YEREMIA 12:10 - WUKE SUSI WATTI'U AL᷊AL᷊USASSA

¹⁰ Manambo tembonannu raho apan buatte nanggohakku waillu anggore pussa'a-U wuṛṛu ringanna naṛṛinda manga wawail᷊ang-Ku. Wanua-U apan maṛṛansangnga niwal᷊un mangitou nabbal᷊i wadda'u anne apan mal᷊annabba.

YEREMIA 12:10 Iomraidhean Croise

YESAYA 3:14

Mawu naola'a mallaṛṛuungnga su manga mamamiaṛṛa'u uman-Ne. Eteindi papaṛṛansillu Mawu si mangitou: “Ete i yamiu apan nangaṛṛo wuan manga wawail᷊annu anggore; wal᷊enu napenen darotongnga apan niaṛṛon kamiu wuassu taumata asiangnga.

YESAYA 43:28

manga imammu buatte nandal᷊eo Wal᷊e-U. Ne Israel Ta'u itantilla iapal᷊obbossa, papapulunni Yakub Ta'u iwala ṛaddaanna.”

YESAYA 63:18

Anio niwala-Nu seetta mangke makkinda Wal᷊en-Nu, wuṛṛu manga taumata mandal᷊eo wuid-Du apan susi?

YEREMIA 23:1

Mawu Ruatan Israel nabbisara, “Nasilakate i yamiu ei piaṛṛangnge apan mammate wuṛṛu mannal᷊iawukku uma-U! I yamiu ṛinone mappadul᷊i uma-U, arawe i yamiu tawe na'ola'a; i yamiu namalane uasal᷊arenga wuṛṛu tinumal᷊angnga. Orassa indi Ya'u sarun makkuumanni yamiu ana waugu al᷊al᷊eonu.

YEREMIA 25:38

Naal᷊ihidda singa sinumabbangnga wuassu loṛṛangnge, aroddi lai Mawu sumabbangnga makkuumannu uman-Ne. Araṛṛagissu pangalo wuṛṛu asasa'u Mawu buatte namal᷊u wanua indi naola'a wadda'u anne.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 3:19

Mawu nabbisara, “Israel, i Ya'u mappulu manengkamma si'o maola'a ana-U, wuṛṛu mangonggolla si'o wanua apan ma'al᷊uassa, wanua apan apianne su ahewallu runia. I Ya'u mappulu tadea'u i'o mamaggo si Ya'u iamangnga, wuṛṛu tate mangingkatta apia wua dingang-Ku.

YEREMIA 39:3

wuṛṛu Yerusalem niaṛṛo. Ne anambon tembonannu araratuannu Babel nirumanta wuṛṛu inaite niuma'ianna su Ngara Pasallangannu Tangngane. Suwallatti mangitou isudde lai Nergal Sarezer, i Samgar Nebo, i Sarsekim tembonannu amonannu araratuanna, i Nergal Sarezer Rabmag wuṛṛu manga perwira waine.

YEREMIA 6:3

manga tembonanne sarun maddasanna poiaroddi ringannu tantarane. Uapal᷊iwutta soa udde i mangitou sarun mamasi'u manga tenda mangitou, sambau-sambau su tampa apan ipaapulune.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEHEZKIEL 34:2

“Ei taumata apan mattate, tagguete manga ratun Israel, wuṛṛu wal᷊oa'e apa apan i Ya'u, Mawu Apan Atanggaṛṛanne mabbisara si mangitou, ‘Nasilakate i yamiu, ei manga mallal᷊u'addu Israel. I yamiu tumba'u maṛṛingiddu hausannu watangannu sassane, wal᷊ine hausannu manga dombanu.

YEHEZKIEL 34:5

Ana waugu tawe mallal᷊u'adda, manga domba udde nassal᷊iawukka wuṛṛu naola'a inassu winatangnga mal᷊aṛṛaga.

DANIEL 8:13

Wua'udde i ya'u naaringikka sangkatou mala'ekatta nabbisara iapa waine, “Maddatingngu tiangngera sarangkanambone apan aasiloanna sulal᷊ummu sondapa udde aasiloanna? Maddatingngu tingngera tantaran surga wuṛṛu wal᷊en patataṛṛamawuanna udde mangke laṛṛindanna?”

ZAKARIA 7:14

Naal᷊ihidda tandi'a, i Ya'u nanahangginna si mangitou na'oman sara i mangitou niwata'a mamanua su manga wanua waine. Leta'a apan masuwukka indi nabbal᷊ite mal᷊annabba tawe tumatanangnge wuṛṛu lol᷊okka.”

LUKAS 21:14

Sidutua'e manungku i yamiu tawe suminggawangnga su ola'u apan ṛinone iwisarang kamiu ipanahekku watangannu.

SONDAPPA 11:2

Arawe arie manguukka rallaka su samba'an liuddu Wal᷊e Mawu udde, ana waugu wageangnge udde suete tinantilla su manga taumata apan tawe maaillal᷊a Mawu. I mangitou sarun maṛṛinda soa apan susi udde appatu pul᷊o dua su wul᷊anne al᷊annune.