YEREMIA 21:1 - WUKE SUSI WATTI'U AL᷊AL᷊USASSA

¹ I Zedekia ratun Yehuda nandolokka ringangku i Imam Pasyhur ana'i Malkia, wuṛṛu Imam Zefanya ana'i Maaseya. I tou nandolokki tarua niapapasingkatta si ya'u darorongnga indi,

YEREMIA 21:1 Iomraidhean Croise

2 MARARATU 22:13

“Roote paiwal᷊o Mawu su ereapa i ya'u wuṛṛu anambon tumana'u Yehuda su ola'u lal᷊oṛṛon buke indi. Mawu nasa'u si ite ana waugu al᷊amonan kite tawe mapaamattu manga parenta apan uawoṛṛetta sulal᷊umme.”

1 TAWARIKH 3:15

I Yosia pia siri appatta ana'a esakka; i Yohanan, i Yoyakim, i Zedekia wuṛṛu i Yoahas.

2 TAWARIKH 36:17

Mawu nangal᷊oren naungngu ratun Babel tadea'u mamangalo si mangitou. Ratu udde namate taumatan Yehuda apan ta'e saṛṛen tumuwo, nasutta lai i mangitou isudde su Wal᷊en Mawu. I Tou niumakkannu saran sangkatou, mawae ete timmadde ara'e dario'a, esakka ara'e wawine, mapia ara'e maradda'a. I mangitou sarangkanambone tinatillu Ruata su ratun Babel.

NEHEMIA 11:12

Sarangkanambone pia 822 imam apan mammanara su Wal᷊en Mawu. Adaya ana'i Yeroham wuṛṛu pulunni Pelalya. Manga pira suwallattu iupungngu al᷊amonane eteudde: Amzi, Zakharia, Pasyhur wuṛṛu Malkia.

YEREMIA 29:29

Suratta udde niwasan Imam Zefanya si ya'u.

YEREMIA 35:4

I ya'u nangapiddi mangitou watukku Wal᷊e Mawu sulal᷊ummu wabbo'a manga mal᷊aṛṛenggeni Nabi Hanan ana'i Yigdalya. Wabbo'a udde addone al᷊iurosone wuassu wabbo'a Imam Maaseya ana'i Salum, maranin wabbo'a manga mammamanara waine. Maaseya uddewe pegawe apan atanggaṛṛanne apan uariaga manga ngara su Wal᷊en Mawu.

YEREMIA 37:1

Sutempo i Nebukadnezar ratun Babel namarentin Yoyakhin, i tou namile si Zedekia ana'i Yosia naola'a ratun Yehuda.

YEREMIA 37:17

Wua'udde i Ratu Zedekia nandolokku taumata niapaapi'u sumaruanna si tou su wal᷊en araratuanna. Isudde ringannu iaaddapinga i tou naiwal᷊o si ya'u apa pia tanata wuassu Mawu. “Pia,” sasimba'u. See tinamba'u, “Tuangnga sarun itantilla su ratun Babel.”

YEREMIA 37:3

Ratu Zedekia nandolokki Yukhal ana'i Selemya, wuṛṛu Imam Zefanya ana'i Maaseya tadea'u maddorongnga si ya'u umal᷊iomanna su Mawu Ruata hunan hausannu walahanna.

YEREMIA 37:7

mabbisara arendi su daroloṛṛanni Zedekia: “Wal᷊oa'e si Zedekia, ‘Tantara Mesir apan tantal᷊anna mattudda inawarendi massumbala si'o, sarun mabbelengnga mapul᷊e.

YEREMIA 38:1

Mawu nandolo'u mamasingkattu tanata indi su tumana'u soa, “Soa indi sarun Ta'u ionggolla su tantaran Babel, wuṛṛu i mangitou sarun mamaddon kamiu. Isai-sai apan uatana'a su soa sarun mate sulal᷊ummu pangalo, ara'e ana waugu ṛutumma ara'e al᷊aṛṛusa'itta. Arawe isai-sai apan sinumabbangnga wuṛṛu nanantillu watanganne su taumatan Babel, sarun tawe pateanna; niawane sarun masal᷊amatta.” I Sefaca ana'i Matan, i Gedalya ana'i Pasyhur, i Yukhal ana'i Selemya, wuṛṛu i Pasyhur ana'i Malkia uararingikka anambon apan Ta'u iwabbisara udde.

YEREMIA 38:14

Su sambau tempo apan baine, Ratu Zedekia nandolokku taumata mangapi'u sumaruanna si tou su ngara pasallanganna apan atallune su Wal᷊e Mawu. I tou nabbisara si ya'u, “I ya'u mappulu maiwal᷊o si'o, wuṛṛu i'o ṛinone sumimbakka ringannu masema-semakka. Imbaṛṛangnga piaddu iwuni.”

YEREMIA 52:24

Waine wua'udde, Nebuzaradan nanametta si Imam Bahewa Seraya, i Zefanya tepellene, siri tallu mandariaga ngara Wal᷊e Mawu,