YEREMIA 17:3 - WUKE SUSI WATTI'U AL᷊AL᷊USASSA

³ wuṛṛu su manga wowone su liuddu soa. Ana waugu anambon tampa pasasubbanna paal᷊uanna apan buatte nilanginni yamiu su ahewallu wanua wuṛṛu ana waugu al᷊awo'u rosa apan buatte niola'i yamiu, ne i Ya'u sarun ma'ola'a manga seennu mandootta al᷊awo'u darotongnga wuṛṛu pa'aalanu.

YEREMIA 17:3 Iomraidhean Croise

2 MARARATU 24:13

Anambon saranapa wul᷊awanna apan niola'i Ratu Salomo su Wal᷊en Mawu, nihohakki Nebukadnezar. Ana see anambon saranapa maarega apan sasahipunanna su Wal᷊en Mawu wuṛṛu wal᷊en araratuanna niapidda watukku Babel. Sarangkanambone nariaddi nassul᷊ungu apa apan buatte niapasingkatu Mawu paarorone.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

YEREMIA 12:12

Wuassu samba'an wadda'u anne su panenteanna, manga taumata nirumanta maddea'a mangaṛṛo. I Ya'u nandantan pangalo panggohakku ahewallu wanua ma'oman sara tate sangkatou apan botongnge mabbiakka su paddarame.

YEREMIA 15:13

Mawu nabbisara si ya'u, “I Ya'u sarun mandolokku seetta iapaṛṛootta pa'aala wuṛṛu darotongngu uma-U maola'a ṛuumanna su manga rosan mangitou su ahewallu wanua.

YEREMIA 20:5

Seetti mangitou sarun Ta'u iwala lai mangaṛṛo wuṛṛu mangapidda watukku Babel anambon paa'alan soa indi, see lai anambon pussa'ane, ewe'e lai manga saranapa pussa'an ratun Yehuda.

YEREMIA 21:13

Wua'udde Mawu nabbisara su Yerusalem, “Ei Yerusalem! Addonu mattanggaṛṛanna wuassu manga wawal᷊anne maraninu. I'o naal᷊ihidda wuidda watu apan uapasi'a matanggakka su wadda'a ratakke. I'o mabbisara manungku tawe saran sangkatou apan botongnge mamangalo si'o ara'e manggohakke manga tanda batunu,

YEREMIA 26:18

“Sutempo i Hizkia naola'a ratun Yehuda, i Nabi Mikha wuassu Moresyet namasingkatta su tumanangnge wisara indi wuassu Mawu Apan Lembontaṛṛino, ‘Sion sarun pajekoanna ere wailla, Yerusalem sarun maola'a winal᷊al᷊anna, wuṛṛu wuiddu Wal᷊e Mawu sarun mabbal᷊i mahurangnge.’

LAL᷊ALLU 1:10

Al᷊awo'u darotongnge buatte niaṛṛon manga seenne. I tou ewe'e lai ṛinone ma'ellega si mangitou sumutta Wal᷊en Duata, sambau inolaanna apan isassingaddu Mawu su taumata apan wal᷊ine uman-Ne.

YEHEZKIEL 16:39

I'o sarun Ta'u itantilla su manga arangnguannu udde, wuṛṛu i mangitou sarun mapaṛṛa'a manga tampa i'o sussandaga wuṛṛu massubba paal᷊uanna. Al᷊awo'u laungngu wuṛṛu lal᷊ogakku sarun aṛṛoanni mangitou, ma'oman sara i'o matantol᷊e.

YEHEZKIEL 23:46

Mawu Apan Atanggaṛṛanne nabbisara, “Waggoite sangwiliṛṛana taumata iapasansara wuṛṛu iapaaṛṛo ruang katou sumasandaga udde.

YEHEZKIEL 6:3

Doloṛṛa'e i mangitou maddaringikka wuṛṛu manutukka apa apan i Ya'u, Mawu Apan Atanggaṛṛanne mabbisara su manga wowone udde, see su manga wuidda, manga rampissa wuṛṛu manga wawal᷊anne. Atonna, i Ya'u sarun mangirimmu hal᷊ele ipanggohakku manga tampa passubbanna paal᷊uanna.

IMAMATTA 26:30

I Ya'u sarun makkimunsa'a manga tampa patataṛamawuanu su wowon manga wuidda, manggohakku manga mezbahnu tampa panutunganna amania, wuṛṛu mallombo manga winal᷊unannu su manga mongannu apan naṛaate udde. Ringannu maddantinna

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.

ZEFANYA 1:13

Darotongngi mangitou sarun aṛṛoanna wuṛṛu manga wal᷊en mangitou sarun ṛimunsaanna. I mangitou sarun mapararisikku wal᷊en, arawe tawe matana'a. I mangitou sarun mabbaillu anggore arawe tawe ma'inumma ua'en anggore.”