YEREMIA 16:4 - WUKE SUSI WATTI'U AL᷊AL᷊USASSA

⁴ I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

YEREMIA 16:4 Iomraidhean Croise

2 MARARATU 9:10

I Izebel tawe ilabbinga. Winal᷊unanne sarun inasannu asu su leta'u Yizreel.’ ” Napawe buatte namasingkattu sarangkanambone udde, nabi saṛṛentumuwo udde sinumabbanga ana see tinumal᷊angnga.

DARALO 78:64

Manga imammi mangitou nipaten hal᷊ele, manga inawal᷊uanni mangitou tawe maal᷊uai.

DARALO 83:10

Olaawe i mangitou taumatan Midian, ere i Sisera wuṛṛu Yabin su Sal᷊ukku Kison,

YESAYA 18:6

Manga winal᷊unannu tantarane sarun itantangnga mabbal᷊i inassu manga manu'u winalanganna sutempo paddissa, wuṛṛu winatangnga mal᷊aṛṛaga sutempo masunge.”

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

YEREMIA 19:7

Sutampa indi Ya'u sarun manal᷊are anambon hol᷊agu taumatan Yehuda wuṛṛu tumana'u Yerusalem. I mangitou sarun Ta'u iwala iwaddo manga seetti mangitou wuṛṛu pateanna sulal᷊ummu pangalo. Winal᷊unanni mangitou sarun Ta'u iwala inasannu manu'u winalanganna wuṛṛu winatangnga mal᷊aṛṛaga.

YEREMIA 21:6

Tumana'u soa indi sarun Ta'u pateanna; mawae ete taumata aroddi lai winatangnga sarun mate ana waugu al᷊aṛṛusa'itta apan bahewalla.

YEREMIA 25:33

Su allo udde winal᷊unannu manga taumata apan nipate Mawu uatal᷊eṛṛongnga su ahewallu runia. I mangitou tawe luaianna, tawe lai wengketanna ilabbinga, arawe iwala aroddi su leta'a ere sapadda ua'ombo.

YEREMIA 34:20

I Ya'u sarun manantilli yamiu su seetta apan mappulu mamate si yamiu. Winal᷊unannu sarun inasannu manu'u winalanganna wuṛṛu winatangnga mal᷊aṛṛaga.

YEREMIA 36:30

Ana waugu udde, i Ya'u, Mawu, mabbisara si'o ei Ratu Yoyakim, manungku tawe saran sangkatou wuassu papapulunnu sarun mamarenta maola'a ratu wuassu papapulunni Daud. Winal᷊unannu sarun ituntungnga su liudde, iwati su paddissa sutempo allo, wuṛṛu wal᷊angngukka sutempo ṛabbi.

YEREMIA 44:12

Wuṛṛu amungkangngu wuassu taumatan Yehuda apan nallambe piaddu mappulu inai watukku Mesir wuṛṛu matana'a poiaroddi, i mangitou sarun mate abbi. I mangitou sarangkanambone, wahewalla addio'a, sarun nate su Mesir sulal᷊ummu pangalo ara'e ana waugu ṛutumma. Taumata sarun maapendamma atata'utta maasilo si mangitou wuṛṛu sarun mallobbossa si mangitou. Aranni mangitou sarun ipaatta maola'a wawontoga.

YEREMIA 44:27

I Ya'u sarun maddea'a lal᷊anne tadea'u i yamiu masilaka wuṛṛu tawe su lal᷊umanna'a, ma'oman sara i yamiu mate abbi, mawae sulal᷊ummu pangalo aroddi lai ana waugu al᷊aṛṛusa'itta.

YEREMIA 7:33

Manga winal᷊unanni mangitou sarun maola'a inassu manu'u winalanganna wuṛṛu winatangnga mal᷊aṛṛaga, ringannu taweddu mallimbuakka.

YEREMIA 9:22

Winal᷊unanna uatal᷊eṛṛonga suapan tampa ere sapadda ua'ombo su leta'a; ere gandumma apan buatte niitingnga ana see nitantangnga wuṛṛu tate lai iammulla. Eteudde tanata Mawu apan ṛinone ta'u iapasingkatta.”

LAL᷊ALLU 4:9

I mangitou nasansara wuṛṛu nate u'onggamma, ana waugu atonna-tonna tawe anna; iapa nate su papangaloanna, ma'untunganna wuassu nate namal᷊unusanna.

YEHEZKIEL 24:21

iapapasingkattu tanata indi si yamiu: I yamiu mammungan atatohassu Wal᷊e Mawu. I yamiu apulune ma'ellega wuṛṛu inai isudde, arawe Mawu sarun mandal᷊eo Wal᷊en-Ne. Wuṛṛu lal᷊oṛṛon amonannu apan ta'e dario'a, apan uatana'a su Yerusalem, sarun pateanna sulal᷊ummu pangalo.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

ZEFANYA 1:17

Mawu nabbisara, “I Ya'u sarun mandantan manambo asasilaka su umattu taumata, na'oman sara i mangitou sarun uasasaṛṛipo ere taumata wuta. I mangitou sarun ma'ola'a rosa si Ya'u, wuṛṛu orassa indi daṛṛan mangitou. Sarun mabboso ere ua'e, wuṛṛu manga winal᷊unanni mangitou sarun mawukku'a su leta'a.”

TAHIUL᷊E 28:22

Mawu sarun makkuumanni yamiu ringannu radda'a apan ma'al᷊iu, manga hanne, wuṛṛu sal᷊iubba. I Tou sarun mandantan paddisa tadea'u leta'a mamara wuṛṛu anginna apan mal᷊oso ma'oman sara pangangitingngu mal᷊al᷊eo. Manga asasusa udde sidutu maṛṛia'a si yamiu ma'oman sara i yamiu mate.

TAHIUL᷊E 28:26

Amungkangngu i yamiu mate, winal᷊unannu maola'a inassu manga manu'u winalanganna wuṛṛu winatangnga mal᷊aṛṛaga, wuṛṛu taweddu mallimbuakka manga winatangnga udde.