YEREMIA 1:14 - WUKE SUSI WATTI'U AL᷊AL᷊USASSA

¹⁴ Mawu nabbisara, “Wuassu samba'an sawannakka asasilaka sarun lumapputta wuṛṛu maṛṛia'a su anambon tumana'u wanua indi.

YEREMIA 1:14 Iomraidhean Croise

YESAYA 14:31

Lalluaite, wuṛṛu pangintul᷊ite pa'iontolla, ei manga soan Filistin! Ṛinone i yamiu sarangkanambone maggion atata'utta! Winabbawa awu sussal᷊oi wuassu sawannakka mammasingkattu darantan seetta; tawe taumata matal᷊o suwallatti mangitou.

YESAYA 41:25

I Ya'u buatte nangal᷊oren sangkatou wuassu ra'i: i Ya'u niwaggoanna i tou iapapangalo wuassu sawannakka. Manga tembonanne sarun ṛindanna ere labbo, ere mandarunna urinna maṛṛinda leta'a maddeetta.

YEREMIA 10:22

Paddaringikke! Pia batti'a manungku sambau walahanna su sawannakka nanattakku paggahahio. Tantarane sarun ma'ola'a manga soan Yehuda mabbal᷊i mal᷊annabba wuṛṛu tawe taumatane. Manga asun ahuranganna sarun ma'imbuni poiaroddi.”

YEREMIA 11:17

Ete i Ya'u apan napararisikku Israel wuṛṛu Yehuda, i Ya'u, Mawu Apan Lembontaṛṛino. Arawe, orassa indi i Ya'u buatte nakkiinna mandantan asasilaka si mangitou. Ete i mangitou sassane apan naarantaran sarangkanambone udde, ana waugu i mangitou buatte na'ola'a al᷊al᷊eo, eteudde mangngonggollu sasamba si Baal na'oman sara i Ya'u nasa'u.”

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 31:8

Wuassu sawannakka i mangitou Ta'u niapidda apia; Ta'u nihemonna i mangitou wuassu manga pentakku runia. Taumata wuta wuṛṛu taumata lome sarun tumantalongnga ringanni mangitou, see lai wawine apan wakkute nangunsiwe wuṛṛu apan uailloṛṛo mawakkatte. I mangitou sarangkanambone sarun rumanta apia sulal᷊ummu reenganne apan manambo su wanua indi.

YEREMIA 4:6

Pantingira'e lal᷊anna watukku Sion, wuiddu Mawu, pa'asaṛṛawutte massal᷊iu, arie mal᷊annabba. Mawu tantal᷊anna mandantan asasilaka wuṛṛu ahahohakka apan bahewalla wuassu sawannakka.

YEREMIA 46:20

Mesir ere ana'u sapi matawa, arawe nisal᷊asaannu lango wahewalla wuassu sawannakka.

YEREMIA 47:2

Mawu nabbisara, “Pa'ellege, ua'e mangngelekka wuassu sawannakka wuṛṛu tinumompe'a ere sal᷊ukka apan mammanawangnga nangammon banua wuṛṛu lal᷊oṛṛone, manga soa suadio'a ringannu tumanangnge. Taumata sarun mangintul᷊i ma'iontolla wuṛṛu anambon tumana'u wanua sarun lumallu.

YEREMIA 50:41

Sambau walahanna apan matohassa tantal᷊anna u'amatta wuassu wanua apan marau su sawannakka. I mangitou nirumanta suadio'a ringannu mararatu inai mapapangalo.

YEREMIA 50:9

I Ya'u sarun mangal᷊oren anambon balahanna apan mangkatohassa wuassu sawannakka tadea'u i mangitou mamangalo Babel. I mangitou sarun mangatokku barisanna mapapangalo mando'appa Babel wuṛṛu mamaddone. I mangitou udde manga taṛṛa piti'a pande apan anaanne tawe massal᷊a.

YEREMIA 6:1

Roote tal᷊angnga, ei manga taumatan Benyamin! Tantanga'e Yerusalem! Paniuppe trompetta su Tekoa, wuṛṛu paṛṛenggama'e putungnga isaratta su Bet-Kerem! Asasilaka wuṛṛu pangalo wahewalla rumanta wuassu sawannakka.

YEREMIA 6:22

Mawu nabbisara, “Sambau araratuanna apan matohassa tantal᷊anna u'amatta wuassu wanua apan marau su sawannakka. I mangitou rumanta mapapangalo.

YEHEZKIEL 1:4

I ya'u naningngara wuṛṛu ma'ellega anginna tuttiuppa wuassu sawannakka. Sawallo ma'ilatta wuassu sambau winabbawa apan tumaniten bahewalla, wuṛṛu langitta isudde mangke masema-semakka. Sulal᷊ummu sawallo apan ma'ilatta udde niasiloanna pia sambau apan lullendappa ere witu'a.

YEHEZKIEL 24:3

I Ya'u, Mawu, pia sambau sasumandingnga iapasingkatta su uma-U apan apulune lumawangnga: Lal᷊ina'a ua'e sulal᷊ummu awali ana see wuntal᷊a'e su putungnga.

YOEL 2:20

Ammul᷊annu saṛṛappalanna wuassu sawannakka sarun Ta'u limbuaṛṛanna, sambageanganna Ta'u ul᷊uhanna watukku wadda'u anne. Watukku Tahal᷊oangnga Nate Ta'u itol᷊a'a warisanna su monane, watukku Tahal᷊oangnga Tangngane Ta'u limbuaṛṛanna warisana su liudde. Manga winal᷊unanne sarun mahal᷊uru. I mangitou Ta'u pateanna ana waugu buatte nanansara si yamiu.

ZAKARIA 6:6

Keretan pangalo apan wawol᷊engannu awal᷊o ma'itumma inai watukku Babel su sawannakka. Awal᷊o mawira watukku waṛṛatta wuṛṛu awal᷊o boṛṛenganna mattudda watukku araratuanna su timukka.”