YEHEZKIEL 9:8 - WUKE SUSI WATTI'U AL᷊AL᷊USASSA

⁸ Su al᷊annun pamamate udde, i ya'u isudde lai sassane. I ya'u niumal᷊intudda wuṛṛu sinumal᷊ande, “Mawu Apan Atanggaṛṛanne, aroddi nasa'u I'o su Yerusalem na'oman sara I'o mamatete anambon taumata apan ta'e uatana'a su Israel indi?”

YEHEZKIEL 9:8 Iomraidhean Croise

PANDARIADDI 18:23

I Abraham nangundani Mawu wuṛṛu naiwal᷊o, “Atonnate Mawu mamate taumata apan tawe sal᷊ane suadio'a ringannu taumata apan pia sal᷊ane?

1 TAWARIKH 21:16

I Daud naasilo mala'ekatta udde tuttalla'a suwallatu langitta wuṛṛu runia. Ringannu uaagassa hal᷊ele, mala'ekatta udde nasaddiate makkimunsa'a Yerusalem. Ne i Daud wuṛṛu manga matatimmadu tumanangnge, apan sutempo udde tantal᷊anna ual᷊uṛṛen laubba karongnga maola'a tatiala sussassila, niumal᷊intudda su leta'a.

EZRA 9:5

Sutempo sasamban bawallo mannattakke ia'onggolla, i ya'u dirumarisikka wuassu tampa i ya'u massusa ringannu lau'u apan nahesa'a, i ya'u niumal᷊intudda wuṛṛu nanoggokku lima'u su Mawu Ruata'u.

YEREMIA 14:13

Ana see i ya'u nabbisara, “Oh Mawu Apan Atanggaṛṛanne, I'o masingkatta manga nabi buatte nabbisara su tumanangnge manungku tate pangalo ara'e al᷊aṛṛutumma, ana waugu I'o buatte naddiandi manungku wanua indi sidutu sulal᷊ummu paddarame.”

YEREMIA 14:19

Mawu, apa Yehuda buatte nito'e-Nu atonna-tonna wuṛṛu tumana'u Sion iaarantin-Nu? Anio aroddi aikkanne I'o namuulla si yami na'oman sara i yami tate lai mapia? Tate gunane i yami maddea'a paddarame, tate gunane i yami mangngantimma aaul᷊en baddangnga, ana waugu nallambe ete tumba'u araṛṛagissa.

YEREMIA 4:10

Wua'udde i ya'u nabbisara, “Mawu Apan Atanggaṛṛanne, I'o buatte namahia taumatan Yehuda wuṛṛu tumana'u Yerusalem! I'o nabbisara manungku sarun pia paddarame, wutte'e orassa indi niawan kami su pentakku hal᷊ele.”

YEHEZKIEL 11:13

Tantal᷊anna i ya'u mammasingkattu wisara udde, inaṛṛombanganne i Pelaca nema'a see mate. Ne niumal᷊intuddate wuṛṛu sinumal᷊ande, “Uare Mawu Apan Atanggaṛṛanne! Apa Israel lambene indi sarun patean-U?”

YEHEZKIEL 4:14

Arawe i ya'u sinumimbakka, “Uare Mawu Apan Atanggaṛṛanne! Ro'en ta'e addio'a naddatingngu orassa indi, taambe saran paassa nalluhudda wadangku ringannu anna wuassu binatangnga nate ara'e anna lamben winatangnga mal᷊aṛṛaga. Taambe saran paassa niumanna anna apan ipappalli.”

YEHEZKIEL 7:8

Tate mal᷊annu lai i yamiu sarun mamendamma asasa'u-U apan bahewalla. I yamiu Ta'u iṛṛuumanna uasul᷊ungngu inolaannu. Sarun Ta'u wal᷊isanna si'o al᷊awo'u inolaannu apan maarantinna.

REENGANNA 14:5

Ana see i Musa wuṛṛu i Harun niumal᷊intudda su saruannu awadaalla.

REENGANNA 16:4

Naaringikka udde, i Musa niumal᷊intudda su leta'a wuṛṛu niumal᷊iomanna su Mawu.

REENGANNA 16:45

“Soṛṛotte wuassu manga taumata udde. I Ya'u sarun mamate si mangitou su tampa indi lai!” Itarua niumal᷊intudda nassubba,

TAHIUL᷊E 9:18

Ana see paassa lai ya'u niumal᷊intudda su saruannu Mawu su puiddu wowone al᷊annune appatu pul᷊o su allone wuṛṛu appatu pul᷊o su ṛabbine, tawe umanna ara'e ma'inumma. Udde ta'u niola'a ana waugu i yamiu buatte na'ola'a rosa su saruannu Mawu ringannu na'ola'a al᷊al᷊eo, na'omana sara i Tou nasa'u.

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.