YEHEZKIEL 7:26 - WUKE SUSI WATTI'U AL᷊AL᷊USASSA

²⁶ Asasilaka wuṛṛu watti'a lal᷊eo sidutu sarun rumanta. I yamiu sarun sumal᷊ande tadea'u manga nabi mappulu mamani'atta, arawe i mangitou tawe maaola'a. See lai manga imam tawe dapa iaṛṛa'a su umatta, manga piaṛṛa'a niasueannu tatantiro.

YEHEZKIEL 7:26 Iomraidhean Croise

DARALO 74:9

Manga nabi wuṛṛu manga al᷊aṛṛindu'a tate iasilo apia, wuṛṛu tawe saran sangkatou masingkatta maddatingngu tingngera olangnge arendi.

YESAYA 47:11

Arawe i'o sarun aṛṛiaannu silaka, pani'annu tawe maal᷊inda'u silaka udde. I'o sarun dantannu asasilaka, wuṛṛu tawe maaro'appa. Apapate sarun dumanta ringannu mamaṛṛoro, wuṛṛu tawe iaṛṛangngonu dorone.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 21:2

“Paddorongke tatantiro wuassu Mawu si ite, ana waugu i Nebukadnezar ratun Babel ringannu tantarane tantal᷊anna malliwunna soang kite. Asinungka Mawu sarun ma'ola'a al᷊aṛṛindu'a si ite, wuṛṛu mamata'i Nebukadnezar mantal᷊angngu tantarane.”

YEREMIA 37:17

Wua'udde i Ratu Zedekia nandolokku taumata niapaapi'u sumaruanna si tou su wal᷊en araratuanna. Isudde ringannu iaaddapinga i tou naiwal᷊o si ya'u apa pia tanata wuassu Mawu. “Pia,” sasimba'u. See tinamba'u, “Tuangnga sarun itantilla su ratun Babel.”

YEREMIA 4:20

Asasilaka nirumanta ualal᷊intuṛṛutta nanggohakku ahewallu wanua. Niaṛṛombanganne rasangku nihohakka, manga pampelene ringanna nihesa'a.

LAL᷊ALLU 2:9

Manga ngarane niaomboannu leta'a, anambon papal᷊ene napaddi; ratu wuṛṛu tembonannu pamarenta poite su pamuanganna. Titan Mawu tate lai iaṛṛa'a; nabi tate lai manengkamma sondappa wuassu Mawu.

YEHEZKIEL 11:2

Ruata nabbisara si ya'u, “Ei taumata apan mattate, eteindi manga taumata apan manggol᷊agu al᷊al᷊eo su soa indi wuṛṛu mangngonggolu al᷊aṛṛa'a apan mangngal᷊iwu.

YEHEZKIEL 12:22

“Ei taumata apan mattate, anio taumatan Israel apulune mannul᷊en sasanato'a indi: ‘Tempo uahahanti, arawe manga nubuatta taweddu mariaddi’?

YEHEZKIEL 14:1

Manga pira wuassu piaṛṛa'u walahannu Israel nirumanta ringangku ma'iwal᷊o apulu Mawu.

YEHEZKIEL 21:7

Amungkangngu i mangitou maiwal᷊o anio i'o ma'u are, wal᷊oa'e manungku i'o massusa ana waugu watti'a apan sarun dumanta. Watti'a udde sarun maaola'a naungngi mangitou mata'utta, lima mangitou mallome, wuṛṛu wu'u mangitou mangngiladda, i mangitou sarun apadiannu ikkatta. Atonna tempone nia'omante, wuṛṛu sarangkanambone udde sarun mariaddi. I Ya'u Mawu Apan Atanggaṛṛanne buatte nabbisara.”

YEHEZKIEL 22:26

Manga imam Israel nilumawangnga manga tita-U wuṛṛu nalluhudda manga saranapa apan niṛṛa'e si Ya'u. I mangitou waggate ma'ellega suapa apan botongnge wuṛṛu apa apan isassingadda. Wuṛṛu lai i mangitou tawe mangaṛṛa'a tumanangnge tadea'u masingkatta ma'ellega suapa apan baresi wuṛṛu suapa apan dal᷊eo tumuṛṛuttu atorannu agama. I mangitou tate mangareggan allon Sabat. Ringannu aroddi i Ya'u nilobbosannu walahannu Israel.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

YEHEZKIEL 8:1

Su allo al᷊imane wul᷊anna aiannume sulal᷊ummu tonna aiannume sutempo pamamuanganni yami, manga piaṛṛa'u taumatan Yehuda niwuangnga nirumanta su wal᷊e'u wuṛṛu niuma'ianna suadio'a ringangku. Inaṛṛombanganne taṛṛino Mawu Apan Atanggaṛṛanne sinumutta si ya'u.

IMAMATTA 26:18

Napawe buatte naapendamma ṛuumanna udde ana see i yamiu lai taambe tumuṛutta si Ya'u, ṛuumannu sarun Ta'u tambanna paapitu lai anambone.

IMAMATTA 26:21

Amungkangu i yamiu lai ta'e sidutu lullawanga si Ya'u wuṛṛu maddiri tumuṛutta si Ya'u, ne ṛuumannu lai sarun Ta'u tambanna lai paapitu.

IMAMATTA 26:24

ne i Ya'u sarun manggesekka wuṛṛu makkuumanni yamiu paapitu lai awakkane wuassu manga ṛuumanna apan nal᷊iu.

IMAMATTA 26:28

wuṛṛu ringannu massa'u i Ya'u sarun manggesekka si yamiu, wuṛṛu makkuumanni yamiu paapitu mabbakatanna wuassu ṛuumanna nanangkal᷊iu.

MIKHA 3:6

“Ei nabi, temponi maraniten masue; matannallonu maraniten umattuppa. I yamiu tate lai maasomba sondappa apan mammasingkattu ṛiing-Ku. I yamiu tate lai maasi'attu manga apa.”

MALEAKHI 2:7

Atonna manaran manga imam mangngaṛṛa'u apan naṛṛino su ola'i Ya'u, Mawu Apan Atanggaṛṛanne. Ete si mangitou tumanangnge ṛinone maiwal᷊o apa apan ipaapullu-U, ana waugu i mangitou udde daroloṛṛang-Ku.

MALEAKHI 2:9

Ne i Ya'u sarun ma'ola'a si yamiu aaddio'annu umattu Israel ana waugu i yamiu tawe tumuṛṛutta apulu-U, wuṛṛu ana waugu i yamiu naṛṛaen taumata sutempo mannantiro uma-U.”

TAHIUL᷊E 32:23

Mangke sidutu Ta'u iapparanta asasilaka. Ta'u ipiti'a anambon anaang-Ku si mangitou.

1 SAMUEL 3:1

Tantal᷊anna udde, i Samuel apan ta'e dario'a udde mangngimbe Mawu su al᷊ungngu lu'addi Eli. Sutempo udde mal᷊awa atonna pia tanata wuṛṛu sondappa wuassu Mawu.