YEHEZKIEL 7:18 - WUKE SUSI WATTI'U AL᷊AL᷊USASSA

¹⁸ I mangitou sarun malluṛṛen nasa karongnga wuṛṛu ahewallu wadangnge sarun mangiladda. Pua mangitou sarun lungguṛṛanna wuṛṛu i mangitou sarun pansilianna.

YEHEZKIEL 7:18 Iomraidhean Croise

PANDARIADDI 15:12

Napawe matannallo umatuppe, i Abram niamatiil᷊anna mal᷊angnga. Inaṛṛombanganne i tou ni rantannu atata'utta tumaniten bahewalla.

AYUB 21:6

Amungkangngu i ya'u maṛṛingiddu olangnge indi i ya'u mangngindote ana waugu nata'utta.

DARALO 35:26

Wala'e taumata apan naasilo asasusa'u mabbal᷊i ial᷊iwune wuṛṛu massili. Wala'e taumata apan mammungan batangane su saruangku lobbosanna wuṛṛu pansilianna.

YESAYA 3:24

Orassa indi i mangitou mappaatten lana mawangngi, sal᷊immurine hal᷊uru mangitou mawukku'a. Papeṛṛeti mangitou al᷊ussa sarun hantianni mangitou tal᷊i apan masalla. Puan mangitou apan pia utangnge maṛṛamaga sarun lungguṛṛanna. Laubbi mangitou apan maṛṛansangnga sarun hantiannu laubba nahahesa'a. Orassa indi i mangitou maṛṛamaga, tawe mal᷊anna'a addio'a hati mangitou mal᷊al᷊eo ana waugu cappanna.

YEREMIA 3:25

Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YEREMIA 48:37

I mangitou sarangkanambone buatte nangiṛṛi uta'u pua wuṛṛu omengnga, nallessa ta'iakka, wuṛṛu nalluṛṛe nasa tatiala massusa.

YEREMIA 6:25

I mangitou tawe waṛṛani lumintukka watukku lal᷊anna ara'e inai su wailla, ana waugu suapan tampa seetta apan pia ahidde sidutu mammate.

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

YEHEZKIEL 27:31

Ana waugu i'o i mangitou nallunggukka pua, nalluṛṛen laubba karongnga napenen asasusa. I mangitou lulluai lullal᷊o wuṛṛu lullallun ola'u wiakku.

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”