YEREMIA 10:10 - WUKE SUSI WATTI'U AL᷊AL᷊USASSA

¹⁰ Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

YEREMIA 10:10 Iomraidhean Croise

PANDARIADDI 21:33

Ana see i Abraham nassuannu sangkalu alu tamariska su Bersyeba wuṛṛu nanattakka orassa udde tampa udde nipaatti tou maola'a pasasubanna Mawu, Ruata sarangkal᷊o'engnge.

1 MARARATU 18:39

Sutempo tumana'a naasilo olangnge udde i mangitou nadduma'a su leta'a lapiddu nabbisara, “Mawu udde Ruata! Atonna Mawu udde Ruata!”

1 MARARATU 8:60

Ringannu aroddi al᷊awo'u walahanna su runia sarun maasingkatta manungku tumba'u Mawu sassane Ruata, tawe baine.

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

2 TAWARIKH 15:3

Tumaniten mal᷊annu Israel tawe maddaringikka Ruata apan naṛṛino, tawe manga tita apan tinuṛṛutanne, wuṛṛu lai tawe manga imam apan mangngangaṛṛa'a si mangitou.

AYUB 9:6

Ruata nandiaddi linukka na'oman sara runia niumio'a, wuṛṛu diṛṛi uatumpilla runia niumal᷊ore,

DARALO 10:16

Mawu uaparenta saran mal᷊annu-l᷊annu; manga walahanna apan tawe maaillal᷊a si Tou sarun mawul᷊i wuassu letang-Nge.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

DARALO 100:5

Ana waugu Mawu udde mapia; darangngu-Ne saran mal᷊annu-l᷊annu, wuṛṛu apapia-Ne sara maṛṛawa mappulunna.

DARALO 104:32

Ito na'ellega runia wuṛṛu naola'a mangngindo, manga wowone nieṛṛetan-Ne, na'oman sara timbulle sinumabbangnga.

DARALO 114:7

Ei runia, pangindote su saruannu Mawu, su saruannu Ruatan Yakub,

DARALO 145:13

Pamamarenta-Nu sidutu su al᷊o'engngu tempo, taṛṛino-Nu mattaṛṛangnga maṛṛawa mappulunna. Mawu matuṛṛutta su anambon paaire-Ne, i Tou napenen darangngu sulal᷊ummu al᷊awo'u inolaan-Ne.

DARALO 146:6

Ete i Tou apan nandiaddi langitta wuṛṛu runia, tahal᷊oangnga wuṛṛu al᷊awo'u lal᷊oṛṛone; i Tou sidutu matul᷊idda saran mal᷊annu-l᷊annu.

DARALO 18:7

Sulal᷊ummu asasusa'u i ya'u ma'ial᷊are Si'o Mawu, i ya'u uui Ruata'u maddorongnga aontola. Wuassu Wal᷊en-Ne i Tou naddaringikka tingi'u wuṛṛu uararingikka darorongku.

DARALO 29:10

Mawu uataṛṛino su manawangnga wahewalla, I Tou uaparenta naola'a Ratu saran mal᷊annu-l᷊annu.

DARALO 31:5

Pallosaawe i ya'u wuassu sedda apan nitaingnga si ya'u, ana waugu ete I'o tampa i ya'u uasirungnga.

DARALO 42:2

Naal᷊ihidda rusa maapulun ua'en sal᷊ukka, aroddi lai niawa'u maapulu-Nu, oh Ruata.

DARALO 68:11

Ana see al᷊aṛṛanang-Ngu namanuate poiaroddi; sulal᷊ummu apapia-Nu, oh Ruata, I'o nappadul᷊i taumata asiangnga.

DARALO 68:8

Oh Ruata, sutempo I'o nangehetta al᷊aṛṛanang-Ngu niumamatta su wadda'a apan mamara,

DARALO 74:12

Ro'en panattaṛṛanne tumba'u I'o ratu'u, oh Ruata, tumba'u I'o apan nanal᷊amatta si yami.

DARALO 76:7

Anambon awal᷊o wuṛṛu sumasa'ene nanawo nate ṛatangannu asasa'u-Nu, oh Ruatan Yakub!

DARALO 76:8

Mangke wahewalla atonna I'o! Amungkangu I'o masa'u, isai wotongnge maataṛṛangnga?

DARALO 77:18

Winabbawa mannosokku uranna, rallu'a mappose; sawallo ma'ilatta su al᷊awo'u tampa.

DARALO 84:2

Tumaniten maal᷊uassa tampa atatanaan-Nu, oh Ruata Apan Lembontaṛṛino!

DARALO 9:8

Mawu mamarenta saran mal᷊annu-l᷊annu; I Tou napararisikku araratuan-Ne ipakkuungu runia.

DARALO 90:11

Isai apan wotongnge maaillal᷊a ahewallu asasa'u-Nu, ara'e naatutukke pangillul᷊eannu asasa'u-Nu?

DARALO 90:2

Ro'en manga wowone taambe niola'a, ro'en leta'a wuṛṛu runia taambe niriaddi-Nu, ete I'o Ruata apan sarangkal᷊o'engnge, tawe panattaṛṛanne wuṛṛu tawe pangudusanne.

DARALO 93:2

Araratuan-Nu matohassa ro'en paarorone, ro'en al᷊amonane I'o uddete.

DARALO 97:4

Sawallo-Ne mannemakka runia, runia nangindo naasilo si Tou.

YESAYA 37:17

Mawu, antimanna ellehewe apa apan nariaddi si yami. Daringiṛṛewe al᷊awo'u aal᷊uandagi Sanherib su saruan-Nu, Ruata apan biakka.

YESAYA 37:4

Ratun Asyur buatte nandolokku tembonannu tantara atanggaṛṛanne niapaal᷊uandaga Ruata apan biakka. Isai masingkatta Mawu Ruata naaringikka a'al᷊uandaga udde wuṛṛu sarun makkuumanni mangitou apan nabbisara! Ana waugu udde aal᷊iomante su Ruata hunan manga taumatan kite apan ta'e wiakka.”

YESAYA 40:15

Su Mawu manga walahanna ere laikku ua'e sulal᷊ummu sasia, ere sambau awu su tatimbanganna; manga taṛṛanusa aṛṛannane nasuul᷊ungngu awu al᷊ussa.

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 65:16

Suapan taumata su wanua udde apan maddorongnga al᷊amatta, sarun maddorongnga al᷊amatannu Ruata apan satia. Suapan taumata apan massalu, sarun massalu ringannu arannu Ruata apan satia. Ana waugu asasusa apan dorone nawul᷊ite wuṛṛu nitimbul᷊ianante.”

YEREMIA 23:36

I mangitou tate wotongnge lai mappaattu wisara ‘winabbawa Mawu’. Amungkangngu ta'e piaddu mappaattu wisara udde, ne i Ya'u na'ola'a tanata-U atonna-tonna winabbawa si tou. Taumata apan mabbisara ‘winabbawa Mawu’ tumba'u mammal᷊elongngu wisara-U, Ruata mangitou, Ruata apan biakka, Mawu Apan Lembontaṛṛino.

YEREMIA 4:2

Amungkangngu i yamiu massalu ringannu arang-Ku wuṛṛu i yamiu mabbiakka su atatul᷊idda su apapia wuṛṛu atonna, ne anambon balahanna sarun sumal᷊ande si Ya'u tadea'u i Ya'u mangal᷊amatta si mangitou, wuṛṛu i mangitou sarun maddalo si Ya'u.”

YEREMIA 4:24

I ya'u ma'ellega wowone wuṛṛu manga wuidda apan matanggakka tumanite ma'ikkatta umio'a.

YEREMIA 50:46

Napawe Babel nanawote, sarun aṛṛingiṛṛanna paggahahio apan aroddi asaddanne na'oman sara ahewallu runia umio'a; manga aintul᷊in tumanangne sarun aringiṛṛannu manga walahanna waine.”

YEREMIA 51:29

Runia tinumaraddalla wuṛṛu niumio'a ana waugu i Ya'u tantal᷊anna mappaamattu ṛiing-Ku ipa'ola'a Babel mal᷊unggukka wuṛṛu tate atanaanu taumata.

DANIEL 4:3

Tumaniten bahewalla atatiangnga apan niolang-Nge! Tumaniten bahewalla al᷊aṛṛindu'a apan niolang-Nge! Ruata sarun maola'a ratu sarangkal᷊o'engnge. I Tou uataṛṛino su al᷊o'engngu tempo.”

DANIEL 4:34

Napawe pitu tonna udde nal᷊iudde, i ya'u tinumingngara langitta, wua'udde nawelengke apia ringirangku. Ne i ya'u naddalote Ruata Apan Atanggaṛṛanne. Ta'u niraloanna wuṛṛu ta'u niwantuhanna i Tou apan mabbiakka saran mal᷊annu-l᷊annu udde. “Ruata sarun maola'a ratu saran mal᷊annu-l᷊annu. I Tou ataṛṛino su al᷊o'engngu tempo.

DANIEL 6:26

Wua'udde Ratu Darius nangirimmu suratta su manga taumata suassu al᷊awo'u walahanna, ṛuangannu walahanna wuṛṛu wahasa su ahewallu runia, “Tabbean paddarame!

DANIEL 6:27

I ya'u mamarenta su anambon taumata apan uatana'a su wageangngu araratuangku tadea'u mata'utta wuṛṛu mangaddatta Ruata apan sassubbanni Daniel! I Tou uddewe Ruata apan wiakka saran mal᷊annu-l᷊annu, maddatingngu pangudusannu runia i Tou uaparenta. Araratuan-Ne tawe mariaddi mate. Taṛṛino-Ne mangke tawe masue.

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.

YOEL 2:11

Tingikku Mawu nirumallu'a, nangonggollu parenta, su tantaran pangalone. Tumaniten manambo reengannu tantarane! Tumaniten matohassa tantara apan mappaamattu parenta-Ne! Mangke maata'utta wuṛṛu wahewalla Allon Mawu! Tawe saran sangkatou apan maataṛṛangnga.

MIKHA 1:4

Manga wowone nonossa su al᷊ungngu pal᷊addu ledda-Ne naal᷊ihidda lilinna sulal᷊ummu putungnga apan lukkenggamma; letangnge nal᷊alladda sinumutta watukku wawal᷊anne, naal᷊ihidda ua'e su wuidda apan mangngelekka watukku wowane.

NAHUM 1:5

Manga wowone mangngiladda su saruan-Ne; wuṛṛu wuidda lai nabbal᷊i niumolokka abbi. Napawe Mawu rumanta, runia mangngiladda, runia wuṛṛu anambon tumanangnge mangngindo.

NAHUM 1:6

Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

HABAKUK 3:10

Naasilo Si'o, manga wowone niumio'a wuassu langitta sinumossokka uranna ere nilal᷊inna. Ua'e sulal᷊ummu lete'a maddallu'a tingikke, luangnge wahahewalla wuṛṛu mabbasse.

HABAKUK 3:6

Napawe I'o mattaalla, runia umio'a; napawe I'o ma'ellega, manga walahanna mangindo. Manga wowone apan mal᷊annute mangke napapesangnga; manga wuidda apan al᷊annuanne lai nattingkawawo, ete su manga wuidda udde I'o u'amatta ro'en tempo dorone.

MALEAKHI 3:2

Arawe isai wotongnge maataṛṛangnga sutempo allon Mawu rumanta wuṛṛu maipasilon batangan-Ne? Ana waugu i Tou naal᷊ihidda mamamaresi wul᷊awanna, wuṛṛu naal᷊ihidda sabonna mabbawansalla.

MATIUS 16:16

I Simon Petrus sinumimbakka, “Ete Iamangnga Ratum Punnu Sal᷊amatta, Ana'u Ruata apan biakka.”

MATIUS 26:63

Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

TAHIUL᷊E 5:26

Apa piate taumata apan sidutu wiakka napawe naaringikka Mawu Ruata apan biakka udde mabbisara wuassu putungnga?

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

IBRANI 10:31

Asasusa eteapa amungkangu manawo su lima Ruata Apan Wiakka!

YOSUA 3:10

Amungkangu i yamiu inaite umamatta, Mawu sarun mallimbuakka taumatan Kanaan, Het, Hewi, Feris, Girgasi, Amori wuṛṛu Yebus. Wuṛṛu su tempo Wantalu Pa'aire Mawu ul᷊ilim pati'uppa tinumumbete Yordan malliu ṛoro si mangitou, i yamiu sarun maasilo manungku Mawu Ruata apan biakka, udde su pattangnganni yamiu.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

MAL᷊AṚṚUUNGNGA 5:4

Su tempo I'o manantangken Seir, oh Mawu, wuṛṛu I'o nanantangngu wageangngu leta'u Edom, runia niumio'a, manga sasal᷊ossoga su langitta lai nawu'a, wuṛṛu manga winabbawa nanossokku ua'ene.

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.