YEREMIA 1:16 - WUKE SUSI WATTI'U AL᷊AL᷊USASSA

¹⁶ I Ya'u sarun makkuumannu uma-U, ana waugu i mangitou na'ola'a rosa wuṛṛu tinumal᷊iudda si Ya'u. I mangitou buatte nangonggollu manga sasamba su manga mawu waine, wuṛṛu nallanginnu manga paal᷊uanna lapiddu massubba si tou.

YEREMIA 1:16 Iomraidhean Croise

2 MARARATU 22:17

I mangitou buatte nanantangku wuṛṛu nangonggolu sasamba su manga mawu waine. Sarangkanambone apan niola'i mangitou naal᷊al᷊eo naung-Ku. I Ya'u nasa'u si Yerusalem, wuṛṛu asasa'u-U tawe al᷊imbatanna.

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

2 TAWARIKH 28:2

I tou mabbiakka naal᷊ihidda manga ratun Israel wuṛṛu nandolokku taumata niapal᷊anginnu manga paal᷊uanni Baal wuassu atta'a,

2 TAWARIKH 34:25

I mangitou buatte nanantang-Ku wuṛṛu nangonggolu sasamba su manga mawu waine. Sarangkanambone apan buatte niola'i mangitou mangke naasa'u si Ya'u. I Ya'u nasa'u su Yerusalem, wuṛṛu asasa'u-U tawe umompo'a.

2 TAWARIKH 7:19

Arawe amungkangu i'o wuṛṛu tumanangngu lumawangnga manga tita wuṛṛu manga parenta-U, see lai massubba mawu waine,

YESAYA 2:8

Suapan tampa pia passasubba monganna, wuṛṛu i mangitou massubba manga paal᷊uanna apan nilanginni mangitou sassane.

YESAYA 37:19

Manga monganni mangitou lai nitutungnga wuṛṛu niṛṛimunsa'a, ana waugu atonna manga monganna udde tawe taṛṛinone. I mangitou tumba'u paal᷊uanna wuassu alu wuṛṛu manga watu apan nilanginnu taumata.

YESAYA 44:15

Sambageanganna wuassu alu udde niola'a alu paningiṛṛanna wuṛṛu pinallol᷊o roti wuṛṛu pinattapa ṛemessa, se'e i tou nal᷊aidde. I tou manningikka wuṛṛu nabbisara, “Uare, atemangngawe eteapa wuṛṛu asal᷊ihamma! Atonna mangke ma'al᷊uassa putungnga indi!” Lamben kalu udde nipa'anne ipallanginnu paal᷊uanna. I tou uaaruutta massubba udde wuṛṛu niumal᷊iomanna, “Ete i'o mawu'u, paasal᷊amata'awe i ya'u!”

YESAYA 65:3

I mangitou sidutu ma'ola'a si Ya'u massa'u ana waugu mangngonggollu sasamba su manga wawail᷊anna huna manga monganna wuṛṛu mannambunnu amania su manga mezbahne.

YEREMIA 10:15

Manga paal᷊uanna udde tawe aregane, ṛinone a'al᷊uandahanna wuṛṛu lobbosanna. Napawe nia'omante tempone i mangitou sarun mate.

YEREMIA 10:3

Addatta inanaramannu manga walahanna udde atonna-tonna tawe gunane. I mangitou mannuwangnga alu su mahurangnge, wuṛṛu mandolokku manga wasen kalu nirolokka niapamanara mallanginnu paal᷊uanna sassubbanna.

YEREMIA 11:12

Ana see taumatan Yehuda wuṛṛu tumana'u Yerusalem inaite naiontolla su manga mawu waine apan sassubbanni mangitou ringannu nangonggollu sasamba. Manga mawu tawe mapanal᷊amatta si mangitou sutempo asasilaka udde rumanta.

YEREMIA 11:17

Ete i Ya'u apan napararisikku Israel wuṛṛu Yehuda, i Ya'u, Mawu Apan Lembontaṛṛino. Arawe, orassa indi i Ya'u buatte nakkiinna mandantan asasilaka si mangitou. Ete i mangitou sassane apan naarantaran sarangkanambone udde, ana waugu i mangitou buatte na'ola'a al᷊al᷊eo, eteudde mangngonggollu sasamba si Baal na'oman sara i Ya'u nasa'u.”

YEREMIA 15:6

I yamiu buatte nanol᷊a'a wuṛṛu nanantang-Ku, ana waugu udde i Ya'u namatten lima-U ipakkimunsa'a si yamiu, ana waugu i Ya'u nawusate maṛṛaddannu asasa'u-U.

YEREMIA 16:11

Wal᷊oa'e si mangitou manungku i Ya'u nabbisara arendi, ‘Al᷊amonanu buatte nanantang-Ku inai massubba wuṛṛu mattaṛṛamawu manga mawu waine. I mangitou tuttal᷊iudda si Ya'u wuṛṛu maddiri tumuṛṛutta manga atorang-Ku.

YEREMIA 17:13

Mawu, ete I'o aantimannu Israel, uman-Nu; sarangkanambone apan nanantang-Ngu sarun masili. I mangitou sarun mawul᷊i wuassu runia indi wuṛṛu inaite watukku runian taumata nate. Ana waugu, I'o al᷊imatang kua'en pabbiaṛṛanna buatte nitantangngi mangitou, oh Mawu.

YEREMIA 18:15

Arawe uma-U buatte naabul᷊i-U, wuṛṛu mannambunnu amania su paal᷊uanna. I mangitou nitara su lal᷊anna paarorone apan ṛinone amatanni mangitou, wua'udde sinumewadda su lal᷊anna apan taambe nilaukka.

YEREMIA 19:4

Olangnge udde Ta'u olaanna ana waugu walahanna indi buatte nanantang-Ku. I mangitou nandal᷊eo tampa indi ringannu mangngonggollu sasamba su manga monganna apan awagananni mangitou, awaganannu al᷊amona mangitou wuṛṛu manga ratun Yehuda. I mangitou lai buatte nalloṛṛo tampa indi ringannu daṛṛa manga taumata apan tawe sal᷊ane.

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

YEREMIA 2:17

I'o sassane apan namonse sarangkanambone apan nariaddi su watangannu, ana sutempo i'o Ta'u ni'ehetta su amatanna, i'o tinumal᷊iudda si Ya'u, Mawu Ruatanu.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

YEREMIA 2:28

Suapate manga warahalanu apan niola'i yamiu udde? Napawe pia asasusa, doloṛṛa'e i mangitou manal᷊amatta si yamiu, amungkangngu i mangitou wotongnge! Ei Yehuda, manga mongannu anambone ere manga soanu!

YEREMIA 4:12

ewe'e anginna apan ma'ikkatta nirumanta wuassu parenta Mawu sassane ipakkuumannu uman-Ne.

YEREMIA 4:28

Runia sarun lumal᷊o, langitta ete wasa tuudda. Mawu buatte nabbisara wuṛṛu tate mamal᷊u hol᷊a-Ge. I tou buatte namutussa wuṛṛu tate sumoṛṛotta sara sangkal᷊empanga.

YEREMIA 44:17

Al᷊awo'a apan buatte pina'ireng kami, sarun olaanni yami lai. I yami sidutu sarun mangngonggollu sasamba su Ratun Surga, wuṛṛu mallal᷊innu anggore maola'a sasamba si tou ere inanaramanne apan ilallagu su manga soan Yehuda wuṛṛu su manga lal᷊annu Yerusalem apan a'olaannu al᷊amonan kami, manga ratu wuṛṛu manga tembonannu araratuanni yami see lai i yami sassane. Sutempo udde i yami uatahuanna manambo anna, i yami su lal᷊umanna'a, wuṛṛu tawe asasusa apa-apa.

YEREMIA 5:29

Arawe, i Ya'u, Mawu, sarun makkuumanni mangitou ana waugu sarangkanambone udde; i Ya'u sarun mabbal᷊issa manga inolaannu walahanna indi.

YEREMIA 5:9

Apa tawe suṛṛinone i Ya'u makkuumannu walahanna ereudde wuṛṛu mabbal᷊issa anambon inolaanni mangitou?

YEREMIA 51:17

Naasilo sarangkanambone udde naatutukke taumata, manungku i tou woddo wuṛṛu tawe passasunna. Manga mapapanden bul᷊awanna niawul᷊iannu aranne, ana waugu paal᷊uanna sassubbanna niolangnge palassu wuṛṛu tawe sasangngone.

YEREMIA 7:17

I'o buatte naasilo sassane apa apan a'olaanni mangitou su manga soan Yehuda wuṛṛu su manga lal᷊anna su Yerusalem!

YEREMIA 7:18

Manga al᷊aṛṛana'a mangngammullu alung kanna, ingana'a esakka makkunuttu putungnga, wuṛṛu ingana'a wawine mangngompengngu taponna olaanna kukisse ionggolla su monganna apan isassaggo mangitou Ratun Surga. Wuṛṛu tadea'u ipandal᷊eo naung-Ku, i mangitou lai nangonggollu anggore su manga mawu waine.

YEREMIA 7:9

I yamiu manna'o, mammate, sussandaga, mattiala awusu, mangngongollu sasamba si Baal, wuṛṛu massubba manga monganna apan awagananni yamiu.

YEHEZKIEL 16:18

Niluṛṛenu su manga paal᷊uanna laubba karawanga apan buatte Ta'u nionggolla si'o. Niolangngu sasamba si mangitou lanan zaitun wuṛṛu amania apan buatte nisengkammu wuassia-U.

YEHEZKIEL 24:14

I Ya'u, Mawu Apan Atanggaṛṛanne buatte nabbisara. Nia'omante tempone si Ya'u mammanara. I Ya'u sarun tawe maabul᷊in paddarosanu wuṛṛu tawe lai mangampungnga ara'e umakkannu. I'o sarun iṛṛuumanna uasul᷊ungngu al᷊awo'u inolaannu. I Ya'u Mawu Apan Atanggaṛṛanne buatte nabbisara.”

HOSEA 11:2

Arawe lembon Ta'u wabbagoang ana-Ku udde i tou lembon mangnginda-U lai. I tou nangapiddu sasamba wuṛṛu mannambunnu amania hunan Baal wuṛṛu manga mongana waine.

HOSEA 8:6

Sapi wul᷊awanna apan sassubbanna su Samaria udde lanna'u lima taumatan Israel! Udde wal᷊ine Ruata, wuṛṛu rinone rimunsaanna!

YOEL 2:11

Tingikku Mawu nirumallu'a, nangonggollu parenta, su tantaran pangalone. Tumaniten manambo reengannu tantarane! Tumaniten matohassa tantara apan mappaamattu parenta-Ne! Mangke maata'utta wuṛṛu wahewalla Allon Mawu! Tawe saran sangkatou apan maataṛṛangnga.

WATTI'U MANGA RASUL 7:41

See su tempo udde i mangitou nallanginnu sambau paal᷊uanna ana'u sapi, wua'udde i mangitou nangonggolu sasamba su paal᷊uanna udde wuṛṛu na'ola'a andeangnga ipassubba paal᷊uanna apan nilanginni mangitou sassane.

TAHIUL᷊E 28:20

Amungkangngu i yamiu pia pallal᷊agu lal᷊eo wuṛṛu mannol᷊a'u Mawu, i Tou sarun mandantan asasusa, pattatatiakka wuṛṛu asasahadda su al᷊awo'u inolaanni yamiu, ne su tempo apan mal᷊ihakka i yamiu pateanna abbi.

TAHIUL᷊E 31:16

Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

SONDAPPA 9:20

Arawe lambem walahannu taumata apan tawe nipate manga asasusa udde, tawe lai manantangngu lanna'u lima mangitou sassane. I mangitou tawe illol᷊one massubba manga ghaṛṛaho lal᷊eo wuṛṛu manga paal᷊uanna wul᷊awanna, sal᷊a'a, witu'a, watu wuṛṛu alu apan tawe maasilo wuṛṛu tawe maaringikka, ara'e lai maa'amatta.