YEHEZKIEL 7:21 - WUKE SUSI WATTI'U AL᷊AL᷊USASSA

²¹ Mawu nabbisara su walahannu Israel, “I ya'u sarun mamala manga taumata raho manga darotongngi yamiu. Manga taumata lal᷊eo sarun mangaṛṛo pa'aalanu wuṛṛu lal᷊eoanna.

YEHEZKIEL 7:21 Iomraidhean Croise

2 MARARATU 24:13

Anambon saranapa wul᷊awanna apan niola'i Ratu Salomo su Wal᷊en Mawu, nihohakki Nebukadnezar. Ana see anambon saranapa maarega apan sasahipunanna su Wal᷊en Mawu wuṛṛu wal᷊en araratuanna niapidda watukku Babel. Sarangkanambone nariaddi nassul᷊ungu apa apan buatte niapasingkatu Mawu paarorone.

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

DARALO 109:11

Wala'e al᷊awo'u pussa'ane aṛṛoannu mallal᷊uṛṛu awallassa, wuṛṛu hessin inasaharanne anuannu taumata.

DARALO 79:1

Daralon Asaf. Oh Ruata, walahanna apan tawe maillal᷊a uatana'e su leta'a pussa'a-Nu. I mangitou nandal᷊eote Wal᷊en-Nu, Yerusalem niola'a ete tuidda.

YEREMIA 19:13

Anambon bal᷊e su Yerusalem anambon wal᷊en manga ratun Yehuda sarun mabbal᷊i luhudda ere Tofet; ana waugu su wowon atuppu manga wal᷊en udde taumata buatte nanambunnu amania huna manga monganna su langitta, wuṛṛu nangonggollu anggore su manga monganna waine.”

YEHEZKIEL 31:12

Tantaran araratuanna waine apan tawe ampungnge sarun manuwangnga si tou ana see iwalane. Angkanaene apan napaddite mannawote su anambon bowone wuṛṛu wawal᷊annu wanua udde. Anambon balahanna apan uatanaa'a su al᷊ungnge sarun massal᷊iu manantangngi tou.