YEREMIA 21:10 - WUKE SUSI WATTI'U AL᷊AL᷊USASSA

¹⁰ I Ya'u buatte nakkawessa makkimunsa'a soa indi, wuṛṛu tawe umakkanne. Soa indi sarun itantilla su ratun Babel; i tou sarun manoṛṛobba ma'oman sara mepodda. I Ya'u, Mawu, buatte nabbisara.”

YEREMIA 21:10 Iomraidhean Croise

2 TAWARIKH 36:19

I tou nanggohakku darandungngu soa Yerusalem, wuṛṛu nanoṛṛobba soa udde, nasutta lai Wal᷊en Mawu wuṛṛu wal᷊en araratuanna suadio'a ringannu manga saranapa maarega apan ta'e sulal᷊ummu wal᷊en araratuanna udde.

DARALO 34:16

Mawu ma'ellega taumata apan ma'imanna, i Tou maddaringikka napawe i mangitou mangintul᷊i maiontolla.

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 26:6

Amungkangngu i yamiu sidutu uatatana'a lullawangnga, wal᷊en patataṛṛamawuanna indi sarun Ta'u olanna ere Silo, na'oman sara anambon araratuanna su runia mappaattu arannu soan Yerusalem indi maola'a wawontoga.”

YEREMIA 33:5

tawe gunane lumawangnga taumatan Babel, ana waugu olangnge udde tumba'u ma'ola'a soa indi mapenen binal᷊unannu manga taumata apan nipate-U sulal᷊ummu asasa'u wuṛṛu araṛṛagi-U si mangitou. I Ya'u maddirite lai ma'ellega soa indi ana waugu taumatane buatte na'ola'a al᷊al᷊eo.

YEREMIA 34:2

I tou nandolo'u inai ringanni Zedekia ratun Yehuda, wuṛṛu iapawisara arendi, “I Ya'u, Mawu Ruatan Israel, sarun manantillu soa indi su ratun Babel wuṛṛu sarun soṛṛowanni tou.

YEREMIA 34:22

I Ya'u sarun mangongollu darolokka tadea'u i mangitou mabbelengnga su soa indi, ana see malliwunna, mangaṛṛo, wuṛṛu manoṛṛobba soa udde. Manga soan Yehuda sarun Ta'u olaanna ere wadda'u anne apan tawe tanaannu taumata. I Ya'u, Mawu, buatte nabbisara.”

YEREMIA 38:17

Ana see i ya'u nabbisarate si Zedekia manungku Mawu Apan Lembontaṛṛino, Ruata apan sassubbannu taumatan Israel, nabbisara arendi, “Amungkangngu i'o massuṛṛubbawa su manga tembonannu ratun Babel, i'o tawe pateanna, wuṛṛu soa indi lai tawe soṛṛowanna. I'o wuṛṛu amonannu sarun masal᷊amatta.

YEREMIA 38:18

Arawe amungkangngu i'o maddiri massuṛṛubbawa, soa indi sarun manawo su liman taumatan Babel. I mangitou sarun manoṛṛobba sara masue, wuṛṛu i'o tawe maatal᷊angnga.”

YEREMIA 38:23

I ya'u nabbisara apia, “Anambon ana'a, awingngi Tuangnga sarun iapidda ringannu taumatan Babel. I Tuangnga sassane lai tawe maatal᷊angnga si mangitou. Tuangnga sarun sametannu ratun Babel, wuṛṛu soa indi soṛṛowanna sara masue.”

YEREMIA 39:16

niapapasingkatta si Ebed-Melekh taumatan Sudan udde manungku Mawu Apan Lembontaṛṛino, Ruatan Israel, nabbisara arendi, “Ere buatte i Ya'u niwisara dorone, i Ya'u sarun mandanta su soa indi asasilaka, wuṛṛu wal᷊ine lal᷊umanna'a. I'o sarun maasilo olangnge udde mariaddi.

YEREMIA 39:8

Tantal᷊anna udde manga taumatan Babel nanoṛṛobba wal᷊en araratuanna wuṛṛu manga wal᷊en tumana'u soa, see lai naṛṛa'a manga darandungngu Yerusalem.

YEREMIA 44:11

Ana waugu udde, i Ya'u, Mawu Apan Lembontaṛṛino, Ruatan Israel, sarun mando'appa si yamiu wuṛṛu makkimunsa'a ahewallu Yehuda.

YEREMIA 44:27

I Ya'u sarun maddea'a lal᷊anne tadea'u i yamiu masilaka wuṛṛu tawe su lal᷊umanna'a, ma'oman sara i yamiu mate abbi, mawae sulal᷊ummu pangalo aroddi lai ana waugu al᷊aṛṛusa'itta.

YEREMIA 52:13

I Nebuzaradan nanoṛṛobba Wal᷊e Mawu, wal᷊en araratuannu ratu, wuṛṛu anambon bal᷊en taumata mapiane su soan Yerusalem.

YEHEZKIEL 15:7

I Ya'u sarun makkuumanni mangitou. Salaiwe i mangitou buatte naal᷊assanga wuassu putungnga, arawe putungnga lai apan mamate si mangitou. Ne i yamiu masingkatte manungku ete i Ya'u Mawu.

YEHEZKIEL 24:11

Orassa indi addoa'e urinna witu'a apan tawe loṛṛone udde su putungnga wuṛṛu wala'e ma'oman sara maṛṛamutta. Napawe taine natutungke, urinna udde sarun mawaresi apia tumuṛṛuttu atorannu agama.

IMAMATTA 17:10

Amungkangngu sangkatou taumatan Israel ara'e sangkatou taumata raho apan uatana'a namanua su wallatu taumatan Israel na'inumma daṛṛa, i tou sarun iṛṛuumannu Mawu wuṛṛu tate lai mareengnga ere al᷊aṛṛanang-Nge.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

AMOS 2:5

Ana waugu udde, i Ya'u sarun mangirimmu putungnga watukku Yehuda wuṛṛu manoṛṛobba ma'oman sara masue manga tanda'a watu su Yerusalem.”

AMOS 9:4

Amungkangngu i mangitou niatawannu seetta, i Ya'u sarun mamarenta tadea'u i mangitou pateanna. I Ya'u naddiandi tadea'u manginsue si mangitou, wuṛṛu sarun tawe massumbala si mangitou.”

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”