YEREMIA 16:6 - WUKE SUSI WATTI'U AL᷊AL᷊USASSA

⁶ Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

YEREMIA 16:6 Iomraidhean Croise

2 TAWARIKH 36:17

Mawu nangal᷊oren naungngu ratun Babel tadea'u mamangalo si mangitou. Ratu udde namate taumatan Yehuda apan ta'e saṛṛen tumuwo, nasutta lai i mangitou isudde su Wal᷊en Mawu. I Tou niumakkannu saran sangkatou, mawae ete timmadde ara'e dario'a, esakka ara'e wawine, mapia ara'e maradda'a. I mangitou sarangkanambone tinatillu Ruata su ratun Babel.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YESAYA 24:2

Anambon taumata sarun maapendamma pal᷊addu pabbiaṛṛanna apan uasul᷊ungnga: manga imam wuṛṛu ana'u wanua, allangnga awalli wuṛṛu ṛamawuanne, mabbawal᷊u'a wuṛṛu mamamalli, mabbawallassa wuṛṛu iapa mappawallassa, ala wuṛṛu asiangnga.

YEREMIA 13:13

Ne wal᷊oa'e si mangitou manungku manga taumatan wanua indi, manga ratune papapulunni Daud, manga imam, nabi, wuṛṛu anambon tumana'u Yerusalem sarun Ta'u loṛṛoannu anggore ma'oman sara mapene tadea'u iwu'anne.

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

YEREMIA 41:5

nirumantate siri ual᷊un pul᷊o taumata wuassu Sikhem, Silo, wuṛṛu Samaria. I mangitou buatte nangiṛṛi omengnga, nanggesa'a laubba, wuṛṛu ringannu mannatta'a awa'i mangitou. I mangitou uaapiddu gandumma wuṛṛu kemenyan ionggolla su Wal᷊en Mawu.

YEREMIA 47:5

Taumatan Gaza niaṛṛiaannu asasusa wahewalla; tumna'u Askelon nimoune. Sara tingngera taumatan Filistin lambene udde sidutu lullal᷊o?

YEREMIA 48:37

I mangitou sarangkanambone buatte nangiṛṛi uta'u pua wuṛṛu omengnga, nallessa ta'iakka, wuṛṛu nalluṛṛe nasa tatiala massusa.

YEREMIA 7:29

Mawu nabbisara, “Ei tumana'u Yerusalem, lallal᷊ote! Pol᷊ote utangngu wuṛṛu rammea'e! Pangantariten aantarin asasusa roso su manga puiddu panenteanna ana waugu i Ya'u Mawu, tantal᷊anna massa'u wuṛṛu nano'eten kami nambo.

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

IMAMATTA 19:27

Imbaṛṛangnga mamol᷊o uta'a su sandiṛṛannu puanu ara'e mangiṛṛi omengngu.

IMAMATTA 19:28

Imbaṛṛangnga makkunta'a pisinu ipa'ola'a manga tatiala ara'e ipallessa watangannu ma'ola'a tatiala lullal᷊o su taumata nate. Ete i Ya'u Mawu.

AMOS 6:11

Napawe Mawu mangonggollu parenta, manga wal᷊en wahewalla wuṛṛu maraddio'a sarun hoaṛṛanna.

MATIUS 9:23

Wua'udde Mawu Yesus na'omate su wal᷊em piaṛṛa'u wal᷊em pattataṛṛamawuanna udde. Napawe i tou naasilo mananalangngu musikku lumal᷊al᷊o wuṛṛu taumata nambo mangke maggio,

TAHIUL᷊E 14:1

“Ete i yamiu al᷊aṛṛana'u Mawu Ruatanu. Nariaddi su tempo i yamiu lullal᷊on taumata nate, imbaṛṛangnga mallessa watangannu ara'e mangiṛṛi saruannu puanu ere apan buatte niola'u manga walahanna waine.

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

SONDAPPA 6:15

See manga ratun dunia, manga tembonanne, manga tembonannu tantara, manga taumata ala wuṛṛu taumata pia taṛṛino, wuṛṛu manga taumata waine lai, mapia allangnga ara'e tawe allangnga, sarangkanambone na'imbunim batanganne sulal᷊ummu manga liangnga ara'e su wallatu watu su wowone.