YEREMIA 16:11 - WUKE SUSI WATTI'U AL᷊AL᷊USASSA

¹¹ Wal᷊oa'e si mangitou manungku i Ya'u nabbisara arendi, ‘Al᷊amonanu buatte nanantang-Ku inai massubba wuṛṛu mattaṛṛamawu manga mawu waine. I mangitou tuttal᷊iudda si Ya'u wuṛṛu maddiri tumuṛṛutta manga atorang-Ku.

YEREMIA 16:11 Iomraidhean Croise

1 MARARATU 9:9

Ana see taumata sarun sumimbakka, ‘Ana waugu i mangitou nanantangngu Mawu, Ruatan mangitou, apan buatte nanguntuddu al᷊amonan mangitou sinumabbangnga wuassu Mesir. I mangitou massubba manga mawu waine. Ana waugu udde Mawu nandantan asasilaka indi si mangotou.’ ”

2 TAWARIKH 7:22

Ana see taumata sarun sumimbakka, ‘Ana waugu i mangitou nanantangngu Mawu, Ruatan mangitou, apan buatte nangapiddu al᷊amonan mangitou sinumabbangnga wuassu Mesir. I mangitou massubba wuṛṛu naddiandi tuttuṛutta su manga mawu waine. Ana waugu udde Mawu nandantan asasilaka indi si mangitou.’ ”

YEREMIA 13:22

Asinungka i yamiu maiwal᷊o anio sarangkanambone udde naṛṛia'a su watangannu, anio laungngu nihesa'a wuṛṛu i yamiu niṛṛampassa. Ṛinone i yamiu masingkatta manungku udde nariaddi ana waugu rosanu tumaniten bahewalla.

YEREMIA 2:8

Manga imam taweddu maiwal᷊o suapa i Ya'u, Mawune. Manga mallaṛṛuungnga lai wagga isai Ya'u, manga tembonanne lai lullawangnga si Ya'u. Ringannu arannu Baal manga nabi mabbisara, wuṛṛu massubba paal᷊uanna apan tawe gunane.”

YEREMIA 22:9

Ana see taumata sarun sumimbakka manungku sarangkanambone udde nariaddi ana waugu i yamiu buatte nassina'addu pa'aireng kamiu si Ya'u, Ruatanu, wuṛṛu buatte nassubba see nattaṛṛamawu su mawu waine.”

YEREMIA 44:3

Olangnge udde nariaddi ana waugu tumanangnge marosa, na'oman sara i Ya'u nasa'u. I mangitou mangngonggollu sasamba wuṛṛu mattaṛṛamawu su manga monganna apan taambe saran paassa sassubbanni mangitou sassane, i yamiu ara'e al᷊amonanu.

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

YEREMIA 9:14

I mangitou puane maattikka wuṛṛu massubba manga paal᷊uanni Baal ere buatte niaṛṛa'u al᷊amona mangitou.

LAL᷊ALLU 5:7

Al᷊amonan kami na'ola'a rosa, orassa indi i mangitou tate su runia; arawe i yami ṛinone matataṛṛangnga, ana waugu manga rosan mangitou.

YEHEZKIEL 11:21

Arawe manga taumata apan apulune massubba manga paal᷊uanna apan lal᷊eo wuṛṛu maarantinna sarun Ta'u iṛṛuumanna ana waugu pallal᷊agu mangitou lal᷊eo udde.” Etearoddi wisara Mawu Apan Atanggaṛṛanne.

AMOS 2:4

Mawu nabbisara, “Taumatan Yehuda masokkate ma'ola rosa, ana waugu udde i Ya'u sarun makkuumanni mangitou. I mangitou nilumawangnga manga parenta-U wuṛṛu tawe maddaringika manga al᷊aṛṛa-U. I mangitou nilamamiṛṛannu manga mawu waine apan sassubbannu al᷊amonan mangitou.

MALEAKHI 3:7

Ere iupungngu al᷊amonanu dorone, i yamiu sarangkanambone buatte simewedda wuassu manga tita wuṛṛu tawe mattuṛṛutta mappaamanne. Pabbelengke ringang-Ku, ne i Ya'u lai sarun mabbelengnga ringannu. Arawe i yamiu ma'iwal᷊o, ‘Apa apan ṛinone olaanni yami tadea'u mabbelengnga ringan-Nu?’

1 PETRUS 4:3

Su tempo apan nal᷊iu, iamu mal᷊annute maapulu ma'ola'a apa apan a'olaannu manga taumata apan tawe maaillal᷊a Mawu. I yamiu mabbiakka su al᷊al᷊eo. I yamiu tuttuṛṛuta apulu naungnga, mabbu'anna, maddamea, ma'inumma wuṛṛu massubba paal᷊uanna apan maarantinna.

MAL᷊AṚṚUUNGNGA 2:11

Wua'udde taumatan Israel narosate su saruannu Mawu. I mangitou lai tate massubba Mawu, Ruata iupungngu al᷊amonan mangitou, eteudde Ruata apan buatte nangapiddi mangitou sinumabbanga wuassu Mesir. I mangitou mannattake massubba si Baal wuṛṛu si Asytoret ana see lai manga monganna waine apan sassubbannu manga walahanna apan uatana'a maranin mangitou. Ne Mawu nasa'u si mangitou wuṛṛu namalaten seetta namangalo wuṛṛu nangaṛṛo darotongngi mangitou. I mangitou tawe naal᷊ore sinumaruanna manga seetta apan uapal᷊iwutta si mangitou.