YEHEZKIEL 8:17 - WUKE SUSI WATTI'U AL᷊AL᷊USASSA

¹⁷ Mawu nabbisara si ya'u, “Ei taumata apan mattate, i'o maasilo udde? Manga taumatan Yehuda indi tawe mawusa amungkangngu tumba'u ma'ola'a manga inolaanna apan maarantinna udde wuṛṛu ma'ola'a pallal᷊agu apan tawe umakkannu sansul᷊ungnga taumata su ahewallu wanua. I mangitou ewe'e lai ma'ola'a sarangkanambone udde isindi, sulal᷊ummu Wal᷊e-U wuṛṛu naaola'a i Ya'u lembon nasa'u lai. Pa'ellege ereapa i mangitou mallobbossa si Ya'u ringannu olangnge apan al᷊al᷊eone indi!

YEHEZKIEL 8:17 Iomraidhean Croise

PANDARIADDI 6:11

Arawe anambon taumata waine lal᷊eo su aellegu Ruata, wuṛṛu araṛṛagissa mariaddi su al᷊awo'u tampa.

PANDARIADDI 6:13

Ana see Ruata nabbisarate si Nuh, “I ya'u buatte nakkawessa manginsue wiakku al᷊awou'u riadianna. I ya'u sarun mamate si mangitou suadio'a ringannu runia, ana waugu runia napeneten araṛṛagissi mangitou.

2 MARARATU 21:16

Wal᷊ine lai wuassu taumatan Yehuda na'ola'a rosa su Mawu ringannu massubba paal᷊uanna, i Manasye namate lai manambo taumata apan tawe sal᷊ane na'oman sara daṛṛa nangelekka su al᷊awo'u tampa su Yerusalem.

2 MARARATU 24:4

nangillembo lai ana waugu anambon pamamate apan niolangnge su saruannu manga taumata apan tawe sal᷊ane. Mawu maddiri mangampunga si Manasye ana waugu inolaane udde.

YEREMIA 19:4

Olangnge udde Ta'u olaanna ana waugu walahanna indi buatte nanantang-Ku. I mangitou nandal᷊eo tampa indi ringannu mangngonggollu sasamba su manga monganna apan awagananni mangitou, awaganannu al᷊amona mangitou wuṛṛu manga ratun Yehuda. I mangitou lai buatte nalloṛṛo tampa indi ringannu daṛṛa manga taumata apan tawe sal᷊ane.

YEREMIA 20:8

Suapan i ya'u mabbisara, i ya'u ṛinone mangintul᷊i ma'ikka-ikkatta, “Araṛṛagissa! Asasilaka!” Mawu, i ya'u haggeloanna wuṛṛu lallobbosanna suapan tempo, ana waugu mammasingkattu tanata-Nu.

YEREMIA 44:3

Olangnge udde nariaddi ana waugu tumanangnge marosa, na'oman sara i Ya'u nasa'u. I mangitou mangngonggollu sasamba wuṛṛu mattaṛṛamawu su manga monganna apan taambe saran paassa sassubbanni mangitou sassane, i yamiu ara'e al᷊amonanu.

YEREMIA 6:7

Su ereapa al᷊imatan kua'e mappasabbangngu ua'e mapia, aroddi lai soa udde sidutu mappasabbangngu al᷊al᷊eo. Tumba'u watti'u araṛṛagissa wuṛṛu pallaṛṛampassa apan Ta'u niaringiṛṛanna waussu soa udde; lessa wuṛṛu radda'a Ta'u niasiloanna su al᷊awo'u tampa.

LAL᷊ALLU 1:5

Manga seenne lullala'a ana waugu napamarenta si mangitou. Mawu na'ola'a i tou uatataṛṛangnga, ana waugu tumaniten manambo rosane. Tumanangnge buatte nitawanna, wuṛṛu niapidda su pamuanganna.

YEHEZKIEL 11:6

Aroddi anambone taumata apan buatte nipaten kamiu, na'oman sara manga lal᷊annu soa napenen winal᷊unanna.

YEHEZKIEL 16:26

Mesir, al᷊indongannu apan bahewalla apulune udde, buatte niringanannu mattiilla. I'o mattatudda sussandaga tadea'u i Ya'u masa'u.

YEHEZKIEL 18:12

I tou apulune mallinga taumata asiangnga, mangngaṛṛo, mangnganu saranapa wataṛṛun taumata apan nabballassa si tou. I tou inaite su manga kuillu taumata apan tawe maaillal᷊a Mawu wuṛṛu massubba paal᷊uanna apan ma'arantinna.

YEHEZKIEL 23:25

Ana waugu i Ya'u nasa'u si'o, Ta'u niwala i mangitou ma'ola'a si'o ringannu maṛṛagissa. Ngirunna wuṛṛu tal᷊inganu sarun ponggo'anni mangitou wuṛṛu manga anangngu sarun anuanna wuṛṛu itambunna ta'e wiakka.

YEHEZKIEL 28:16

I'o tawe atanaanne mabbal᷊u'a, wuṛṛu eteudde apan nangapiddu watukku araṛṛagissa wuṛṛu rosa. Ne i'o Ta'u nilimbuaṛṛanna wuassu wowone-U apan na'ukkassa, wuṛṛu mala'ekatta uariaga si'o nallimbuakka si'o wuassu pattangngannu permata apan lullendappa udde.

YEHEZKIEL 45:9

Mawu Apan Atanggaṛṛanne nabbisara, “Natimute manga rosanu, ei manga tembonannu Israel! Iloloa'e inolaanu apan walate apulunu mannansara tumana'u soa udde. Pammanarate ringannu mapia wuṛṛu matul᷊idda. Saran paassa ariete i yamiu mallimbuakka uma-U apia wuassu leta'i mangitou. Ia'i, Mawu Apan Atanggaṛṛanne mammarenta udde si'o.

YEHEZKIEL 7:11

Araṛṛagissa pangillul᷊eanne mannamba al᷊al᷊eo. Anambon paa'ala, awawantuga wuṛṛu atatelengngi mangitou sarun masue tawe lannangnge.

YEHEZKIEL 7:23

Ahewallu wanua nabbal᷊i nassongkakka; suapan tampa pia pamamate wuṛṛu araṛṛagissa.

YEHEZKIEL 8:6

Ruata nabbisara si ya'u, “Ei taumata apan mattate, i'o maasilo apa apan tantal᷊anna nariaddi? Panutukke manga inolaanna apan maarantinna apan niola'u taumatan Israel, apan mapaarau-U wuassu Wal᷊e-U! Wette, sarun Ta'u ita'e si'o manga inolaanna apan lembon maarantinna lai.”

YEHEZKIEL 9:9

Ruata sinumimbakka, “Manga taumatan Israel wuṛṛu Yehuda buatte na'ola'a rosa apan bahewalla. I mangitou na'ola'a pamamate su al᷊awo'u tampa, wuṛṛu Yerusalem nikotorannu al᷊al᷊eo. I mangitou mabbisara manungku i Ya'u, Mawu, buatte nanantangngu wanua indi na'oman sara tate maasilo inolaanni mangitou.

AMOS 3:10

Mawu nabbisara, “Manga taumata udde nalloṛṛo manga wal᷊en araratuanni mangitou ringannu manga saranapa apan nisombanganni mangitou wuassu pangangalangnga wuṛṛu araṛṛagissa. Ewe'e lai manga inolaanni mangitou tawe matul᷊idda.

AMOS 6:3

I yamiu mangke mangngimanna manungku allon asasilaka ta'e marau, arawe manga inolaannu tumba'u mapaal᷊ihakku darantane allon araṛṛagissa udde.

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

MIKHA 6:12

Manga taumata ala su soanu mangngallangnga taumata asiangnga, wuṛṛu sarangkanambone taṛṛa awusu.

ZEFANYA 1:9

I Ya'u sarun makkuumannu anambon taumata apan mattaṛṛamawu ere taumata apan tawe maailal᷊a si Ya'u, wuṛṛu apan nanna'o see mammate tadea'u malloṛṛo wal᷊en mawune ringannu manga saranapa apan niaṛṛo.”