊en araratuannu ratun Yehuda, papapulunni Daud, iapapasingkattu tanata Mawu su ratu, wuṛṛu su manga mammanaran araratuanne, see tumana'u Yerusalem. Eteindi manga wisara Mawu si mangitou,

YEREMIA 22:18

Ana waugu udde su ola'i Yoyakim ratun Yehuda, ana'i Yosia, Mawu nabbisara arendi, “Papate sarun tawe luaianna; taweddu mabbisara, ‘Uare, hawe'u, uare.’ Taweddu lumal᷊o ara'e niumui, ‘Naholo'a i tuangnga!’

MIKHA 3:1

Paddaringikke, ei i yamiu manga tembonannu Israel! Ṛinone i yamiu masingkattu apa apan matul᷊idda, arawe i yamiu ewe'e maddantinnu apapia, wuṛṛu mal᷊uassu al᷊al᷊eo. Walahangku niluussi yamiu ta'e wiakka, wuṛṛu niluatti yamiu ṛemene wuassu manga duṛṛine.