YEREMIA 13:16 - WUKE SUSI WATTI'U AL᷊AL᷊USASSA

¹⁶ Mawu Ruatanu ṛinone wantuhannu tantal᷊anna i Tou taambe nandantan ararandumma, wuṛṛu leddanu matara su panenteanna, su taambe asasemakka apan aantimannu waluan-Ne mabbal᷊i wasatuudda.

YEREMIA 13:16 Iomraidhean Croise

AYUB 3:5

Olaawe allo udde ma'itumma uarallamma, wasa tuudda, mal᷊abbukka wuṛṛu mawol᷊a; oopeten winabbawa wuṛṛu rallamma, lindumete wuassu semakku matannallo.

DARALO 107:10

Piaddu uataṛṛo sulal᷊ummu ararandumma, taumatan tattupanna uatataṛṛangnga sulal᷊ummu mantunga atta'a,

DARALO 107:14

I Tou nangapiddi mangitou sinumabbangnga wuassu ararandumma, wuṛṛu namaddi mantungi mangitou.

DARALO 29:2

Paddalote arannu Mawu apan mawantuga passubbate si Tou ringannu mappaatu peddetu patataṛamawu.

DARALO 44:19

Naungngi yami tawe mangawusu Si'o; tita-Nu tawe abul᷊iananni yami.

SASABANGNGA 10:21

Mawu nabbisara si Musa, “Wattea'e ta'iakku ire'e, ne leta'u Mesir sarun mabbal᷊i wasa tuudda.”

MANNANASE 11:8

Ṛinone i'o maadiangkamanna amungkangngu uukka niatambanna. Arawe naunge, salaiwe i'o mabbiakka mal᷊annu su runia, tempone su runian papate ta'e lembon mallannuanna lai. Nariaddi, apa apan sarun antimanna lai? Sarangkanambone tawe gessine wuṛṛu tawe gunane.

YESAYA 5:30

Su allo udde su ahewallu Israel niaringikka hahuressa ara'e hiom pangalo aikkanne ere lua'a mabbasse. Pa'ellege, ahewallu wanua udde marandumma wuṛṛu napenen asasuṛṛippitta. Asasemakka naola'e wasa tuudda.

YESAYA 59:10

I yami uasasaṛṛipo naal᷊ihidda taumata wuta; allattune i yamiu iattara ere ṛabbi mattangnga; su tangngan taumata wiakka yami naal᷊ihidda taumata nate.

YESAYA 59:9

Pabbawalaga udde nabbisara Ruata, “Orassa indi i yami masingkatte anio I'o tawe nanal᷊amatta si yamiu wuassu manga taumata apan mangngallanga si yamiu. I yami uaṛṛaddo semakka, arawe tumba'u pia ararandumma.

YESAYA 60:2

Runia nioossu ararandumma, manga walahanna tataapannu ṛabbi wasa; arawe asasemakku Mawu sarun dumanta si'o, semakku daranta-Ne nilumiatta'a si'o.

YESAYA 8:22

ara'e mangngintanno, i mangitou tawe maasilo manga apa tumba'u asasuṛṛipitta wuṛṛu ararandumma se'e lai asasul᷊aubba apan mangngaitta. I mangitou sarun iramme sutampa apan marandumma udde.

YEREMIA 14:19

Mawu, apa Yehuda buatte nito'e-Nu atonna-tonna wuṛṛu tumana'u Sion iaarantin-Nu? Anio aroddi aikkanne I'o namuulla si yami na'oman sara i yami tate lai mapia? Tate gunane i yami maddea'a paddarame, tate gunane i yami mangngantimma aaul᷊en baddangnga, ana waugu nallambe ete tumba'u araṛṛagissa.

YEREMIA 2:6

I Ya'u tate pandumanna; i Ya'u, apan buatte nangehetta si mangitou su lal᷊anna, wuṛṛu nangapiddi mangitou sinumabbangnga wuassu Mesir niumamattu wadda'u anne, wageangngu leta'a maṛṛasa apan manambo liobbongnge, see lai mamara wuṛṛu ma'asilaka – wadda'a apan taweddu uatana'a wuṛṛu tawe amatanna!

YEREMIA 23:12

Ana waugu udde, lal᷊anni mangitou sarun mal᷊ewakka wuṛṛu marandumma, na'oman sara i mangitou matara wuṛṛu mal᷊iundu'a. I Ya'u sarun mandantan asasilaka si mangitou, napawe nia'omante tempone makkuumanni mangitou. I Ya'u, Mawu, buatte nabbisara.

YEREMIA 4:23

Watukku runia mata'u pina'ellega, ellehanna ereola'u tawe loṛṛone wuṛṛu mamara, watukku langitta i ya'u maningngara, uare, taweddu apan masemakka.

YEREMIA 50:6

Uma-U naal᷊ihidda domba apan niwalate manga mallal᷊u'adde nilamammiṛṛanne su panenteanna. I mangitou mammal᷊intadda wuassu wowone sambau watukku wowone waine wuṛṛu waggate tanne suapate wal᷊e mangitou.

YEREMIA 6:21

I ya'u sarun ma'ola'a manga taumata indi itara wuṛṛu mawal᷊atta. Iamangnge wuṛṛu ana'a, hawe wuṛṛu al᷊indonganna sarangkanambone sarun mawinasa.”

YEREMIA 8:15

Tawe gunane i ite mangngantimma paddarame wuṛṛu tempon pangangapia, ana waugu pia tumba'u araṛṛagissa.

LAL᷊ALLU 4:17

Matan kami naasilote, ual᷊aṛṛaddo sumbala apan tawe rumanta. I yami uaantimma aontollu sambau walahanna, apan ṛinone tawe mapangonggollu manga apa.

YEHEZKIEL 21:15

I tou na'ola'a walahang-Ku matal᷊o wuṛṛu maddamangnga iattara. I Ya'u namansaggu soa mangitou ringannu hal᷊ele udde apan lullendappa ere sawallo, wuṛṛu nasaddiate mamate.

YEHEZKIEL 34:12

maola'a sangkatou mallal᷊u'adda ṛinone maddea'a wuṛṛu mangammullu manga dombane apan nassal᷊iawukka ana see mamadul᷊i si mangitou. I mangitou sarun Ta'u iapidda mapul᷊e wuassu al᷊awo'u tampa i mangitou nassal᷊iawukka su allo apan marandumma wuṛṛu lal᷊eo udde.

YEHEZKIEL 36:15

Tate gunane lai leta'a indi maddaringikka aal᷊uandagu manga walahanna ara'e mamasanna hahelon taumata. Leta'a indi tate lai maaradda'a walahanna apan uatana'a isudde. I Ya'u Mawu Apan Atanggaṛṛanne buatte nabbisara.’ ”

YOEL 2:2

Allo udde marandumma wuṛṛu wasa, napenen ṛawu'a apan mal᷊abbukka. Tantaran saṛṛappalanna mangke pasi ranta naal᷊ihidda winabbawa apan namare su puiddu panenteanna. Araradiana ereudde taambe saran paassa pia, wuṛṛu tawe masul᷊e apia saran mal᷊annu-l᷊annu.

AMOS 4:13

Wowone wuṛṛu anginna, ete Mawu apan mandariaddine; ṛiin-Ne niapasingkan-Ne su taumata. I Tou na'ola'a aallo wuṛṛu ṛabbi su wowon manga puiddu runia i Tou u'amatta. Mawu Ruata Apan Lembontaṛṛino, uddewe aran-Ne.

AMOS 5:18

Mangke atonna nasilakate i yamiu apan uaṛṛaddo allon Mawu! Apa hunane allo udde si yamiu? Allo udde tumba'u allo apan marandumma, wal᷊ine allo apan masemakka si yamiu.

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

YOHANES 12:35

Mawu Yesus sinumimbakka, “Tumba'u tantal᷊anna adio'a semakka udde su wallatti yamiu. Nariaddi amatte tantal᷊anna semakka udde ta'e pia, tadea'u i yamiu tawe aratingannu randumma. Taumata apan u'amatta su ararandumma wagga suapa pattudanne.

YOSUA 7:19

I Yosua nabbisara si Akhan, “Ana'u, panga'ute wuṛṛu wal᷊oa'e uahahati isindi su saruannu Mawu Ruatan Israel, sarangkanambone apan buatte niolangu. Wal᷊oa'e si ya'u, arie pabbunia'a.”

1 PETRUS 2:8

wuṛṛu “Eteudde watu apan maatara taumata, watu apan naaema'a si mangitou.” I mangitou natara ana waugu i mangitou tawe mangngimanna wisaran Duata. Ete aroddi suete tinantunu Ruata su ola'i mangitou.

1 SAMUEL 6:5

Nariaddi, yamiu ṛinone mattanno ola'u manga hanne wuṛṛu su wal᷊awo apan masaddatta su wanuanu. Ringannu aroddi yamiu mangngaddatta Mawu Ruatan Israel. Asinungka i Tou tate makkuumanni yamiu, manga mongannu see lai manga letangngu.