YEREMIA 19:5 - WUKE SUSI WATTI'U AL᷊AL᷊USASSA

⁵ I mangitou napararisikku mezbah si Baal tadea'u pangonggol᷊annu manga ana'i mangitou maola'a sasamba itattambunna, sumbal᷊i Ya'u tawe saran paassa nandolokki mangitou ma'ola'a inolaanna udde, ewe'e lai tawe saran paassa olangnge ereudde lumapputta sulal᷊ummu ṛingirang-Ku.

YEREMIA 19:5 Iomraidhean Croise

2 MARARATU 17:17

I mangitou mangngonggolu manga al᷊aṛṛana'i mangitou maola'a sasamba itattambunna su monganna. I mangitou mappaattu wal᷊iimata wuṛṛu ma'itantiro su manga tararoti apan wotonge maaukku manga ghaṛṛaho. I mangitou aroddi aṛṛimadde ma'ola'a inolaanna apan tawe maal᷊uassa naungngu Mawu

2 MARARATU 21:6

I tou nangonggolu anangnge maola'a sambau sasamba itattambuna. I Manasye lai ma'annamu pasangkada, mammani'atta, wal᷊iimata, wuṛṛu madorongnga tatantiro wuassu manga ghaṛṛaho. I tou tumaniten narosa su lantakku hatin Mawu na'oman sara Mawu nasa'u.

2 TAWARIKH 28:3

ana see nanambunnu amania su Wawal᷊annu Hinom. Ewe'e lai anangnge esakka sassane nionggola maola'a sasamba su monganna, tumuṛṛuttu anaramma lal᷊eo wuassu manga taumata apan buatte nilimbuaṛannu Mawu wuassu wanua Kanaan sutempo taumatan Israel sinumutta su wanua udde.

YEREMIA 32:35

I mangitou napararisikku manga mezbah hunam Baal su Wawal᷊annu Hinom, wuṛṛu nangonggollu manga ana'i mangitou si Dewa Molokh. Sumbal᷊i, i Ya'u taambe saran paassa nandolokki mangitou ma'ola'a inolaanna udde, ewe'e lai tawe nilumapputa sulal᷊ummu ṛingirang-Ku manungku i mangitou ma'ola'a inolaanna al᷊al᷊eone udde wuṛṛu naarosa taumatan Yehuda.”

YEHEZKIEL 20:26

Ta'u niwala i mangitou nanggal᷊usaa'a watanganne ringannu manga sasamba mangitou sassane, ewe'e lai manga ana'a esakka pahul᷊u niola'i mangitou sasamba. Ringannu olangnge udde i Ya'u makkuumanni mangitou tadea'u i mangitou maasingkatta manungku ete i Ya'u Mawu.

YEHEZKIEL 38:10

Mawu Apan Atanggaṛṛanne nabbisara si Gog, “Sutempo udde i'o sarun mangatokku ṛiinnu apan dal᷊eo.

DANIEL 2:29

Sutempo Tuangku tantal᷊anna mattiilla, Tuangku nabbal᷊iawa su ola'u apan addantane. Ruata apan nani'attu al᷊awo'u addappingnga niapasilo si Tuangku apa apan sarun mariaddi.

IMAMATTA 18:21

Imbaṛṛangnga manantillu wuassu sangkatou anangngu olaanna sasamba ipassubba si Molokh, ana waugu pallal᷊aghu udde mallobbossa arannu Ruata, Mawunu.

REENGANNA 22:41

Su allo tiṛṛabbine i Balak nangapiddi Bileam sinuma'a wuiddu Bamot Baal. Wua'isudde i Bileam wotongnge maasilo sambageanganna wuassu taumatan Israel.

TAHIUL᷊E 12:31

Lalaghu manga walahanna udde massubba manga mawun mangitou, imbaṛṛangnga tannoanni yamiu ipassubba Mawu Ruatanu, ana waugu i mangitou massubba ringannu manga inolaanna lal᷊eo apan ia'arantinnu Mawu. Ewe'e lai manga ana'i mangitou sassane tutunganni mangitou su wowon mezbah maola'a sasamba su manga Mawu mangitou.