YEHEZKIEL 7:24 - WUKE SUSI WATTI'U AL᷊AL᷊USASSA

²⁴ Manga walahanna apan aṛṛagisanne sarun Ta'u iaparanta iapaatana'a su manga wal᷊enu. Manga taumata awaṛṛanianne apan atohasanne sarun mangindo napawe manga walahanna udde Ta'u iwala manggohakka manga tampa patataṛṛamawuannu.

YEHEZKIEL 7:24 Iomraidhean Croise

PANDARIADDI 47:26

Wua'udde olangnge udde niola'i Yusuf nabbal᷊i sambau atoranna su wanua Mesir, eteudde manungku wageangnge al᷊imane wuassu hessin pangangitingnga mabbal᷊i tatahuanannu ratu. Naddatingngu orassa indi atoranna udde ta'e iapa'amatta. Tumba'u leta'u manga imam tawe naola'a pussa'an datu.

DARALO 106:41

Ne i Tou nanantilli mangitou su manga walahanna, niwala-Ne i mangitou tataṛṛinoannu seetta.

DARALO 74:7

I mangitou nanoṛṛobba Wal᷊en-Nu na'oman sara nasue; wuṛṛu nandal᷊eo tampa passubbanna Si'o.

DARALO 83:12

Olaawe piaṛṛa'i mangitou ere i Oreb wuṛṛu i Zeeb, pasuṛṛubawa'a tembonanni mangitou ere i Zebah wuṛṛu Salmuna,

YESAYA 5:14

Loṛṛangngu papate nawu'ate mal᷊oa-l᷊oangnga ipangalluppa manga taumata piaṛṛangnge su Yerusalem ringannu tumana'u soa apan maddea su andeangnga udde.

YEREMIA 12:12

Wuassu samba'an wadda'u anne su panenteanna, manga taumata nirumanta maddea'a mangaṛṛo. I Ya'u nandantan pangalo panggohakku ahewallu wanua ma'oman sara tate sangkatou apan botongnge mabbiakka su paddarame.

YEREMIA 17:4

I yamiu sarun ipabbawata'a manantillu leta'a apan buatte Ta'u nionggolla si yamiu, wuṛṛu i Ya'u sarun ma'ola'a si yamiu mattaṛṛamawu su seennu su wanua apan mangke awaganannu. I Ya'u na'ola'a sarangkanambone udde ana waugu asasa'u-U sinumopate ere putungnga apan lukkenggamma tawe iapaddumma.”

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

YEREMIA 6:12

Wal᷊e mangitou sarun ionggolla su taumata waine, aroddi lai manga wailla wuṛṛu inangngu ana'i mangitou. Tumana'u wanua indi sarun iṛṛuumanna.

LAL᷊ALLU 5:2

Pussa'an kami nanawote su liman taumata waine, manga wal᷊en kami niatanaannu taumata lo'a.

YEHEZKIEL 21:2

“Ei taumata apan mattate, wontohete Yerusalem. Wontohete manga tampa patataṛṛamawuanna poiaroddi. Panaunga'a su taumatan Israel,

YEHEZKIEL 21:31

I Ya'u sarun mapassabbangu asasa'u-U apan lukkenggamma si yamiu. Wuṛṛu i yamiu sarun Ta'u itantilla su manga taumata apan maṛṛagissa wuṛṛu nal᷊atite mammate.

YEHEZKIEL 24:21

iapapasingkattu tanata indi si yamiu: I yamiu mammungan atatohassu Wal᷊e Mawu. I yamiu apulune ma'ellega wuṛṛu inai isudde, arawe Mawu sarun mandal᷊eo Wal᷊en-Ne. Wuṛṛu lal᷊oṛṛon amonannu apan ta'e dario'a, apan uatana'a su Yerusalem, sarun pateanna sulal᷊ummu pangalo.

YEHEZKIEL 33:28

Wanua udde sarun Ta'u olaanna wadda'u anne apan mal᷊annabba, wuṛṛu taṛṛino apan ipammunga mangitou sarun masue. Manga wowone su Israel sarun mabbal᷊i mal᷊annabba ma'oman sara tawe saran sangkatou waṛṛani umamatta isudde.

ZEFANYA 1:13

Darotongngi mangitou sarun aṛṛoanna wuṛṛu manga wal᷊en mangitou sarun ṛimunsaanna. I mangitou sarun mapararisikku wal᷊en, arawe tawe matana'a. I mangitou sarun mabbaillu anggore arawe tawe ma'inumma ua'en anggore.”