YEHEZKIEL 7:27 - WUKE SUSI WATTI'U AL᷊AL᷊USASSA

²⁷ Ratu sarun lumuai, parisin datu massusate wuṛṛu tumana'u soa mangngindon atata'utta. I Ya'u sarun makkuumanni yamiu uasul᷊ungngu al᷊awo'u inolaannu wuṛṛu makkuungngi yamiu ere lai i yamiu makkuungnga taumata waine. Ne i yamiu masingkatte manungku ete i Ya'u Mawu.”

YEHEZKIEL 7:27 Iomraidhean Croise

1 MARARATU 20:28

Ana see nirumantate sangkatou nabi ringanni Ratu Ahab wuṛṛu nabbisara, “Eteindi apan niwisaran Mawu: ‘Ana waugu taumatan Siria udde massunna manungku i Ya'u tumba'u uataṛṛino su panenteanna wuṛṛu tawe su leta'a ratakke, ne i Ya'u sarun mangonggollu auntunganna si'o su tantaran mangitou apan tumaniten manambo udde. I'o wuṛṛu tumanangngu sarun maasingkatta manungku ete i Ya'u, Mawu.’ ”

AYUB 8:22

Isai mandantinnu sarun masili wuṛṛu maaddio'a, wuṛṛu wal᷊en taumata lal᷊eo sarun ihohakka ma'oman sara maṛṛimunsa'a.”

DARALO 109:18

Si tou mantal᷊a udde inolaanna inanaramanna, ere lai i tou malluṛṛen laubba. Wala'e tatal᷊a udde umallinna ere ua'e su waddange, wuṛṛu ere lana umisippa sulal᷊ummu manga duṛṛine.

DARALO 109:19

Wala'e tatal᷊a udde uataappa si tou ere laubba, wuṛṛu sidutu uawa'issa si tou ere papeṛetta.

DARALO 109:29

Wala'e manga taumata apan mangngansilla si ya'u papal᷊iwutannu aal᷊uandaga, wuṛṛu asasili apan uapi'unna si mangitou ere jubah.

DARALO 35:26

Wala'e taumata apan naasilo asasusa'u mabbal᷊i ial᷊iwune wuṛṛu massili. Wala'e taumata apan mammungan batangane su saruangku lobbosanna wuṛṛu pansilianna.

DARALO 9:16

Manga walahanna apan tawe maaillal᷊a Si'o manawo sulal᷊ummu loṛangnga apan nial᷊in mangitou sassane; i mangitou nul᷊ussa sulal᷊ummu seddan mangitou sassane.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

YEHEZKIEL 14:23

See lai i yamiu sarun maasunna manungku al᷊awo'u inolaang-Ku udde pia pangiananne. I Ya'u Mawu Apan Atanggaṛṛanne buatte nabbisara.”

YEHEZKIEL 18:30

Mawu Apan Atanggaṛṛanne nabbisara, “Ei manga taumatan Israel, i Ya'u sarun makkuungngu suapan taumata uasul᷊ungngu inolaanne. Awal᷊ute wuassu manga rosanu. Arie pabbala'a rosanu makkimunsa'a watangannu.

YEHEZKIEL 21:25

Wuṛṛu su ratun Israel i Ya'u mabbisara, ‘Ei ratu apan dal᷊eo wuṛṛu mal᷊awangnga! Tempo ipakkuumanna panginsueanne maranite.

YEHEZKIEL 26:16

Naasilo pal᷊addu pabbiaṛṛannu, manga ratu waussu manga walahanna su winggin sahatta sarun dumarisikka wuassu adderan araratuanna, malluatta juban araratuanna wuṛṛu laubbi mangitou apan pia sujine, see inuma'ianna mangngindo su leta'a. I mangitou lembon matta'utta na'oman sara tawe matammudda.

YEHEZKIEL 7:3

Mawu nabbisara, “Ei Israel, orassa indi nia'omante pangudusannu. I'o sarun maapendamma asasa'u-U. I'o Ta'u iṛṛuumanna uasul᷊ungngu inolaannu apan dal᷊eo.

YEHEZKIEL 8:1

Su allo al᷊imane wul᷊anna aiannume sulal᷊ummu tonna aiannume sutempo pamamuanganni yami, manga piaṛṛa'u taumatan Yehuda niwuangnga nirumanta su wal᷊e'u wuṛṛu niuma'ianna suadio'a ringangku. Inaṛṛombanganne taṛṛino Mawu Apan Atanggaṛṛanne sinumutta si ya'u.

YOEL 3:17

“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

MATIUS 7:2

Ana waugu su ereapa i yamiu maṛṛuungngu taumata waine, aroddi lai Ruata sarun maṛṛuungngi yamiu. Wuṛṛu uuṛṛanna apan ipanguukki yamiu su taumata waine sarun ipanguukku Ruata lai si yamiu.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!