YEREMIA 12:7 - WUKE SUSI WATTI'U AL᷊AL᷊USASSA

⁷ Mawu nabbisara, “Tampa atatanaang-Ku tate lai iṛṛingi-U, wanua apan maola'a pussa'a-U buatte nitantang-Ku, wuṛṛu uma-U apan arangnguang-Ku buatte Ta'u nitantilla su lima manga seenne.

YEREMIA 12:7 Iomraidhean Croise

2 MARARATU 21:14

Tumanange apan ta'e natantanga sarun Ta'u iwala maola'a inassu seenne, apan sarun malluatta laubba wuṛṛu mangaṛṛo wanuan mangitou.

DARALO 106:40

Ana see asasa'un Mawu niṛṛumenggampe si mangitou, i Tou nuallu pussa'a-Ne sassane.

DARALO 78:62

I Tou nasa'u al᷊aṛanang-Nge, pussa'a-Ne, wuṛṛu namalan mangitou nipaten hal᷊ele.

YESAYA 2:6

Oh Ruata, I'o nanantangken uman-Nu, papapulunni Yakub! Ana waugu su al᷊awo'u tampa su wanua indi taumata mappaattu daroa apan darantane wuassu ra'i wuṛṛu wuassu Filistin. Manga taumata mattanno inanaramannu taumata raho.

YEREMIA 11:15

Mawu nabbisara, “Uma-U apan arangnguang-Ku buatte na'ola'a inolaanna apan dal᷊eo. I mangitou tawe su ṛinone rumanta su Wal᷊e-U. I mangitou massunna manungku ringannu ma'ola'a pa'aire, wuṛṛu mangngonggollu winatangnga, i mangitou tawe maasomba asasilaka. Apa ringannu udde i mangitou wotongnge mal᷊uassa?

YEREMIA 14:19

Mawu, apa Yehuda buatte nito'e-Nu atonna-tonna wuṛṛu tumana'u Sion iaarantin-Nu? Anio aroddi aikkanne I'o namuulla si yami na'oman sara i yami tate lai mapia? Tate gunane i yami maddea'a paddarame, tate gunane i yami mangngantimma aaul᷊en baddangnga, ana waugu nallambe ete tumba'u araṛṛagissa.

YEREMIA 17:4

I yamiu sarun ipabbawata'a manantillu leta'a apan buatte Ta'u nionggolla si yamiu, wuṛṛu i Ya'u sarun ma'ola'a si yamiu mattaṛṛamawu su seennu su wanua apan mangke awaganannu. I Ya'u na'ola'a sarangkanambone udde ana waugu asasa'u-U sinumopate ere putungnga apan lukkenggamma tawe iapaddumma.”

YEREMIA 22:5

Arawe amungkangngu i yamiu tawe tumuṛṛutta manga parenta-U, ne i Ya'u massalu manungku wal᷊en araratuanna indi sarun mallambe ete tuidda. I Ya'u, Mawu, buatte nabbisara.

YEREMIA 23:33

Mawu nabbisara, “Yeremia, amungkangngu pia sangkatou wuassu uma-U, ara'e sangkatou nabi ara'e imam maiwal᷊o si'o, ‘Apa tanatan Mawu?’ I'o ṛinone sumimbakka, ‘Ete i'o winabbawan Mawu; ana waugu udde i'o sarun iramme Mawu.’

YEREMIA 23:39

ne i Ya'u sarun manggemonna si mangitou wuṛṛu ituntungnga mara-rau, mawae ete i mangitou aroddi lai soa apan buatte Ta'u nionggolla si mangitou wuṛṛu al᷊amona mangitou.

YEREMIA 51:5

I Ya'u, Mawu, Ruata Apan Lembontaṛṛino, Ruata Israel susi, sarun tawe manantangu Israel wuṛṛu Yehuda, salaiwe i mangitou buatte na'ola'a rosa su saruang-Ku.

YEREMIA 7:14

Ne, Wal᷊e-U apan pangngantinanni yamiu, wuṛṛu tampa apan Ta'u nionggolla su al᷊amonanu wuṛṛu si yamiu indi sarun Ta'u olaanna lai ere su Silo dorone.

YEREMIA 7:29

Mawu nabbisara, “Ei tumana'u Yerusalem, lallal᷊ote! Pol᷊ote utangngu wuṛṛu rammea'e! Pangantariten aantarin asasusa roso su manga puiddu panenteanna ana waugu i Ya'u Mawu, tantal᷊anna massa'u wuṛṛu nano'eten kami nambo.

YEHEZKIEL 24:21

iapapasingkattu tanata indi si yamiu: I yamiu mammungan atatohassu Wal᷊e Mawu. I yamiu apulune ma'ellega wuṛṛu inai isudde, arawe Mawu sarun mandal᷊eo Wal᷊en-Ne. Wuṛṛu lal᷊oṛṛon amonannu apan ta'e dario'a, apan uatana'a su Yerusalem, sarun pateanna sulal᷊ummu pangalo.

HOSEA 11:1

Mawu nabbisara, “I Ya'u u'akkannu Israel ro'en i tou ta'e addio'a, Ta'u niwaggoanna ana-U udde sinumabbangnga wuassu Mesir.

HOSEA 9:15

Mawu nabbisara, “Anambon al᷊al᷊eon mangitou nanattakka su Gilgal. Ete isudde i Ya'u nanattakke maddantinni mangitou. Ana waugu inolaanni mangitou apan dal᷊eo, i Ya'u sarun mallimbuakka si mangitou wuassu wanua-U indi. I Ya'u tate umakkanni mangitou apia, anambon piaṛṛa'i mangitou buatte nilumawangnga si Ya'u.

YOEL 2:15

Tiuppe trompetta su Sion, wowonen Duata, al᷊iata'e allon puasa, pa'ola'e ammul᷊anna wahewalla.

YOEL 3:2

Anambon walahanna sarun Ta'u iammulla wuṛṛu Ta'u iapidda watukku Wawal᷊annu Pakkuunganna. Ana see i mangitou Ta'u parikisana isudde wuassu al᷊al᷊eone su saruannu uma-U ana waugu i mangitou buatte nattahia leta'u Israel wuṛṛu uma-U niwuangngi mangitou watukku al᷊awo'u wanua.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

TAHIUL᷊E 33:12

Su ṛuanganni Benyamin i tou nabbisara: “Ete indi ṛuanganna apan arangnguannu Mawu. I Tou ual᷊u'adda si mangitou allo wuṛṛu ṛabbi wuṛṛu uatana'a suwallati mangitou.”