YEHEZKIEL 8:16 - WUKE SUSI WATTI'U AL᷊AL᷊USASSA

¹⁶ I ya'u niapid-De watukku rallakka sulal᷊ummu Wal᷊en Mawu. Marani ngara sasuttanna watukku wabbo'a susi, suwallattu mezbah wuṛṛu lal᷊anna, pia duan pul᷊o l᷊ima su atoune taumata. I mangitou uatal᷊iudda wabbo'a na'ukkassa, wuṛṛu ual᷊intudda watukku ra'i massubba matannallo sumabbangnga.

YEHEZKIEL 8:16 Iomraidhean Croise

1 MARARATU 8:29

Antimanna allo ṛabbi I'o ual᷊u'adda wal᷊en indi apan buatte nipile-Nu maola'a tampa patataṛṛamawuanna Si'o. Antimanna wuassu tampa atatanaan-Nu su surga I'o maddaringikka wuṛṛu mangampungnga si ya'u see lai uman-Nu napawe yami sumaruanna wal᷊en indi wuṛṛu umal᷊iomanna Si'o.

2 MARARATU 16:14

I Ahas naasilo manungku mezbah witu'a apan niṛṛae su Mawu udde addone suwallatu Wal᷊en Mawu wuṛṛu mezbane apan wakku. Ana waugu udde mezbah witu'a udde niingkatta wuassu saruannu Wal᷊en Mawu su samba'a sawannakku mezbane apan wakku udde.

2 MARARATU 21:5

Su ruam ba'a wuassu rallaku Wal᷊en Mawu i tou napararisikku manga mezbah tampa pasasubbanna manga anumpitanna.

2 MARARATU 23:11

Anambon awal᷊o apan niṛṛaen manga ratun Yehuda ipassubba matannallo niramme, wuṛṛu manga kereta apan ipappaatta sulal᷊ummu pasasubba udde tinutunga. (Manga kereta udde uaraddo su rallaku Wal᷊en Mawu – maranin pasallanganna – tawe marau wuassu wabbo'a atatanaanni Natan Melekh, sangkatou mammamanaran araratuanna atanggaṛṛanne.)

2 MARARATU 23:5

I tou napaillol᷊o manga imam apan buatte nilenegu manga ratun Yehuda, mammanara sutampa pasasaubbanna monganna su manga soan Yehuda wuṛṛu maranin Yerusalem; ana see lai manga imam apan mangngonggolu sasamba si Baal, su matannallo, su wul᷊anna, su planet wuṛṛu su manga anumpitanna.

2 TAWARIKH 29:6

Al᷊amonan kite mal᷊awangnga Mawu Ruatan kite wuṛṛu inolaanni mangitou tawe maal᷊uassa naungngu Mawu. I mangitou tawe maddaringikka si Tou wuṛṛu tawe manaile tampa atatanaan-Ne.

2 TAWARIKH 7:7

Ana see rallakka su wageangngu tangngane apan uasasaruannu wal᷊en patataṛṛamawuanna udde nitantilli Salomo su Mawu. Wua'udde i tou nangonggolu sasamba itattambunna isudde, sasamba gandumma wuṛṛu tawan binatangnga maola'a sasamban paddarame. Sarangkanambone udde nionggoli tou isudde ana waugu mezbah witu'a apan buatte niolangnge tawe pa'ionannu anambon sasamba udde.

YEREMIA 2:27

I yamiu sarun pansilianna, ana waugu alu sampaddi waggoanni i yamiu iamangnga wuṛṛu watu sambau waggoanni yamiu inangnga. I yamiu wal᷊inewe rumanta ringang-Ku, ewe'e nanantang-Ku. Arawe napawe nirumanta asasusa, ete i Ya'u apan waggoanni yamiu tadea'u rumanta manal᷊amatta si yamiu.

YEREMIA 32:33

I mangitou buatte nanantang-Ku salaiwe I Ya'u sidutu mangngenggenna si mangitou, i mangitou maddiri maddaringikka wuṛṛu mangimanna.

YEREMIA 44:17

Al᷊awo'a apan buatte pina'ireng kami, sarun olaanni yami lai. I yami sidutu sarun mangngonggollu sasamba su Ratun Surga, wuṛṛu mallal᷊innu anggore maola'a sasamba si tou ere inanaramanne apan ilallagu su manga soan Yehuda wuṛṛu su manga lal᷊annu Yerusalem apan a'olaannu al᷊amonan kami, manga ratu wuṛṛu manga tembonannu araratuanni yami see lai i yami sassane. Sutempo udde i yami uatahuanna manambo anna, i yami su lal᷊umanna'a, wuṛṛu tawe asasusa apa-apa.

YEREMIA 7:18

Manga al᷊aṛṛana'a mangngammullu alung kanna, ingana'a esakka makkunuttu putungnga, wuṛṛu ingana'a wawine mangngompengngu taponna olaanna kukisse ionggolla su monganna apan isassaggo mangitou Ratun Surga. Wuṛṛu tadea'u ipandal᷊eo naung-Ku, i mangitou lai nangonggollu anggore su manga mawu waine.

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

YEHEZKIEL 10:3

Sutempo i tou sinumutta, manga mala'ekatta udde tantal᷊anna uarisikka su samba'an timukku Wal᷊en Mawu. Ammul᷊annu winabbawa namene rallakka sulal᷊umme wuṛṛu su ahewallu Wal᷊en Mawu.

YEHEZKIEL 11:1

Ana see i ya'u niwengkettu Ghaṛṛahon Duata wuṛṛu niapidda su ngara samba'an Ra'i su Wal᷊en Mawu. Isudde i ya'u naasilo 25 su atoune, suwallatti mangitou pia ruan katou piaṛṛa'u walahanna, eteudde Yaazanya ana'i Azur wuṛṛu Pelaca ana'i Benaya.

YEHEZKIEL 23:35

Mawu Apan Atanggaṛṛanne nabbisara, “Ana waugu i'o na'abbul᷊ite si Ya'u wuṛṛu tinumal᷊iudda si Ya'u, i'o sarun matataṛṛangnga pangillul᷊eannu apulun badangngu wuṛṛu sasandagu.”

YEHEZKIEL 23:39

Sutempo itarua namate manga ana-U wuṛṛu nangonggolla su manga monganna, itarua taṛṛa tuari udde nirumanta su Wal᷊e-U wuṛṛu nalluhudda!

YEHEZKIEL 40:28

Wua'udde esakka udde nangapi'u niumamattu ngara wahewalla sinumutta su rallakku lal᷊umme. I tou nanguukka suttanna samba'a timukka udde, wuṛṛu uuṛṛanne uasul᷊ungngu manga suttanna su samba'a liudde.

YEHEZKIEL 40:6

Wua'udde i tou inaite watukku ngara apan uasaruanna samba'an ra'i. I tou nirumanganna su tuadde wuṛṛu napawe rosote, i tou nanguukka pua ngara udde, al᷊alakke tallu metere.

YEHEZKIEL 43:5

Ghaṛṛaho Mawu namengketta si ya'u wuṛṛu nangapi'u watukku rallakku lal᷊umme; iasudde i ya'u naasilo Wal᷊e Mawu aoosanna semakku daranta Mawu.

YEHEZKIEL 43:8

Dorone manga ratu mangitou ma'ola'a manga pua ngara wuṛṛu manga diṛṛi ngaran bal᷊en araratuanni mangitou su liuddu manga pua ngara wuṛṛu manga diṛṛin Bal᷊e-U, na'oman sara tumba'u pia samba'u darandunga su wallanne. I mangitou buatte nandal᷊eo arang-Ku apan na'ukkassa ringannu manga inolaanni mangitou apan maarantinna. Ana waugu udde i mangitou Ta'u nipate sulal᷊ummu asasa'u-U.

YEHEZKIEL 45:19

Imam ṛinone manganu daṛṛa wuassu sasamba papappassa rosa udde, ana see iapu su manga diṛṛi ngaran Bal᷊e-U, wuṛṛu lai su manga ngara pasallanganna apan mattudda watukku rallakku lal᷊umme.

YEHEZKIEL 46:1

Mawu Apan Atanggaṛṛanne nabbisara, “Ngara pasallangannu ra'i apan mabbatukku rallakku lal᷊umme ṛinone sidutu uaṛṛuuda al᷊annune annummu allo mammanara. Sasuttanna udde tumba'u wotongnge wu'anna su allon Sabat wuṛṛu Ramean Bulanna Wakku.

YEHEZKIEL 7:23

Ahewallu wanua nabbal᷊i nassongkakka; suapan tampa pia pamamate wuṛṛu araṛṛagissa.

YEHEZKIEL 8:15

Mawu naiwal᷊o si ya'u, “Ei taumata apan mattate, i'o naasilo olangnge udde? Ta'e manambo lai apan lembon maarantinna.”

YOEL 2:17

Doloṛṛa'e manga imam apan mangimbe Mawu, lummuai suwallattu mezbah wuṛṛu panumbal᷊e su saruanne, lapiddu mabbisara, “Akkanaawe uman-Nu, oh Mawu; arie pabbala'a pussa'a-Nu mabbal᷊i pia angngone,” ma'oman sara manga walahanna waine mammasendekka wuṛṛu mabbisara, “Suapa Ruatan mangitou?”

TAHIUL᷊E 17:3

wuṛṛu parenta-Ne ringannu massubba wuṛṛu massuṛṛubawa su manga Mawu waine ara'e su matannallo, wul᷊anna ara'e manga anumpitanna,

TAHIUL᷊E 4:19

Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.