YEREMIA 12:1 - WUKE SUSI WATTI'U AL᷊AL᷊USASSA

¹ “Amungkangngu i ya'u mangapiddu hatto'u su saruan-Nu, oh Mawu, isudde mangke asingkatanna manungku ete I'o apan atonna. Arawe i ya'u mappulu lai ma'iwal᷊o Si'o su ola'u atatul᷊idda; Anio taumata lal᷊eo mabbal᷊i su lal᷊umanna'a? Anio ewe'e taumata taṛṛa linga mabbal᷊i ala?

YEREMIA 12:1 Iomraidhean Croise

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

EZRA 9:15

Mawu, Ruatan Israel! I'o matul᷊idda, salaiwe aroddi I'o namalan kami wiakka. I yami tawe su tampane sumaruanna aṛṛa'uan-Nu.”

NEHEMIA 9:33

Manara-Nu matul᷊idda, niṛṛuuman-Nu i yami apan marosa; I'o sidutu satia salaiwe i yami napenen sangkulla.

AYUB 12:6

Arawe maṛṛarampassa mabbiakka taweddu mamansagga; taumata apan waṛṛani lumawangnga Ruata mabbiakka matammudda. Sumbal᷊i monganna apan ipangngasakki mangitou, tumba'u atatohassa sassane.

AYUB 13:3

Arawe i ya'u maapulu maggahatto Apan Lembontaṛṛino; i ya'u maapulu manahekku hatto'u su saruannu Ruata.

AYUB 24:12

Su manga soa aaringiṛṛanna aintul᷊in taumata maraniten mate, manga taumata nal᷊essa u'ui maddorongnga maiundamma, arawe Ruata tawe maddaringikka aal᷊iomanni mangitou; I tou maddiri mappandumma.

AYUB 24:23

Ruata nangonggolla si tou wiakka su lal᷊umanna'a, arawe ual᷊u'adda si tou tawe illol᷊one.

AYUB 8:17

Ṛamunne mangngal᷊i'uppa manga leta'a; uawa'issa matohassa, i tou tawe hampa umal᷊ore.

DARALO 116:5

Mawu udde marangngu wuṛṛu matul᷊idda; Ruatan kite napenen aakkanna.

DARALO 119:137

I'o matul᷊idda, oh Mawu, anambon tita-Nu naṛṛino.

DARALO 119:75

I ya'u masingkatta manungku raṛṛawen-Nu matul᷊idda oh Mawu, I'o buatte nakkuumangku ana waugu apapia-Nu.

DARALO 145:17

Mawu matul᷊idda sulal᷊ummu al᷊awo'u manara-Ne wuṛṛu napenen darangngu sulal᷊ummu al᷊awo'u inolaan-Ne.

DARALO 37:1

Wuassi Daud. Arie i yamiu sussinggawanga ana waugu taumata lal᷊eo, arie sumelo'a su taumata apan na'ola'a pasasal᷊a.

DARALO 37:35

I ya'u naasilote taumata lal᷊eo mattal᷊imoṛṛonganna; i tou naal᷊ihidda aaluanna apan masuwukka wuṛṛu ṛamunne malal᷊umma.

DARALO 51:4

Ukkasawe al᷊awo'u al᷊al᷊eo; waresiwe i ya'u wuassu rosa'u.

DARALO 51:6

Su saruan-Nu, tumba'u su saruan-Nu i ya'u narosa, wuṛṛu a'olaangku pallal᷊aghu a'ellehan-Nu lal᷊eo. Ne suṛṛinone I'o makkuumangku, naṛṛinote apulu-Nu.

DARALO 92:7

Taumata woddo tawe maasunna, taumata longonna maaṛṛingidda.

AMSAL 1:32

Taumata apan tawe asingkatta su ola'u pabbiaṛṛanna sarun mate ana waugu tawe mangarega'u, wuṛṛu taumata longonna sarun maṛṛimunsa'a ana waugu tawe maddaringikka si ya'u.

MANNANASE 8:14

Arawe sarangkanambone udde mangke awusu atonna. Pa'ellege apa apan tantal᷊anna nariaddi su runia: Pia taumata ma'imanna apan niṛṛuumanna ere taumata lal᷊eo, pia taumata lal᷊eo apan nionggol᷊annu hadiah ere taumata ma'imanna. Nariaddi, udde lai sia-sia.

YESAYA 41:21

Mawu, ratun Israel, nabbisara su manga monganna, “Alaea'e hattonu, pasabbanga'e manga wisara tatahekke!

YESAYA 48:8

I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

YEREMIA 11:20

Ana see i ya'u inumal᷊iomanna, “Oh Mawu Apan Lembontaṛṛino, I'o mallaṛṛuungnga apan matul᷊idda; ete I'o apan masingkattu ṛingidda wuṛṛu naungngu taumata. Hatto'u indi ta'u itantilla Si'o. Doronganna i ya'u wotongnge maasilo Si'o mabbal᷊issa inolaannu manga taumata udde.”

YEREMIA 12:6

I'o buatte nil᷊al᷊eo ewe'e wuassu tuṛṛangngu sassane; i mangitou lai suadio'a mammangalo si'o. Arie pangimanna si mangitou salaiwe wisara mangitou matemangnga.”

YEREMIA 3:20

Arawe naal᷊ihidda inangngu ana'a apan tawe satia, i'o lai tawe satia si Ya'u. I Ya'u, Mawu, buatte nabbisara.”

YEREMIA 3:7

Ṛingi-U napawe i tou buatte na'ola'a sarangkanambone udde, i tou sarun mabbelengnga apia ringang-Ku. Arawe i tou tawe nabbelengnga, ewe'e inai sinumandaga. Ana waugu udde i Ya'u nanindo wuṛṛu nallimbuakka si tou. Yehuda, tuṛṛangngu Israel, apan mal᷊awangnga udde maasilo sarangkanambone udde, arawe i tou tawe nata'utta. Ewe'e i tou lai nabbali masandaga,

YEREMIA 32:16

Napawe manga surattu pamamalli udde ta'u nionggolla si Barukh, i ya'u niumal᷊iomanna,

YEREMIA 5:11

Umattu Israel wuṛṛu Yehuda mangke atonna-tonna buatte namahia si I Ya'u. I Ya'u, Mawu, buatte nabbisara.”

YEREMIA 9:2

Unnu wisara su wadda'u anne wotongnge ta'u asangkal᷊anna tampa pattindahoannu taumata apan sulal᷊ummu amatanna! Ne i ya'u sarun manantangngu walahangku, wuṛṛu tumal᷊angke poiaroddi tadea'u mangindau wuassi mangitou. I mangitou sarangkanambone mandal᷊al᷊eo, sambau ammul᷊annu taumata apan mal᷊awangnga,

LAL᷊ALLU 1:18

Arawe ete Mawu apan naṛṛino, ana waugu parenta-Ne ta'ute nil᷊awanganna. Daringiṛṛewe i ya'u, ei manga walahanna, ellehete i ya'u apan uatataṛṛangnga. Manga umbasanna wuṛṛu maṛṛuala'u niatawanna, wuṛṛu niapidda watukku pamuanganna.

YEHEZKIEL 18:25

Asinungka piaddu mabbisara arendi, “Inolaannu Mawu na'al᷊iwu.” Paddaringikke, ei taumatan Israel! Apa manara-U niumal᷊iwu? Ete i yamiu apan naal᷊iwu.

DANIEL 9:14

I'o, oh Mawu Ruatan kami, buatte nakkuumanni yami ringannu asasilaka apan buatte nisaddia-Nu; manara-Nu sidutu naṛṛino wuṛṛu matul᷊idda, arawe i yami tawe maddaringikka tingikku Mawu.

DANIEL 9:7

Oh Mawu, manara-Nu sidutu naṛṛino wuṛṛu matul᷊idda, arawe i yami sidutu mandantan asasili su watangani yami, eteudde i yami sarangkanambone apan uatana'a su Yudea wuṛṛu su Yerusalem wuṛṛu anambon taumata sambalahanni yami apan buatte nisal᷊iawukku Mawu watukku manga wanua apan marau wuṛṛu marani ana waugu i mangitou tate matuṛṛutta su Mawu.

HOSEA 6:7

Arawe ere su Adam i yamiu tawe nanuungngu paairenu si Ya'u.

HABAKUK 1:4

Tita tate daringiṛṛanna wuṛṛu atatul᷊idda tate iapaamatta. Taumata lal᷊eo nabbal᷊i naauntunnga wuassu taumata mapia, ne atatul᷊idda niwal᷊elongnga.

ZEFANYA 3:5

Arawe Mawu ta'e su soa udde; i Tou sidutu ma'ola'a apapia wuṛṛu taweddu massal᷊a. Suapan marua allo i Tou sarun mangonggollu atatul᷊idda su uman-Ne. Arawe, taumata apan tawe maaillal᷊a atatul᷊idda su soa udde sidutu ma'ola'a al᷊al᷊eo ringannu tawe masili.

MALEAKHI 2:17

I yamiu na'ola'a Ruata nawusa ringannu tal᷊umamanu. Arawe i yamiu ma'iwal᷊o, “Ereapa i yamiu maawusa Mawu?” Ringannu mabbisara, “Anambon taumata apan ma'ola'a al᷊al᷊eo sassunnannu Mawu mapia, wuṛṛu i Tou mappulun mangitou.” Ara'e ringannu ma'iwal᷊o, “Suapa Ruata apan naudde matul᷊idda udde?”

MALEAKHI 3:15

I ite maasilo sassane manungku manga taumata mawunga su lal᷊umanna'a. Taumata lal᷊eo tawe tumba'u mabbiakka su al᷊al᷊uassa, arawe amungkangngu i mangitou manal᷊u'atta asasabaren Duata ringannu ma'ola'a al᷊al᷊eo, i mangitou nal᷊iu lai.’ ”

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.