YEHEZKIEL 9:4 - WUKE SUSI WATTI'U AL᷊AL᷊USASSA

⁴ “Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

YEHEZKIEL 9:4 Iomraidhean Croise

PANDARIADDI 4:15

Arawe Mawu nabbisara, “Tawe. Amungkangngu i'o pateanna, ne maola'a wawal᷊inne, siri pitu nasutta lai iapa namate si'o udde sarun pateanna lai.” Wua'udde Mawu naniala si Kain tadea'u isai-sai apan massombane tawe mamate si tou.

2 MARARATU 22:13

“Roote paiwal᷊o Mawu su ereapa i ya'u wuṛṛu anambon tumana'u Yehuda su ola'u lal᷊oṛṛon buke indi. Mawu nasa'u si ite ana waugu al᷊amonan kite tawe mapaamattu manga parenta apan uawoṛṛetta sulal᷊umme.”

DARALO 119:136

Allommata'u mangngelekka ere sal᷊ukka, ana waugu tita-Nu tawe tuṛṛutanna.

DARALO 119:53

I ya'u tumaniten massa'u su taumata lal᷊eo, ana waugu i mangitou nanantangu tita-Nu.

SASABANGNGA 12:13

Daṛṛa su ngaran bal᷊enu sarun maola'a tiala wuassu manga wal᷊en atatanaannu. Amungkangngu i Ya'u maasilo daṛṛa udde, i yamiu Ta'u sabbianna wuṛṛu tawe pateanna su tempo i Ya'u makkuumannu Mesir.

SASABANGNGA 12:23

Su tempo Mawu mamal᷊intaddu wanua indi mamate manga taumata Mesir, Mawu sarun ma'elega daṛṛa su sal᷊aba'u wuṛṛu su pua ngaran bal᷊enu; ne i Tou sarun sumabbi wuṛṛu tawe mamalan Mala'ekattu Papate sumutta su wal᷊enu wuṛṛu mamate si yamiu.

SASABANGNGA 12:7

Daṛṛane addio'a wuṛṛa'a su darua diṛṛi ngara wuṛṛu su pua ngaran bal᷊e su tampa i mangitou u'inassa.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

YEHEZKIEL 21:6

Ei taumata apan mattate, sassal᷊iomante wuṛṛu pa'uarete su saruannu manga taumatan Israel, ereola'u i'o massusa wuṛṛu tawe antimma.

YEHEZKIEL 6:11

Mawu Apan Atanggaṛṛanne nabbisara, “Asusate! Lallal᷊ote! Lalluaite ringannu asasusa ana waugu al᷊awo'u al᷊al᷊eo wuṛṛu ararantinna apan buatte niola'u walahannu Israel. I mangitou sarun mate su pangalo, al᷊aṛṛutumma wuṛṛu ṛiwutta.

YEHEZKIEL 9:5

I ya'u naaringikka Ruata nabbisara su manga taumata waine, “Tantalonge i tou su al᷊awo'u pappi'uannu soa wuṛṛu patete suapan taumata ringannu tawe ampungne.

YEHEZKIEL 9:6

Patete anambon taumata esakka wuṛṛu wawine, timmade wuṛṛu dario'a, hagurangnge wuṛṛu al᷊aṛṛanangnge. Arawe arie waṛṛani mangeṛṛetta sangkatou apan pia tatiala su pakkanne. Panattakke wua isindi, wuassu Wal᷊e-U indi.” Ne i mangitou nanatakke manara mangitou ringannu mammate manga piaṛṛa'u Israel apan tantal᷊anna uarisikka su Wal᷊en Mawu.

AMOS 6:6

I yamiu ma'inumma anggore wuassu halasi apan nilal᷊inanna napene, wuṛṛu i yamiu mappaattu lana mawangngi apan apianne, arawe i yamiu mappaattu lana mawangngi apan apianne, arawe i yamiu tawe masusa naungnge su ola'u ola'u araṛimunsa'u Israel.

ZEFANYA 1:12

Sutempo udde i Ya'u sarun manganu sasol᷊oanna, wuṛṛu mamarikissa Yerusalem. Sarun Ta'u iṛṛuumanna tumanangnge apan uapapadua udde see apan mammungan batanganne sassane, wuṛṛu apan maṛṛingidda manungku i Ya'u, Mawu tawe mammanara arendi ara'e aroddi.

ZEFANYA 3:18

Naal᷊ihidda taumata apan tantal᷊anna maandeangnga.” Unnu Mawu, “Asasilaka apan maṛṛia'a si yamiu Ta'u iapaarau. Paasiangngu buatte Ta'u nipapassa.

MALEAKHI 3:16

Ana see manga taumata apan matta'uttu Mawu uahahatto sangkatou ringannu sangkatou. Mawu maddaringikka wuṛṛu mannutukka apa apan iwabbisaran mangitou. Manga taumata apan mangngaddatta si Tou wuṛṛu matta'utti Tou, aranne iwoṛṛetta sulal᷊ummu buken pamoṛṛetanna su saruan-Ne.

2 KORINTUS 1:22

Ana waugu udde Ruata suete nanga'u si ite maola'a pussa'a-Ne wuṛṛu mangonggolu Ghaṛṛaho-Ne sulal᷊ummu naungngi ite, apan maola'a sambau wataṛṛu manungku i Tou sarun mangonggolu si ite sarangkanambone apan suete pina'iren Tou.

2 KORINTUS 12:21

I ya'u mata'utta amungkangngu su tempo i ya'u rumanta Ruata sarun mapaawawo'u su saruanni yamiu wuṛṛu i ya'u sarun lumuai ana waugu manambo su wallatti yamiu dorone marosa, tawe mawal᷊u, wuṛṛu tawe mangillol᷊o ma'ola'a manga inolaanni mangitou apan sussandaga, nagal᷊imutanna wuṛṛu tawe su ṛinone.

GALATIA 6:17

Wua'udde, arie pia sangkatou lai mapaasusa'u lai, ana waugu su wadangku pia manga tatiala manungku i ya'u mallal᷊aṛṛenggennu Mawu Yesus.

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

SONDAPPA 14:1

Wua'udde i ya'u naasilo, see niasiloanna Ana'u Domba udde uarisikka su wowon Wuiddu Sion. Suadio'a ringanni Tou pia 144.000 su atoune taumata apan su pakkanu sangkatou-sangkatou uawoṛṛetta aran-Ne wuṛṛu arannu Mawu Iamang-Nge.

SONDAPPA 20:4

See i ya'u naasilo manga adderan araratuanna, wuṛṛu manga taumata apan ua'ianna su manga adderan araratuanna udde inonggol᷊annu taṛṛino ipangema'u ṛuumanna. I ya'u lai naasilo manga ṛimuuddu taumata apan suete niponggo'a puane ana waugu i mangitou mattiala su ola'u Mawu Yesus, wuṛṛu mammasingkatu tanata Ruata. Manga taumata udde tawe massubba winatangnga, ara'e lai paal᷊uanne. I mangitou lai tawe saran paassa nanengkama tatiala manga winatangnga udde su pakkana ara'e su lima mangitou. Ne i mangitou nabbiakka apia wuṛṛu namarenta ere sangkatou ratu suadio'a ringanni Kristus saṛṛiwu su tonnane al᷊annune.

SONDAPPA 9:4

I mangitou isassingadda umanna nannal᷊o, ara'e aaluanna ara'e manga sinuananna waine. I mangitou tumba'u wotongnge mangenggena manga taumata apan su pakkane tawe segele wuassu Ruata.