YEREMIA 15:1 - WUKE SUSI WATTI'U AL᷊AL᷊USASSA

¹ Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

YEREMIA 15:1 Iomraidhean Croise

PANDARIADDI 19:27

Tiṛṛabine marua allo, i Abraham nasasaṛṛawutta inai watukku tampa dararisiṛṛanni tou su saruannu Mawu su allo aneṛṛabba.

2 MARARATU 17:20

ne Mawu lai tate nanga'u anambon walahannu Israel. I Tou nakkuumanna wuṛṛu nanantili mangitou su manga seetti mangitou apan mal᷊aṛṛaga. I Tou tate lai umakkanni mangitou, ewe'e i mangitou niramme wuassu leta'a apan buatte nionggoli Tou si mangitou.

DARALO 106:23

Ne Ruata pia pandumma mamate al᷊aṛṛanang-Nge, arawe niwo'anni Musa, taumata nipile-Ne. I Musa nabbal᷊i mananangnga si mangitou, na'oman sara asasa'un Duata nompo'a.

DARALO 99:6

I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

AMSAL 14:35

Ratu mal᷊uassa su mamanaran araratuanne apan pande; arawe i tou masa'u su mamanaran aratuanne apan tawe maamattu manarane.

YEREMIA 10:18

Paassa indi Mawu sarun manuntungngu anambon walahannu Yehuda su pamamuanganna; i yamiu sarangkanambone sarun ṛimunsaan-Ne sara masue. Eteudde tanata wuassu Mawu.

YEREMIA 11:14

Ana waugu udde, Yeremia, ariete umal᷊iomanni mangitou ara'e maiontolla si Ya'u huna mangitou! Amungkangngu i mangitou sulal᷊ummu asasusa wuṛṛu maiontolla si Ya'u, i Ya'u maddiri maddaringikka si mangitou.”

YEREMIA 14:11

Mawu nabbisara si ya'u, “Arie paddorongnga si Ya'u mantul᷊ungngu manga taumata udde.

YEREMIA 14:12

Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”

YEREMIA 15:19

Mawu sinumimbakka, “Amungkangngu i'o mabbelengnga, i Ya'u sarun manarimmannu. I'o sarun maola'a allang-Ku apia. Amungkangngu i'o mabbatti'u manga inolaanna apan mahuna wuṛṛu wal᷊ine awusu, ne i'o wotongnge maola'a nabi-U apia. Manga taumata sarun dumanta apia ringannu, wuṛṛu i'o tate inai ringanni mangitou.

YEREMIA 16:13

Ana waugu udde, i yamiu sarun Ta'u limbuaṛṛanna wuassu wanua indi wuṛṛu Ta'u iramme su sambau wanua apan awagananni yamiu wuṛṛu al᷊amonanu. Poiaroddi i yamiu sarun mattaṛṛamawu allo ṛabbi su manga mawu waine, wuṛṛu i Ya'u tate umakkanni yamiu. ’ ”

YEREMIA 16:5

Arie inai su wal᷊en taumata apan tantal᷊anna lullal᷊o, Yeremia. Arie lumal᷊on sisai-sai. I Ya'u tate lai mangal᷊amatta uma-U ringannu lal᷊umanna'a, wuṛṛu tate lai mamasilon apendamma u'akkanna ara'e tatal᷊antuppa si mangitou.

YEREMIA 18:20

Wotongngewe apapia wal᷊isannu al᷊al᷊eo? Arawe i mangitou buatte naal᷊i loṛṛangnga tadea'u i ya'u mawontolla sulal᷊umme. Naungete manungku i ya'u buatte nanamba'a si mangitou su saruan-Nu, tadea'u I'o tawe masa'u si mangitou.

YEREMIA 22:28

I ya'u Yeremia nabbisara, “Apa i Ratu Yoyakhin buatte naola'a ere urinna napesangnga apan niramme wuṛṛu ipa'adirite lai? Ana waugu udde i tou wuṛṛu manga anangnge nilimbuaṛṛanna wuṛṛu niramme su wanua apan awagananni mangitou?”

YEREMIA 23:39

ne i Ya'u sarun manggemonna si mangitou wuṛṛu ituntungnga mara-rau, mawae ete i mangitou aroddi lai soa apan buatte Ta'u nionggolla si mangitou wuṛṛu al᷊amona mangitou.

YEREMIA 35:19

Ana waugu udde, i Ya'u, Mawu Apan Lembontaṛṛino, Ruatan Israel, maddiandi manungku wuassu papapulunni Yonadab ana'i Rekhab sidutu sarun pia sangkatou esakka apan mangngimbe si Ya'u.”

YEREMIA 52:3

Mawu mangke nasa'u su tumana'u Yerusalem wuṛṛu taumatan Yehuda na'oman sara i Tou nallimbuakka si mangitou wuṛṛu tate mandiaga si mangitou lai. I Zedekia nilumawangnga si Nebukadnezar ratun Babel,

YEREMIA 9:19

Su Sion niaringikka tingikku lal᷊uai, “I ite matete wuṛṛu tumaniten niapaasili. Wanuan kite ṛinone itantangngi ite, manga wal᷊eng kite naṛṛusa'a pasital᷊eṛṛonga.”

YEHEZKIEL 14:14

Salaiwe i Nuh, i Danel wuṛṛu i Ayub uatana'a su tampa udde, ne apapia mangitou tallu tumba'u wotongnge mapanal᷊amatta niawa mangitou sassane. I Ya'u, Mawu Apan Atanggaṛṛanne buatte nabbisara.

YEHEZKIEL 22:30

Suwallattu taumatan Israel udde, i Ya'u maddea'a taumata apan botongne mapararisikku darandungnga, ara'e dumarisikka su manga tampa apan manga darandung naṛṛa'a ipanahekku wanua udde napawe i Ya'u makkimunsa'e sulal᷊ummu sasopan asasa'u-U; arawe tawe saran sangkatou apan Ta'u niasangkal᷊anna.

HOSEA 9:15

Mawu nabbisara, “Anambon al᷊al᷊eon mangitou nanattakka su Gilgal. Ete isudde i Ya'u nanattakke maddantinni mangitou. Ana waugu inolaanni mangitou apan dal᷊eo, i Ya'u sarun mallimbuakka si mangitou wuassu wanua-U indi. I Ya'u tate umakkanni mangitou apia, anambon piaṛṛa'i mangitou buatte nilumawangnga si Ya'u.

ZAKARIA 3:3

Yosua uarisikka isudde ual᷊uṛṛen laubba nallal᷊uhuranna atonna.

TAHIUL᷊E 9:26

wuṛṛu niumal᷊iomanna arendi: Oh Mawu Apan Atanggaṛṛanne, ariewe mamate walahanna nipile-Ne indi, walahanna nipallossa wuṛṛu niehetta sinumabbanganga wuassu Mesir ringannu atatohassa wuṛṛu taṛṛino apan bahewalla.

IBRANI 9:24

Ana waugu i Kristus tawe sinumutta su Wabbo'a Susi inolaannu taumata, apan tumba'u hambarannu Wabbo'a Susi apan ṛinone. Mawu Yesus sinumutta sassane su surga; poiaroddi orassa indi i Tou uasaruanna Ruata hunane si ite.

MAL᷊AṚṚUUNGNGA 5:9

Su manga tembonannu tantaran Israel apan naiwawal᷊in batanganne ringannu naungnga mal᷊uassa, i ya'u mamasingkattu aadiangkamangku manambo-nambo. Paddalote Mawu!

1 SAMUEL 12:19

Ana see i mangitou nabbisarate si Samuel, “Tul᷊unga'a, Papa, al᷊iomana'a yami su Mawu Ruatanu, tadea'u yami tawe mate. Orassa indi yami naatutukke manungku wuassu rosan kami dorone, yami lai buatte na'ola'a rosa apia ana waugu naddorongnga sangkatou ratu.”

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

1 SAMUEL 7:9

Ana waugu udde i Samuel naṛṛata sambau domba anangnge, ana see nionggola maola'a sambau sasamba itattambunna su Mawu. Wua'udde i tou niumal᷊iomanna tadea'u Mawu mantul᷊ungngu taumatan Israel, ne aal᷊iomanne udde niraringiṛṛanna.