YEREMIA 1:9 - WUKE SUSI WATTI'U AL᷊AL᷊USASSA

⁹ Wua'udde Mawu nangul᷊ukku lima-Ne, wuṛṛu namita moṛṛongku see nabbisara, “Paddaringikke wuṛṛu al᷊iata'e manga wisara apan Ta'u niapasingkatta indi.

YEREMIA 1:9 Iomraidhean Croise

YESAYA 49:2

I Tou na'ola'a manga wisara'u aṛṛorone ere hal᷊ele, ringannu lima-Ne sassa i Tou mallindumma si ya'u. I Tou na'ola'a si ya'u ere anaanna apan niasa, wuṛṛu sinahipunna sulal᷊ummu lallutta tadea'u nasaddiate ipaatta.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

YESAYA 51:16

Ete i Ya'u apan namilattu langitta wuṛṛu nangaddon manga mal᷊ita'u runia. Ya'u nabbisara si Sion: Ete i'o uma-U; i Ya'u mangonggollu al᷊aṛṛa-U si'o wuṛṛu manillumma si'o ringannu taṛṛino-U.”

YESAYA 59:21

I Ya'u nakkiinnu pa'aire ringanni yamiu: I yamiu onggol᷊annu taṛṛino-U wuṛṛu al᷊aṛṛa-U saran mal᷊annu-l᷊annu. Ara'e lai ionggolla su manga anangngu tadea'u i mangitou lai wotongnge mangaṛṛa'u udde su ana'a pulunne orassa indi maddatingngu saran mal᷊annu-l᷊annu.”

YEREMIA 15:19

Mawu sinumimbakka, “Amungkangngu i'o mabbelengnga, i Ya'u sarun manarimmannu. I'o sarun maola'a allang-Ku apia. Amungkangngu i'o mabbatti'u manga inolaanna apan mahuna wuṛṛu wal᷊ine awusu, ne i'o wotongnge maola'a nabi-U apia. Manga taumata sarun dumanta apia ringannu, wuṛṛu i'o tate inai ringanni mangitou.

YEREMIA 34:6

Ne tanata Mawu udde ta'u niapasingkatta si Ratu Zedekia su Yerusalem,

YEREMIA 36:2

“Anute sambau buke lalul᷊unanna, wuṛṛu woṛṛeta'a isudde sarangkanambone apan buatte Ta'u niwisara si'o su ola'u Israel wuṛṛu Yehuda, wuṛṛu su ola'u al᷊awo'u walahanna. Woṛṛeta'e anambon wisara-U ro'en i Ya'u paarorone nabbisara si'o sutempo i Ratu Yosia uaparenta naddatingngu allo indi.

YEREMIA 5:14

Ana see Mawu Apan Lembontaṛṛino nabbisara si ya'u, “Yeremia, ana waugu manga taumata udde nabbisara aroddi, ne i mangitou sarun aṛṛiaannu asasilaka apan tumuṛṛutti mangitou tawe mariaddi. I Ya'u sarun ma'ola'a manga wisara-U ere putungnga sulal᷊ummu moṛṛongngu. Walahanna udde sarun maola'a ere anutungnga, wuṛṛu putungnga udde sarun manoṛṛobba si mangitou ma'oman sara masue.”

YEHEZKIEL 3:10

Wua'udde Ruata nabbisara, “Ei taumata apan mattate, panutukke paapia-pia wuṛṛu naungete sarangkanambone apan Ta'u iwisara si yamiu.

DANIEL 10:10

Wua'udde pia ta'iakka nangeṛṛetta si ya'u wuṛṛu i ya'u napabbangunna iapiddu sasengannu ta'iakka wuṛṛu wantiṛṛangku.

DANIEL 10:16

Wua'udde mala'ekatta apan ere lihiddu taumata udde nangul᷊ukku limane wuṛṛu nangeṛeṛetta wiwi'u. I ya'u nabbisara si tou, “Tuangku, sondappa indi naaola'a si ya'u aroddi asahadde na'oman sara i ya'u tate maal᷊ore saran kadio'a.

REENGANNA 23:5

Ana see Mawu namasingkatta si Bileam wisara apan ṛinone iwal᷊on tou, wuṛṛu nandolokki tou mabelengnga apia ringanni Balak iapapasingkattu tanatan Mawu si tou.

MATIUS 10:19

Arawe amungkangngu i yamiu iapidda parikisanna, arie suminggawangnga su ola'u apa apan isimbakki yamiu, ara'e ereapa i yamiu sarun mabbatti'a. Ana waugu apa apan sarun iwisarang kamiu udde, sarun iwal᷊o si yamiu su temponete.

MARKUS 7:33

Mawu Yesus nangapiddu taumata udde nangindau wuassu taumata nambo, see nantaṛṛon tal᷊imado-Ne sulal᷊ummu tal᷊ingan taumata udde. Wua'udde Mawu Yesus nangaddu, wuṛṛu namita lilan taumata udde.

LUKAS 12:12

Ana waugu apa apan sarun iwisaranu udde, sarun itantiron Ghaṛṛahon Ruata si'o su temponete.”

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

TAHIUL᷊E 18:16

Su tempo i yamiu uaammula su Wowon Sinai, i yamiu sinumal᷊ande tadea'u i yamiu tate lai maddaringikka Mawu Ruatanu mabbisara wuṛṛu tate lai maasilo daranta-Ne sulal᷊ummu putungnga apan lukkenggama, ana waugu i yamiu matta'uttu mate.

TAHIUL᷊E 18:17

Ana waugu Mawu nabbisara si ya'u, ‘Darorongngi mangitou udde mapia.

TAHIUL᷊E 18:18

Wuassu walahanni mangitou sassane i Ya'u sarun mandolokka inai ringanni mangitou sangkatou nabi ere lai i'o. I Ya'u sarun mamasingkatta si tou apa apan ṛinone iwisarane, ana see i tou sarun mamasingkatta su walahanna udde apa apan Ta'u nirolokka.