YEHEZKIEL 6:9 - WUKE SUSI WATTI'U AL᷊AL᷊USASSA

⁹ poiaroddi i mangitou mabbiakka sulal᷊ummu pamamuanganna. See i mangitou sarun maanaungnga si Ya'u wuṛṛu maasunna manungku i Ya'u makkuumanna wuṛṛu mallobossa si mangitou ana waugu naungngi mangitou tawe satia si Ya'u. I mangitou buatte nanantang-Ku wuṛṛu namile paal᷊uanna maola'a hahanti-U. Wua'udde i mangitou sarun umuallu watanganni mangitou sassane ana waugu al᷊awo'u al᷊al᷊eo wuṛṛu ararantinna apan buatte niola'i mangitou.

YEHEZKIEL 6:9 Iomraidhean Croise

2 MARARATU 16:10

Sutempo i Ratu Ahas ianite watukku Damsyik naisasomban Ratu Tiglat-Pileser, i tou naasilo mezbah su soa udde. Ana see i tou nangirimma si Ratu Uria su Yerusalem ola'u mezbah udde, wuṛṛu ringannu uuṛanne apan naṛṛino wuṛṛu natal᷊a'a.

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

DARALO 137:1

Su winggin manga sal᷊ukku Babel i yami ua'ianna wuṛṛu lulluai napawe maananungnga Sion.

DARALO 78:40

Aroddi asokkane i mangitou lumawangnga si Tou, wuṛṛu manaddu'a naung-Nge sutempo su wadda'a.

YESAYA 43:24

I'o tawe namalli dupa mawangngi huna-Ku, tawe napaal᷊ai-U ringannu tawa sasamba nipotonnu. Ewe'e i'o mawal᷊i'a nangonggollu winabbawa si Ya'u ringannu manga rosanu, napaasusa-U ringannu manga pasasal᷊anu.

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

YESAYA 7:13

Ana see i Nabi Yesaya nabbisara, “Amungkangngu aroddi, paddaringikke ei papapulunni Ratu Daud! Tawe natimu i yamiu mannal᷊u'atta asasabbaren taumata, ma'oman sara i yamiu mannal᷊u'atta lai asasabbaren Duata'u?

YEREMIA 3:13

Panga'ute manungku i'o nassala wuṛṛu buatte nilumawangnga su saruannu Mawu, Ruatanu. Panga'ute manungku su al᷊ungngu suapan punnu alu apan mappaṛṛampunga i'o buatte namatu'a apulunu su manga mawun balahanna waine, wuṛṛu tawe tumuṛṛutta manga parenta-U. I Ya'u, Mawu buatte nabbisara.”

YEREMIA 3:6

Sutempo i Ratu Yosia uaparenta, Mawu nabbisara arendi si ya'u, “I'o naasilote inolaannu Israel, wawine apan mal᷊awangnga udde? I tou nanantang-Ku wuṛṛu mammanara sussandaga su puiddu anambon wuidda apan matanggakka wuṛṛu su al᷊ungngu suapan aaluanna apan mapaṛṛampunga.

YEREMIA 51:50

Mawu nabbisara su taumatan Israel apan uatana'a su Babel, “I yamiu nal᷊iute wuassu pamamate! Nariaddi, roote orassa indi lai! Arie paṛṛaddo! Salaiwe i yamiu marau wuassu wal᷊en, pannaungke si Ya'u, Mawunu, wuṛṛu su Yerusalem.

YEHEZKIEL 12:16

Sambageanganna addio'a wuassi mangitou sarun Ta'u iapasal᷊amatta wuassu papangalo, wuassu ṛutumma, wuṛṛu ṛiwutta, tadea'u su pattangngannu manga walahanna raho udde i mangitou sarun maatutukka manungku i mangitou buatte na'ola'a al᷊al᷊eo wahewa. Ne i mangitou sarun manga'u manungku ete i Ya'u Mawu.”

YEHEZKIEL 16:43

I Ya'u nakkuumannu ana waugu i'o tawe mannaungnga ereapa i Ya'u namaddul᷊i si'o sutempo i'o ta'e addio'a. I'o na'ola'a si Ya'u nasa'u ringannu al᷊awo'u inolaanna apan dal᷊eo udde. Anio al᷊awo'u inolaannu apan maarantinna udde ta'e lai tattambannu ringannu sussandaga? I Ya'u Mawu Apan Atanggaṛṛanne buatte nabbisara.”

YEHEZKIEL 16:61

I'o sarun maanaungnga wuṛṛu maapendamma asasili sutempo manga tuṛṛangngu Ta'u iwelengnga ringannu. I mangitou sarun Ta'u oala'ana ere manga anangngu, salaiwe olangnge udde tawe nasutta sulal᷊ummu pa'aire-U si'o.

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

YEHEZKIEL 20:24

ana waugu i mangitou buatte nangapissa manga parenta-U, lullawangnga manga tita-U, wuṛṛu nanggal᷊usa'a allon Sabat, wuṛṛu massubba manga monganna apan raddaloannu iupungngi mangitou.

YEHEZKIEL 20:28

I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

YEHEZKIEL 20:43

Poiaroddi i yamiu sarun maanaungnga anambon inolaanna apan maarantinna apan buatte naarosa watangannu. Ne i yamiu sarun maddantinna maanaungnga anambon arariadianna udde.

YEHEZKIEL 20:7

Ta'u nirolokka i mangitou nandamme manga paal᷊uanna apan ma'arantinna apan ipaapulu mangitou udde, wuṛṛu Ta'u nisingadda i mangitou malluhuda watanganne ringannu massubba manga paal᷊uanna wuassu Mesir, ana waugu ete i Ya'u Mawu Ruata mangitou.

YEHEZKIEL 23:30

apan mandantan al᷊al᷊eo indi si'o. I'o nabbal᷊i sumasandaga su manga walahanna, wuṛṛu nandal᷊eo watangannu ringannu manga monganni mangitou.

YEHEZKIEL 5:13

I'o sarun maapendamma asadattu asasa'u wuṛṛu al᷊al᷊eo naung-Ku ma'oman sara i Ya'u mul᷊ete. Napawe sarangkanambone udde nariaddite, i'o sarun mangimanna atonna manungku i Ya'u, Mawu, buatte nabbisara si'o, ana waugu i Ya'u massa'u su ola'u lal᷊awangngu.

YEHEZKIEL 6:10

Ne i mangitou sarun maasingkatta manungku ete i Ya'u Mawu wuṛṛu manungku anambon tataggu apan Ta'u nionggola wal᷊ine wawansaga awusu.”

YEHEZKIEL 7:16

Sambageanganna sarum maralukka wuṛṛu tumal᷊angngu watanganne su panenteanna. Isudde i mangitou sarun maola'a ere manu'a merpati apan lallimbuaṛṛanna wuassu manga wawal᷊anne; sarangkanambone sarun sumal᷊iomanna ana waugu manga rosa mangitou.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

AMOS 2:13

Orassa indi i yamiu sarun Ta'u itaddilla sara leta'a, na'oman sara i yamiu sumal᷊iomanna ere kereta apan nabbowon luranna gandumma.

MIKHA 5:13

Manga diṛṛin Mongannu Asyera su wunuanu sarun Ta'u iapaṛṛa'a, wuṛṛu manga soannu apan pia tanda'a watune sarun Ta'u ṛimunsaanna.

ZAKARIA 10:9

Salaiwe i mangitou Ta'u isal᷊iawukka su pattangngannu manga walahanna, i mangitou sidutu uanaungnga si Ya'u poiaroddi. I mangitou sarun masal᷊amatta, aroddi lai al᷊aṛṛaanangnge wuṛṛu sarun mapul᷊e suadio'a watukku wanuane.

REENGANNA 15:39

Manga wawungkele uddewe maola'a pananaunganna: Suapan i yamiu maasilo, i yamiu maanaungnga al᷊awo'u parenta-U wuṛṛu tuttuṛṛuttanna. Wuṛṛu ana waugu udde i Ya'u tawe abbul᷊iananni yamiu su ipamatu'a apulu naungngu wuṛṛu ira-iranu sassane.

2 PETRUS 2:14

I mangitou tawe illol᷊one ma'ola'a rosa, wuṛṛu al᷊utuanni mangitou ma'ellega wawine masandaga. Wuṛṛu taumata apan wakku mangngimanna wuṛṛu ta'e matul᷊u pangangimanne, wal᷊onotanni mangitou. Naungngi mangitou ninumarampen awawal᷊iu. Ete i mangitou udde taumata apan niawontohante!