YEHEZKIEL 7:2 - WUKE SUSI WATTI'U AL᷊AL᷊USASSA

² “Ei taumata apan mattate, i Ya'u, Mawu Apan Atanggaṛṛanne, ṛinone mamasingkattu wisara indi su Israel: Ete indi pangudusannu watti'u ahewallu wanua indi!”

YEHEZKIEL 7:2 Iomraidhean Croise

PANDARIADDI 6:13

Ana see Ruata nabbisarate si Nuh, “I ya'u buatte nakkawessa manginsue wiakku al᷊awou'u riadianna. I ya'u sarun mamate si mangitou suadio'a ringannu runia, ana waugu runia napeneten araṛṛagissi mangitou.

2 TAWARIKH 34:7

Manga mezbah wuṛṛu manga paal᷊uanni Asyera su ahewallu Araratuannu Sawannakka niṛṛa'an Yosia, ana see manga paal᷊uanne wuṛṛu anambon mezbah amania niṛṛimunsange. Wua'udde i Yosia napul᷊ete watukku Yerusalem.

YESAYA 47:7

I'o massunna manungku i'o maola'a ratu sarangkal᷊o'enge, wuṛṛu tawe maatutukka ara'e maṛṛingiddu panginsueanne.

YEREMIA 12:4

Ta'e sangkura lai al᷊annune wanua indi mamara, wuṛṛu nannal᷊o tumolangnga su al᷊awo'u wawail᷊anna? Manu'u winalanganna wuṛṛu winatangnga waine nate ana waugu al᷊al᷊eon balahanni yami. I mangitou nabbisara, manungku i ya'u sarun tawe maasilo ola'u pabbiaṛṛanni mangitou.”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YEREMIA 51:13

wanua tumaniten ala wuṛṛu manambo sal᷊ukke, arawe tempom pabbiaṛṛanne nasuete; panginsueannu pabbiaṛṛanne na'omate.

LAL᷊ALLU 1:9

Al᷊al᷊eone aasiloanna ringannu matualaga arawe i tou tawe pandumma su apa apan sarun mariaddi su watanganne. Tumaniten bahewalla ahahohakke, arawe tawe saran sangkatou malluassa si tou. Ne i tou naddorongnga tatal᷊antuppa wuassu Mawu, ana waugu manga seenne naauntungke.

LAL᷊ALLU 4:18

I yami tawe maasabbangnga watukku lal᷊anna, sumabbangnga sidutu tataṛṛasooannu seetta. Panginsueannu wiakki yami maranite, ana waugu manga allon kami natipusse.

YEHEZKIEL 11:13

Tantal᷊anna i ya'u mammasingkattu wisara udde, inaṛṛombanganne i Pelaca nema'a see mate. Ne niumal᷊intuddate wuṛṛu sinumal᷊ande, “Uare Mawu Apan Atanggaṛṛanne! Apa Israel lambene indi sarun patean-U?”

YEHEZKIEL 12:22

“Ei taumata apan mattate, anio taumatan Israel apulune mannul᷊en sasanato'a indi: ‘Tempo uahahanti, arawe manga nubuatta taweddu mariaddi’?

YEHEZKIEL 21:2

“Ei taumata apan mattate, wontohete Yerusalem. Wontohete manga tampa patataṛṛamawuanna poiaroddi. Panaunga'a su taumatan Israel,

YEHEZKIEL 21:25

Wuṛṛu su ratun Israel i Ya'u mabbisara, ‘Ei ratu apan dal᷊eo wuṛṛu mal᷊awangnga! Tempo ipakkuumanna panginsueanne maranite.

YEHEZKIEL 21:4

Ringannu hal᷊ele-U sarun Ta'u ro'apanna anambon taumata wuassu sawannakka maddatingngu timukka.

YEHEZKIEL 21:7

Amungkangngu i mangitou maiwal᷊o anio i'o ma'u are, wal᷊oa'e manungku i'o massusa ana waugu watti'a apan sarun dumanta. Watti'a udde sarun maaola'a naungngi mangitou mata'utta, lima mangitou mallome, wuṛṛu wu'u mangitou mangngiladda, i mangitou sarun apadiannu ikkatta. Atonna tempone nia'omante, wuṛṛu sarangkanambone udde sarun mariaddi. I Ya'u Mawu Apan Atanggaṛṛanne buatte nabbisara.”

YEHEZKIEL 35:5

Ro'en dorone i yamiu masseettu Israel wuṛṛu namala mangitou laṛṛatanna sutempo i mangitou niarantannu asasilaka maola'a ṛuumanna panginsueanne wuassu rosa mangitou.

YEHEZKIEL 40:2

Sulal᷊ummu sambau aellega, Ruata nangapi'u watukku leta'u Israel wuṛṛu i ya'u niaddo su wowone apan atanggaṛṛanne. Su saruangku aellehangku ammul᷊annu bangunanna naal᷊ihidda sambau soa.

YEHEZKIEL 7:1

Mawu nabbisara si ya'u,

YEHEZKIEL 7:3

Mawu nabbisara, “Ei Israel, orassa indi nia'omante pangudusannu. I'o sarun maapendamma asasa'u-U. I'o Ta'u iṛṛuumanna uasul᷊ungngu inolaannu apan dal᷊eo.

YOEL 1:15

Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

AMOS 8:2

Mawu naiwal᷊o, “I'o naasilo apa, Amos?” I ya'u sinumimbakka, “Sambau sal᷊angka lal᷊oṛṛoannu manga wuan kaaluanna apan nal᷊ahate.” Mawu nabbisara, “Tempone nal᷊ahate su uma-U Israel. I Ya'u tate lai mamal᷊u ṛiing-Ku wuṛṛu sarun makkuumanni mangitou.

MATIUS 24:6

I yamiu sarun maaringikka manga tingikku pangalo wuṛṛu manga watti'u pasaseetta, arawe arie i yamiu mata'utta. Ana waugu sarangkanambone udde sarun mariaddi, arawe udde tawe wawal᷊o manungku tempong kiamatta nia'omante.

TAHIUL᷊E 32:20

Wisara-Ne, ‘I Ya'u maddirite mantul᷊ungngi mangitou apia; walate Ta'u ellehanna tanne ereapa panginsueanni mangitou. Ana waugu walahanna udde maatikka puane wuṛṛu mangke tawe tumuṛṛutta.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

SONDAPPA 20:8

wuṛṛu i tou sarun inai mangawusu walahanna apan uasal᷊iawukka su ahewallu runia, eteudde Gog wuṛṛu Magog. Setanna nangammuli mangitou inai mapapangalo, sambau ammul᷊anna apan wahewalla atonna, ere anne su tahal᷊oangnga.

SONDAPPA 7:1

Wua'udde, i ya'u naasilo sire appata mala'ekatta uarisikka su appata pabbuuannu runia. I mangitou mannaṛṛanga anginna appata su runia tadea'u tawe anginna apan tumiuppa su ammaranne, ara'e su tahal᷊oangnga, ara'e su manga aaluanna.