YEREMIA 12:2 - WUKE SUSI WATTI'U AL᷊AL᷊USASSA

² I'o nassuanni mangitou ere sinuananna, ana see i mangitou nakkamutta, tinumuwo, wuṛṛu nabbua. I mangitou sidutu mabbisara wisara mangkapia su ola'u watangan-Nu, arawe sulal᷊ummu naungnga, i mangitou tawe mappandumma Si'o.

YEREMIA 12:2 Iomraidhean Croise

AYUB 24:12

Su manga soa aaringiṛṛanna aintul᷊in taumata maraniten mate, manga taumata nal᷊essa u'ui maddorongnga maiundamma, arawe Ruata tawe maddaringikka aal᷊iomanni mangitou; I tou maddiri mappandumma.

AYUB 5:3

Su paassa i ya'u naasilo taumata woddo; wiakke aellehanna tumaniten matohassa. Arawe inaṛṛombanganne ta'u niwontohanna tampa atatanaanne.

DARALO 37:35

I ya'u naasilote taumata lal᷊eo mattal᷊imoṛṛonganna; i tou naal᷊ihidda aaluanna apan masuwukka wuṛṛu ṛamunne malal᷊umma.

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

YEREMIA 11:17

Ete i Ya'u apan napararisikku Israel wuṛṛu Yehuda, i Ya'u, Mawu Apan Lembontaṛṛino. Arawe, orassa indi i Ya'u buatte nakkiinna mandantan asasilaka si mangitou. Ete i mangitou sassane apan naarantaran sarangkanambone udde, ana waugu i mangitou buatte na'ola'a al᷊al᷊eo, eteudde mangngonggollu sasamba si Baal na'oman sara i Ya'u nasa'u.”

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

YEREMIA 45:4

Ei Barukh! I Ya'u, Mawu, tantal᷊anna mapaṛṛa'an saranapa apan i Ya'u niaparisikka, wuṛṛu tantal᷊anna mangngabutta sasuanna apan Ta'u nisuanna. Ahewallu runia Ta'u olaanna aroddi abbi.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

HOSEA 7:14

I mangitou tawe atonna-tonna umal᷊iomanna si Ya'u. Amungkangngu i mangitou umal᷊iomanna, i mangitou mattingka wal᷊atta su tampan tattiil᷊anna, wuṛṛu lulluai ere a'olaannu manga taumata apan tawe mangimanna si Ya'u. Amungkangngu i mangitou umal᷊iomanna maddorongnga gandumma wuṛṛu anggore, i mangitou mallesa watanganne ere a'olaannu manga taumata apan massubba monganna. I mangitou atonna-tonna lullawangnga si Ya'u!

HABAKUK 1:13

Arawe ereapa I'o maataṛṛangnga ma'ellega manga taumata lal᷊eo apan maṛṛagissa udde? Wal᷊inewe I'o tumaniten susi ipa'ellega al᷊al᷊eo? Wal᷊inewe I'o tattaṛṛa muta ma'ellega tawe atatul᷊idda? Nariaddi, anio I'o sidutu mal᷊annaaba sutempo taumata na'ukkassa niṛṛimunsa'u taumata lal᷊eo?

MATIUS 15:8

‘Arendi wisaran Ruata: Manga taumata udde tumba'u massubba Si Ya'u ringannu manga wisara, arawe naungngi mangitou marau wuassia-U.

MARKUS 7:6

Mawu Yesus sinumimbakka, “I yamiu taumata lilangkamal᷊e'a! Naṛṛino atonna apa apan suete niapasingkatti Yesaya su ola'i yamiu eteudde, ‘Arendi unnu Ruata, Manga taumata udde tumba'u massubba si Ya'u ringannu manga wisara, arawe naungngi mangitou marau wuassia-U.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.