YEHEZKIEL 6:7 - WUKE SUSI WATTI'U AL᷊AL᷊USASSA

⁷ Suapa-suapa pia taumata apan iapate, wuṛṛu i mangitou apan nasal᷊amatta sarun maasingkatta manungku ete i Ya'u Mawu.

YEHEZKIEL 6:7 Iomraidhean Croise

2 MARARATU 19:19

Ore Mawu, Ruatan kami, pallosaawe yami wuassu manga taumatan Asyur udde, tadea'u al᷊awo'u walahanna su runia masingkata manungku tumba'u I'o Ruata.”

SASABANGNGA 14:18

Ne taumata Mesir sarun maasingkatta manungku ete i Ya'u Mawu.”

SASABANGNGA 14:4

I Ya'u sarun mapaatikku naungngi tou, na'oman sara i tou mangenggenna si yamiu. Arawe I Ya'u sarun mapal᷊iatta'u taṛṛino-U su ratu Mesir wuṛṛu tantarane, wuṛṛu i mangitou sarun maasingkatta manungku ete i Ya'u Mawu.” Ana see taumatan Israel na'ola'a ere buatte nirolokku Mawu si mangitou.

SASABANGNGA 7:5

Ne taumata Mesir sarun maasingkatta manungku indi Mawu, su tempo i Ya'u makkuumanni mangitou wuṛṛu mangapiddu Israel sumabangnga wuassu wanuan mangitou.”

YEREMIA 14:18

Napawe i ya'u inai watukku wadda'a, i ya'u naasilo manga winal᷊unanna sol᷊on pangalo. Sulal᷊ummu soa i ya'u naasilo asasusa, taumata mateten al᷊al᷊unussa. Nabi wuṛṛu imam mappaamattu manarane ringannu tawe apa apan a'olaanni mangitou.”

YEREMIA 18:21

Arawe orassa indi, Mawu, wala'awe manga ana'i mangitou mate amal᷊unusanna wuṛṛu nate sulal᷊ummu pangalo. Wala'e manga wawinen mangitou awul᷊iannu iamangngu ana'a wuṛṛu ana'a; wala'ewe manga esakka nate ana waugu al᷊aṛṛusa'itta wuṛṛu ingana'a umbasanna nate sulal᷊ummu pangalo.

YEREMIA 25:33

Su allo udde winal᷊unannu manga taumata apan nipate Mawu uatal᷊eṛṛongnga su ahewallu runia. I mangitou tawe luaianna, tawe lai wengketanna ilabbinga, arawe iwala aroddi su leta'a ere sapadda ua'ombo.

LAL᷊ALLU 4:9

I mangitou nasansara wuṛṛu nate u'onggamma, ana waugu atonna-tonna tawe anna; iapa nate su papangaloanna, ma'untunganna wuassu nate namal᷊unusanna.

YEHEZKIEL 11:10

I yamiu sarun nate sulal᷊ummu pangalo su wanuanu sassane, ne i yamiu masingkatte manungku ete i Ya'u Mawu.

YEHEZKIEL 11:12

Ne i yamiu masingkatte manungku ete i Ya'u Mawu wuṛṛu i yamiu Ta'u iṛṛuumanna ana waugu buatte nilumawangnga manga parenta-Ku ringannu tuttuṛṛutta manga titan balahanna maraninu.”

YEHEZKIEL 12:15

Sutempo i mangitou Ta'u isal᷊iawukka su pattangngannu manga walahanna waine su manga wanua awagananna, i mangitou sarun maasingkatta manungku ete i Ya'u Mawu.

YEHEZKIEL 12:19

Pasingkata'e su anambon balahanna apa apan i Ya'u, Mawu Apan Atanggaṛṛanne nabbisara su tumana'u Yerusalem apan ta'e uatana'a su leta'i mangitou. I mangitou sarun mangiladda sutempo umanna wuṛṛu mangngindon atata'utta sutempo ma'inumma. Leta'i mangitou sarun mabbal᷊i maṛṛasa, ana waugu anambon taumata apan uatana'a isudde sidutu lullawangnga tita.

YEHEZKIEL 13:14

I Ya'u pia pandumma mapaṛṛa'an darandungnga apan niwuṛṛanni yamiu udde, ringannu ihohakka ma'oman sara mallambe ete mal᷊itangnge sassane. Darandungnga udde sarun maṛṛa'a wuṛṛu mamate i yamiu sarangkanambone. Ne i yamiu masingkatte manungku ete i Ya'u Mawu.

YEHEZKIEL 13:21

Manga paporongnga apan pia taṛṛinone sarun Ta'u hesaanna, wuṛṛu uma-U sarun Ta'u ilinda'a wuassu wawono'a lal᷊eo wuassi yamiu saran mal᷊annu-l᷊annu. Ne i yamiu masingkatte manungku ete i Ya'u Mawu.

YEHEZKIEL 13:23

Orassa indi nuddusee manga sondappa awusu wuṛṛu manga pani'atta wawahianu. Ta'u iapasal᷊amatta uma-U wuassu wawonongu lal᷊eo. Ne i yamiu masingkatte manungku ete i Ya'u Mawu.”

YEHEZKIEL 13:9

I Ya'u sarun makkuumanni yamiu, ei manga nabi apan mammasingkattu pani'atta awusu wuṛṛu ma'ira-ira manga sondappa! I yamiu tate lai wotongnge mangonggollu laṛṛawessa sulal᷊ummu manga ammul᷊annu uma-U. Manga rannu sarun pappasanna wuassu reengannu walahannu Israel, wuṛṛu i yamiu tate maapule su leta'a inariaddiannu. Ne i yamiu masingkatte manungku ete i Ya'u Mawu Apan Atanggaṛṛanne.

YEHEZKIEL 14:8

I Ya'u sarun mando'appa si tou wuṛṛu ma'ola'a si tou tul᷊adda su taumata waine. I Ya'u sarun mallimbuakka si tou wuassu ammul᷊annu uma-U, ne uma-U masingkatte manungku ete i Ya'u Mawu.

YEHEZKIEL 15:7

I Ya'u sarun makkuumanni mangitou. Salaiwe i mangitou buatte naal᷊assanga wuassu putungnga, arawe putungnga lai apan mamate si mangitou. Ne i yamiu masingkatte manungku ete i Ya'u Mawu.

YEHEZKIEL 20:26

Ta'u niwala i mangitou nanggal᷊usaa'a watanganne ringannu manga sasamba mangitou sassane, ewe'e lai manga ana'a esakka pahul᷊u niola'i mangitou sasamba. Ringannu olangnge udde i Ya'u makkuumanni mangitou tadea'u i mangitou maasingkatta manungku ete i Ya'u Mawu.

YEHEZKIEL 20:38

Manga lumal᷊awangnga wuṛṛu mandal᷊al᷊eo sarun Ta'u iramme wuassu wallatti yamiu. I mangitou sarun Ta'u iapidda sumabbangnga wuassu manga wanua tampa atatanaanni mangitou orassa indi wuṛṛu tawe Ta'u iwala mabbelengnga su leta'u Israel. Ne i yamiu naasingkatte manungku i Ya'u Mawu.”

YEHEZKIEL 20:42

Sutempo i yamiu Ta'u iapidda mabbelengnga su leta'u Israel, leta'a apan Ta'u pina'ire su iupungngu al᷊amonanu ne i yamiu naasingkatte manungku ete i Ya'u Mawu.

YEHEZKIEL 20:44

Sutempo i yamiu buatte Ta'u niola'a aroddi hunan awawantugu arang-Ku, wuṛṛu wal᷊ine nassul᷊ungngu ala'uannu apan dal᷊eo see inolaannu apan tawe matataṛṛino, i yamiu taumatan Israel maasingkatte manungku ete i Ya'u Mawu. I Ya'u Mawu Apan Atanggaṛṛanne buatte nabbisara.”

YEHEZKIEL 22:16

I'o sarun al᷊uandahannu manga walahanna waine, ne i'o naasingkatte manungku ete i Ya'u Mawu.”

YEHEZKIEL 23:49

Ei Ohola wuṛṛu Oholiba, i Ya'u sarun makkuumanni raddua ana waugu iraddua sinumandaga wuṛṛu massubba paal᷊uanna. Ne iraddua naasingkatte manungku i Ya'u Mawu Apan Atanggaṛṛanne.”

YEHEZKIEL 24:24

Ne i ya'u, Yehezkiel sarun maola'a tul᷊adda si yamiu; i yamiu sarun ma'ola'a ere lai ta'u niola'a orassa indi. Mawu nabbisara manungku amungkangngu olangnge udde mariaddi, i yamiu sarun maasingkatta manungku ete i Tou Mawu Apan Atanggaṛṛanne.”

YEHEZKIEL 24:27

Su allo udde lai i'o sarun maawisara apia wuṛṛu tate imoune apia. See i'o sarun maggahatton taumata udde. Etearoddi i'o sarun maola'a tul᷊adda si mangitou; ne i mangitou maasingkatte manungku ete i Ya'u Mawu.”

YEHEZKIEL 25:17

I Ya'u sarun makkuumanni mangitou ringannu lembon mawakkatta wuṛṛu mapasopan al᷊al᷊eo naung-Ku ma'oman sara mawusa. Napawe i mangitou naapendampe asasa'u-U, i mangitou naasingkatte manungku ete i Ya'u Mawu.”

YEHEZKIEL 26:6

I mangitou sarun mangaṛṛo see mamate tumana'u manga soa su leta'u ammarannu Tirus. Ne tumana'u Tirus naasingkatte manungku ete i Ya'u Mawu.”

YEHEZKIEL 28:23

I Ya'u sarun mandantan al᷊aṛṛusa'itta, wuṛṛu mamalan daṛṛa mangngelekka su manga lal᷊annu. I'o sarun pangaloannu seetta wuassu al᷊awo'u pappi'uanne, wuṛṛu tumanangngu sarun pateanna. Ne i'o masingkatte manungku ete i Ya'u Mawu.’ ”

YEHEZKIEL 30:26

I Ya'u sarun manal᷊iawukku manga taumatan Mesir su ahewallu runia. Ne i mangitou masingkatte manungku ete i Ya'u Mawu.”

YEHEZKIEL 32:15

Napawe Mesir Ta'u olaanna wadda'u anne apan mal᷊annabba, see Ta'u pateanna sarangkanambone apan utana'a isudde, i mangitou sarun maasingkatta manungku ete i Ya'u Mawu.

YEHEZKIEL 35:15

ere lai i yamiu mal᷊uassa sutempo maasilo Israel passa'a-U, nabbal᷊i mal᷊annabba. Manga wowon Seir, ewe'e lai ahewallu leta'u Edom sarun mabbal᷊i mal᷊annabba. Ne anambon taumata sarun maasingkatta manungku ete i Ya'u Mawu.’ ”

YEHEZKIEL 38:23

Ringannu olangnge udde sarun Ta'u iapal᷊iatta'a si mangitou al᷊awo'u walahanna manungku i Ya'u indi mawantuga wuṛṛu na'ukkassa. Ne i mangitou masingkatte manungku ete i Ya'u Mawu.”

YEHEZKIEL 6:13

Manga winal᷊unanna sarun uaseṛṛopa suwallatu manga paal᷊uanna wuṛṛu uapal᷊iwutta manga mezbah, uatal᷊eṛṛonga su manga wuidda apan matanggaka, wuṛṛu su pappusungannu manga wowone, su al᷊ungngu manga aaluanna apan masaṛṛihalo wuṛṛu su manga aaluanna apan masallakka; aunne, suapan tampa i mangitou mannambunnu sasamba su paal᷊uanni mangitou. Ne suapan taumata sarun maasingkatta manungku ete i Ya'u Mawu.

YEHEZKIEL 6:6

Anambon soa su Israel sarun ihohakka, al᷊awo'u mezbahne wuṛṛu paal᷊uanne ṛimunsaanna iapasal᷊iawukka, manga panambunannu amaniane pasi tal᷊eṛṛonga, wuṛṛu al᷊awo'a apan a'olaanni mangitou sarun mawul᷊i.

YEHEZKIEL 6:8

Sangkawageanganna addio'a wuassi mangitou sarun Ta'u iapaal᷊iu wuassu pamamate udde, arawe i mangitou sarun isal᷊iawukka su wallattu manga araratuanna;

YEHEZKIEL 7:4

I Ya'u tawe umakkannu ara'e mangonggollu ampungnga si'o. I Ya'u sarun makkuumannu uasul᷊ungngu al᷊awo'u inolaanna maasili apan buatte niolangngu. Ne i'o masingkatte manungku ete i I Ya'u Mawu.”

YEHEZKIEL 7:9

I Ya'u tawe umakkanna ara'e mangonggollu ampungnga si'o. I Ya'u sarun makkuumanni yamiu uasul᷊ungngu al᷊awo'u al᷊al᷊eo apan buatte niola'i yamiu. Ne i yamiu masingkatte manungku ete i Ya'u Mawu wuṛṛu ete i Ya'u apan makkuumanni yamiu.”

YEHEZKIEL 9:7

Ruata nabbisara si mangitou, “Luhurete Wal᷊e-U indi! Penete manga rallake ringannu manga winal᷊unanna. Panattakke!” Ne i mangitou mannattakke mammate manga taumata sulal᷊ummu soa.