YEHEZKIEL 7:8 - WUKE SUSI WATTI'U AL᷊AL᷊USASSA

⁸ Tate mal᷊annu lai i yamiu sarun mamendamma asasa'u-U apan bahewalla. I yamiu Ta'u iṛṛuumanna uasul᷊ungngu inolaannu. Sarun Ta'u wal᷊isanna si'o al᷊awo'u inolaannu apan maarantinna.

YEHEZKIEL 7:8 Iomraidhean Croise

2 TAWARIKH 34:21

“I yamiu roote paiwal᷊o Mawu, su ola'u i ya'u wuṛṛu manga taumata apan ta'e uatana'a su Israel wuṛṛu Yehuda su ola'u lal᷊oṛṛon buke indi. Mawu nasa'u si ite ana waugu al᷊amonan kite tawe napaamattu manga parenta apan uawoṛṛetta sulal᷊umme.”

DARALO 79:6

Sabbanga'e asasa'u-Nu su manga walahanna apan tawe maaillal᷊a Si'o wuṛṛu su manga araratuanna apan tawe mattaṛṛamawu Si'o.

YESAYA 42:25

Ne i Tou na'ola'a si ite maapendamma asasa'u-Ne apan bahewalla, wuṛṛu uatataṛṛangnga susa ana waugu pangalo apan masaddatta. Asasa'u-Ne mannoṛṛobba su Israel naal᷊ihidda putungnga, arawe i ite tawe maatutukka, wuṛṛu tawe mapangurumma wuassu ola'u pabbiaṛṛanni ite.

YEREMIA 36:31

I'o, papapulunnu, wuṛṛu manga tembonannu sarun Ta'u iṛṛuumanna ana waugu manga rosa apan niola'i yamiu. I Ya'u sarun mandanta si yamiu asasilaka apan Ta'u maria'a yamiu, ana waugu mawae i'o aroddi lai tumana'u Yerusalem tawe manutukka manga wawansa-U.”

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

LAL᷊ALLU 2:17

Mawu buatte napaamattu wawansa-Nge apan dorone niṛṛiinna wuṛṛu niapanaung-Nge si ite. I ite niṛṛimunsa-Ne ringannu tawe aakkanna, seetta nionggol᷊an-Ne auntunganna. I Tou na'ola'a si mangitou lulluassa naasilo ananawon kite.

LAL᷊ALLU 2:4

Naal᷊ihidda seetta, i Tou nangannatta darangean-Ne wuṛṛu nantarangngu anaan-Ne si ite. Anambon taumata apan maal᷊uassa naungngi ite, nasue nipate-Ne. I Tou nanossokku asasa'u-Ne ere putungnga sulal᷊ummu soa Yerusalem indi.

LAL᷊ALLU 4:11

Mawu napasabbangngu asasa'u-Ne wuṛṛu nanoṛṛobba Soa Sion na'oman sara naddatakku leta'a.

YEHEZKIEL 11:21

Arawe manga taumata apan apulune massubba manga paal᷊uanna apan lal᷊eo wuṛṛu maarantinna sarun Ta'u iṛṛuumanna ana waugu pallal᷊agu mangitou lal᷊eo udde.” Etearoddi wisara Mawu Apan Atanggaṛṛanne.

YEHEZKIEL 14:19

Wotongnge mariaddi i Ya'u mandantan ṛiwutta su wanua udde, wuṛṛu Ta'u iapasabbangnga asasa'u-U su saruanne ma'oman sara mawae taumata aroddi lai winatangnga sarun mate.

YEHEZKIEL 16:43

I Ya'u nakkuumannu ana waugu i'o tawe mannaungnga ereapa i Ya'u namaddul᷊i si'o sutempo i'o ta'e addio'a. I'o na'ola'a si Ya'u nasa'u ringannu al᷊awo'u inolaanna apan dal᷊eo udde. Anio al᷊awo'u inolaannu apan maarantinna udde ta'e lai tattambannu ringannu sussandaga? I Ya'u Mawu Apan Atanggaṛṛanne buatte nabbisara.”

YEHEZKIEL 16:59

Mawu Apan Atanggaṛṛanne nabbisara, “I'o sarun Ta'u iṛṛuumanna uasul᷊ungngu inolaannu, ana waugu i'o buatte nassinaadu sasalunu see nilumawangnga pa'aire-U si'o.

YEHEZKIEL 18:30

Mawu Apan Atanggaṛṛanne nabbisara, “Ei manga taumatan Israel, i Ya'u sarun makkuungngu suapan taumata uasul᷊ungngu inolaanne. Awal᷊ute wuassu manga rosanu. Arie pabbala'a rosanu makkimunsa'a watangannu.

YEHEZKIEL 20:13

Arawe su wadda'u anne udde, i mangitou nilumawangnga manga parenta-U, wuṛṛu nanol᷊a'u manga tita-U apan maola'a wataṛṛu manungku taumata apan matuṛṛuta sidutu wiakka. I mangitou tumanite nanggal᷊usa'a allon Sabat. Ana waugu udde, su wadda'u anne udde i Ya'u nasaddiate mamallossu asasa'u-U su saruanni mangitou wuṛṛu mamate si mangitou.

YEHEZKIEL 20:21

Arawe ingana'a saṛṛen tumuwo udde mal᷊awangnga si Ya'u. I mangitou lullawangnga manga tita-U wuṛṛu tawe maddaringikka manga parenta-U, apan maola'a wataṛṛu manungku taumata apan tuttuṛṛuta udde sidutu wiakka. I mangitou manggal᷊usa'a allon Sabat. Ana waugu udde i Ya'u nasaddiate mamallossu asasa'u-U su saruanni mangitou su wadda'u anne udde wuṛṛu mamate si mangitou sarangkanambone.

YEHEZKIEL 20:33

“Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu Ta'u iapanaungnga manungku ana waugu asasa'u-U, i yamiu sarun parentang-Ku ringannu maṛṛagissa wuṛṛu matotogga ma'oman sara i yamiu maasingkatta taṛṛino-U. I yamiu apan buatte Ta'u nisal᷊iawukka.

YEHEZKIEL 20:8

Arawe i mangitou lullawangnga si Ya'u wuṛṛu maddiri maddaringikka si Ya'u. I mangitou maddiri manddamme manga paal᷊uanna apan maarantinna udde wuṛṛu lai maddiri mangillol᷊o massubba manga paal᷊uanna wuassu Mesir. Sutempo i mangitou ta'e poiaroddi, i Ya'u nasaddiate mapasabbangngu asasa'u-U si mangitou.

YEHEZKIEL 22:31

Ana waugu udde orassa indi Ta'u iapassabangnga asasa'u-Ku su saruanni mangitou, wuṛṛu naal᷊ihidda putungnga i Ya'u sarun mamate si mangitou ana waugu al᷊awo'u inolaanni mangitou. I Ya'u Mawu Apan Atanggaṛṛanne buatte nabbisara.”

YEHEZKIEL 24:14

I Ya'u, Mawu Apan Atanggaṛṛanne buatte nabbisara. Nia'omante tempone si Ya'u mammanara. I Ya'u sarun tawe maabul᷊in paddarosanu wuṛṛu tawe lai mangampungnga ara'e umakkannu. I'o sarun iṛṛuumanna uasul᷊ungngu al᷊awo'u inolaannu. I Ya'u Mawu Apan Atanggaṛṛanne buatte nabbisara.”

YEHEZKIEL 30:15

wuṛṛu paa'alane sarun Ta'u ṛimunsaanna. I Ya'u sarun mamallossu asasa'u-U si Pelusium, soa apan nabbal᷊i tanda batu Mesir,

YEHEZKIEL 33:20

Salaiwe aroddi walahannu Israel mabbisara manungku inolaang-Ku tawe matul᷊idda. Atonna, i Ya'u sarun makkuungngi mangitou sambau-sambau tumuṛṛuttu inolaanne.”

YEHEZKIEL 6:12

I mangitou sarangkanambone sarun maapendamma asasa'u-U somopa. Manga taumata apan marau su pamuanganna sarun rumada'a lapiddu nate; iapa marani sarun nate sulal᷊ummu pangalo, wuṛṛu lambene sarun nate amal᷊unusanna.

YEHEZKIEL 7:27

Ratu sarun lumuai, parisin datu massusate wuṛṛu tumana'u soa mangngindon atata'utta. I Ya'u sarun makkuumanni yamiu uasul᷊ungngu al᷊awo'u inolaannu wuṛṛu makkuungngi yamiu ere lai i yamiu makkuungnga taumata waine. Ne i yamiu masingkatte manungku ete i Ya'u Mawu.”

YEHEZKIEL 7:9

I Ya'u tawe umakkanna ara'e mangonggollu ampungnga si'o. I Ya'u sarun makkuumanni yamiu uasul᷊ungngu al᷊awo'u al᷊al᷊eo apan buatte niola'i yamiu. Ne i yamiu masingkatte manungku ete i Ya'u Mawu wuṛṛu ete i Ya'u apan makkuumanni yamiu.”

YEHEZKIEL 9:10

I ya'u tate umakkanni mangitou. Sarun Ta'u olaanna si mangitou apa apan niola'i mangitou su taumata waine.”

YEHEZKIEL 9:8

Su al᷊annun pamamate udde, i ya'u isudde lai sassane. I ya'u niumal᷊intudda wuṛṛu sinumal᷊ande, “Mawu Apan Atanggaṛṛanne, aroddi nasa'u I'o su Yerusalem na'oman sara I'o mamatete anambon taumata apan ta'e uatana'a su Israel indi?”

DANIEL 9:11

Ahewallu Israel buatte nilumawangnga manga tita-Nu wuṛṛu maddiri maddaringikka tingik-Ku. I yami narosate su saruan-Nu, wuṛṛu ana waugu udde I'o nandantan wawotoga si yami apan uawoṛṛetta sulal᷊ummu Buken Musa, allang-Ngu.

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

HOSEA 12:3

Mawu uatahuanna hatto ringannu walahannu Yehuda; i Tou lai sarun makkuumannu Israel ana waugu pallal᷊aghun mangitou. I Tou sarun mabbal᷊issa inolaanni mangitou.

HOSEA 5:10

Mawu nabbisara, “I Ya'u massa'u ana waugu manga piaṛṛa'u Yehuda buatte namangalo Israel wuṛṛu nangaṛṛo letangnge. Ana waugu udde i Ya'u sarun mapaṛṛia'u ṛuumanna si mangitou ere manawangnga.

NAHUM 1:6

Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

SONDAPPA 14:10

taumata udde sarun ma'inumma anggore wuassu Ruata, eteudde anggoru asasa'u-Ne apan suete nilal᷊inni Tou sulal᷊ummu tampane, apan tawe nihaingnga sarang kadio'a! Anambon taumata udde sarun sansaranna sulal᷊ummu putungnga wuṛṛu belerangnga su saruannu manga mala'ekatta susi wuṛṛu su saruannu Ana'u Domba udde.